ಮಲೈಕಾ ಅರೋರಾ ಜೊತೆಗಿನ ಮದುವೆ ಗಾಸಿಪ್: ಅರ್ಜುನ್ ಕಪೂರ್ ಹೇಳಿದ್ದೇನು?

ಬಾಲಿವುಡ್‌ ನಟಿ ಮಲೈಕಾ ಅರೋರಾ ಮತ್ತು ಅರ್ಜುನ್ ಕಪೂರ್ ಪರಸ್ಪರ ಪ್ರೀತಿಸುತ್ತಿರುವ ವಿಷಯ ಗುಟ್ಟಾಗಿ ಉಳಿದಿಲ್ಲ. ವಯಸ್ಸಿನಲ್ಲಿ ಅಂತರವಿದ್ದರೂ, ಪ್ರೀತಿಯ ಅಲೆಯಲ್ಲಿ ಮಲೈಕಾ ಅರೋರಾ ಮತ್ತು ಅರ್ಜುನ್ ಕಪೂರ್ ತೇಲಾಡುತ್ತಿದ್ದಾರೆ. ಯಾರು ಏನೇ ಹೇಳಿದರೂ, ಎಷ್ಟೇ ಟ್ರೋಲ್ ಮಾಡಿದರೂ.. ಯಾವುದಕ್ಕೂ ಮಲೈಕಾ ಅರೋರಾ ಮತ್ತು ಅರ್ಜುನ್ ಕಪೂರ್ ತಲೆ ಕೆಡಿಸಿಕೊಂಡಿಲ್ಲ. ಡಿನ್ನರ್ ಡೇಟ್ ಆಗಲಿ, ಪಾರ್ಟಿಯಾಗಲಿ, ವೆಕೇಷನ್ ಆಗಲಿ.. ಎಲ್ಲೇ ಹೋದರೂ ಮಲೈಕಾ ಅರೋರಾ ಮತ್ತು ಅರ್ಜುನ್ ಕಪೂರ್ ಒಟ್ಟಿಗೆ ಓಡಾಡುತ್ತಿದ್ದಾರೆ. ಪ್ರೇಮದ ಬಲೆಗೆ ಸಿಲುಕಿರುವ ಮಲೈಕಾ ಅರೋರಾ ಮತ್ತು ಅರ್ಜುನ್ ಕಪೂರ್ ಅವರ ಮದುವೆ ಇದೇ ವರ್ಷದ ನವೆಂಬರ್ ಅಥವಾ ಡಿಸೆಂಬರ್ ತಿಂಗಳಿನಲ್ಲಿ ನಡೆಯಲಿದೆ ಎಂಬ ಗುಸು ಗುಸು ಬಾಲಿವುಡ್ ಅಂಗಳದಲ್ಲಿ ಕೇಳಿಬರುತ್ತಿದೆ. ಮುಂಬೈನಲ್ಲೇ ಮಲೈಕಾ ಅರೋರಾ ಮತ್ತು ಅರ್ಜುನ್ ಕಪೂರ್ ಅವರ ವಿವಾಹ ಮಹೋತ್ಸವ ನಡೆಯಲಿದ್ಯಂತೆ. ಆಪ್ತರು ಮತ್ತು ಕುಟುಂಬಸ್ಥರಷ್ಟೇ ಮದುವೆಗೆ ಹಾಜರಾಗಲಿದ್ದಾರಂತೆ ಎಂಬ ಅಂತೆ ಕಂತೆ ಕೂಡ ಹಬ್ಬಿದೆ.

ಅಂತೆ ಕಂತೆ ಪುರಾಣ ಜಾಸ್ತಿಯಾಗೋದು ಬೇಡ ಎಂದು ಸ್ಪಷ್ಟನೆ ಕೊಟ್ರು ನಟ ಅರ್ಜುನ್ ಕಪೂರ್, ಮಲೈಕಾ ಅರೋರ
ಅಷ್ಟೇ ಅಲ್ಲ.. ಅರ್ಜುನ್ ಕಪೂರ್ ಮತ್ತು ಮಲೈಕಾ ಅರೋರಾ ತಮ್ಮ ಮದುವೆಯನ್ನ ರಿಜಿಸ್ಟರ್ ಮಾಡಿಸಿದ ಬಳಿಕ ಬಾಲಿವುಡ್ ತಾರೆಯರಿಗಾಗಿ ಪಾರ್ಟಿ ಹೋಸ್ಟ್ ಮಾಡಲಿದ್ದಾರೆ. ಮದುವೆಗೆ ವಧು-ವರ ಸಾಂಪ್ರದಾಯಿಕ ಉಡುಗೆ ತೊಡಲಿದ್ದು, ಪಾರ್ಟಿಯಲ್ಲಿ ವೆಸ್ಟರ್ನ್ ಉಡುಗೆ ತೊಡಲಿದ್ದಾರೆ ಎಂತಲೂ ವರದಿಯಾಗಿದೆ. ಹಾಗಾದ್ರೆ, ಇದು ನಿಜವೇ..?

ಮದುವೆ ಗಾಸಿಪ್ ಅರ್ಜುನ್ ಕಪೂರ್ ಕಿವಿಗೂ ಬಿದ್ದಿದೆ. ಹೀಗಾಗಿ, ಇನ್ಸ್ಟಾಗ್ರಾಮ್‌ ಮೂಲಕ ಗಾಸಿಪ್ ಬಗ್ಗೆ ಅರ್ಜುನ್ ಕಪೂರ್ ಪರೋಕ್ಷವಾಗಿ ಸ್ಪಷ್ಟನೆ ಕೊಟ್ಟಿದ್ದಾರೆ.

