ಅರ್ಜುನ್‌ ನನ್ನ ರಾಖಿ ಬ್ರದರ್‌ ಎಂದ ಕತ್ರಿನಾ ಕೈಫ್‌

ಬಾಲಿವುಡ್‌ ನಟಿ ಕತ್ರಿನಾ ಕೈಫ್‌ ಅವರು ನಟ ಅರ್ಜುನ್‌ ಕಪೂರ್‌ರನ್ನು ತನ್ನ ರಾಖಿ ಬ್ರದರ್‌ ಎಂದಿದ್ದಾರೆ. ಟಾಕ್‌ ಶೋವೊಂದರಲ್ಲಿ ಅವರ ಬಳಿ, ರಣಬೀರ್‌ ಕಪೂರ್‌ ಆಲಿಯಾ ಭಟ್‌ ಮತ್ತು ಅರ್ಜುನ್‌ ಕಪೂರ್‌ ಮಲೈಕಾ ಅರೋರಾ ಒಂದೇ ದಿನ ಮತ್ತು ಒಂದೇ ವೇಳೆಯಲ್ಲಿ ಮದುವೆಯಾದರೆ ನೀವು ಯಾವ ಮದುವೆಯಲ್ಲಿ ಪಾಲ್ಗೊಳ್ಳುವಿರಿ ಎಂಬ ಪ್ರಶ್ನೆ ಕೇಳಲಾಗಿತ್ತು. ಅದಕ್ಕೆ ಕತ್ರಿನಾ, ಇಂಥ ಆಯ್ಕೆ ಬಂದರೆ ನಾನು ಅರ್ಜುನ್‌ ಕಪೂರ್‌ ಮದುವೆಗೆ ಹೋಗುತ್ತೇನೆ. ಯಾಕೆಂದರೆ ಅವರು ನನ್ನ ರಾಖಿ ಬ್ರದರ್‌ ಎಂದಿದ್ದಾರೆ.

ಶೀಲಾ ಕಿ ಜವಾನಿ ಸಿನಿಮಾ ಬಿಡುಗಡೆಯ ದಿನ ನಾನು ಅರ್ಜುನ್‌ಗೆ ರಾಖಿ ಕಟ್ಟಿದ್ದೆ. ಮೂಲತಃ ಅವರಿಗೆ ನಾನು ಇಷ್ಟವಿಲ್ಲ. ನಾನು ಅವರ ಬಳಿ, ಅರ್ಜುನ್‌, ನೀನು ನನ್ನ ರಾಖಿ ಬ್ರದರ್‌ ಆಗುವೆಯ ಎಂದು ಕೇಳಿದ್ದಕ್ಕೆ ಆತ ನೋ ಎಂದಿದ್ದ. ಆದರೆ ನನಗೆ ಆತ ರಾಖಿ ಬ್ರದರ್‌ ಆಗಿ ಇಷ್ಟ ಎಂದು ಕತ್ರಿನಾ ಕೈಫ್‌ ವಿವರಿಸಿದ್ದಾರೆ. ಕ್ಯಾಟ್‌ ಸದ್ಯಕ್ಕೆ ಭಾರತ್‌ ಸಿನಿಮಾದ ಪ್ರಚಾರ ಕಾರ್ಯಕ್ರಮದಲ್ಲಿ ಬಿಝಿಯಾಗಿದ್ದಾರೆ.