ಕರೀನಾ, ಅಮೃತಾ ಅರೋರಾ ಬಳಿಕ ಮತ್ತಿಬ್ಬರಿಗೆ ಕೊರೊನಾ: ಪಾರ್ಟಿಯಲ್ಲಿದ್ದವರಿಗೆ ಹೆಚ್ಚಿತು ಆತಂಕ!
ಅರ್ಜುನ್ ಕಪೂರ್ ಇನ್ಸ್ಟಾಗ್ರಾಮ್ ಸ್ಟೋರಿ
‘’ಪ್ರತಿಯೊಬ್ಬರೂ ನನ್ನ ಜೀವನದ ಬಗ್ಗೆ ನನಗಿಂತ ಹೆಚ್ಚು ತಿಳಿದಿರುವುದನ್ನು ನೋಡುವುದೇ ಖುಷಿ’’ ಎಂದು ಇನ್ಸ್ಟಾಗ್ರಾಮ್‌ನಲ್ಲಿ ಅರ್ಜುನ್ ಕಪೂರ್ ಬರೆದುಕೊಂಡಿದ್ದಾರೆ. ಆ ಮೂಲಕ ಪರೋಕ್ಷವಾಗಿ ಮದುವೆ ಗಾಸಿಪ್‌ಅನ್ನು ಅರ್ಜುನ್ ಕಪೂರ್ ತಳ್ಳಿಹಾಕಿದ್ದಾರೆ.

'ಉತ್ತಮವಾಗಿ ಕಿಸ್ ಮಾಡುವ ವ್ಯಕ್ತಿಯನ್ನು ನಾನು ಇಷ್ಟಪಡುತ್ತೇನೆ'- ಮಲೈಕಾ ಅರೋರಾ ಬೋಲ್ಡ್ ಹೇಳಿಕೆ!
ಮಲೈಕಾ ಅರೋರಾ
ನಟಿ ಮಲೈಕಾ ಅರೋರಾ ಅವರಿಗೆ ಈಗ 48 ವರ್ಷ ವಯಸ್ಸು. 1998ರಲ್ಲಿ ಅರ್ಬಾಜ್ ಖಾನ್ ಅವರನ್ನ ಮಲೈಕಾ ಅರೋರಾ ಮದುವೆಯಾಗಿದ್ದರು. ದಂಪತಿ ಮಧ್ಯೆ ಭಿನ್ನಾಭಿಪ್ರಾಯ ಮೂಡಿದ ಕಾರಣ 2017ರಲ್ಲಿ ಮಲೈಕಾ ಅರೋರಾ ಮತ್ತು ಅರ್ಬಾಜ್ ಖಾನ್ ವಿಚ್ಛೇದನ ಪಡೆದರು. ಅಂದ್ಹಾಗೆ, ಮಲೈಕಾ ಅರೋರಾ ಮತ್ತು ಅರ್ಬಾಜ್ ಖಾನ್ ದಂಪತಿಗೆ ಓರ್ವ ಪುತ್ರನಿದ್ದಾನೆ.

ಅರ್ಬಾಜ್ ಖಾನ್ ಅವರಿಂದ ವಿಚ್ಛೇದನ ಪಡೆದ ಬಳಿಕ ಅರ್ಜುನ್ ಕಪೂರ್ ಅವರೊಂದಿಗೆ ಮಲೈಕಾ ಅರೋರಾ ರಿಲೇಶನ್‌ಶಿಪ್‌ನಲ್ಲಿದ್ದಾರೆ.

18 ವರ್ಷದ ಪುತ್ರನಿಗೋಸ್ಕರ ಮಾಜಿ ಪತ್ನಿ ಭೇಟಿ ಮಾಡಿದ ಸಲ್ಮಾನ್ ಖಾನ್ ಸಹೋದರ ಅರ್ಬಾಜ್ ಖಾನ್
ಅರ್ಜುನ್ ಕಪೂರ್
ನಟ ಅರ್ಜುನ್ ಕಪೂರ್ ಅವರಿಗೀಗ 36 ವರ್ಷ ವಯಸ್ಸು. ಬಾಲಿವುಡ್‌ನ ಹಿರಿಯ ನಿರ್ಮಾಪಕ ಬೋನಿ ಕಪೂರ್ ಅವರ ಪುತ್ರ ಅರ್ಜುನ್ ಕಪೂರ್. ‘2 ಸ್ಟೇಟ್ಸ್’, ‘ಹಾಫ್ ಗರ್ಲ್‌ಫ್ರೆಂಡ್’, ‘ನಮಸ್ತೆ ಇಂಗ್ಲೆಂಡ್’ ಮುಂತಾದ ಸಿನಿಮಾಗಳಲ್ಲಿ ಅಭಿನಯಿಸಿರುವ ಅರ್ಜುನ್ ಕಪೂರ್ ಕೈಯಲ್ಲಿ ಸದ್ಯ ‘ಏಕ್ ವಿಲನ್ ರಿಟರ್ನ್ಸ್’, ‘ದಿ ಲೇಡಿ ಕಿಲ್ಲರ್’ ಮುಂತಾದ ಚಿತ್ರಗಳಿವೆ.

Fill this survey and get a chance to win an attractive gift