ಅರ್ಜುನ್‌ ಕಪೂರ್‌ ಶರ್ಟ್‌ಲೆಸ್‌ ಫೋಟೋಗೆ ಲೈಕ್ಸ್‌ ಸುರಿಮಳೆ

ಬಾಲಿವುಡ್‌ ನಟ ಅರ್ಜುನ್‌ ಕಪೂರ್‌ ಅವರ ಹೊಸ ಶರ್ಟ್‌ಲೆಸ್‌ ಫೋಟೋವೊಂದು ಸೋಷಿಯಲ್‌ ಮೀಡಿಯಾದಲ್ಲಿ ಹಂಗಾಮ ಎಬ್ಬಿಸಿದೆ. ಇದರಲ್ಲಿ ಅವರು ತಮ್ಮ ಕಟ್ಟುಮಸ್ತಾದ ದೇಹವನ್ನು ಪ್ರದರ್ಶಿಸಿ ಕ್ಯಾಮರಾಗೆ ಪೋಸ್‌ ನೀಡಿದ್ದಾರೆ. ಮುಂಬರುವ ಪಾಣಿಪತ್‌ ಸಿನಿಮಾಗಾಗಿ ಕಠಿಣ ವರ್ಕೌಟ್‌ಗಳನ್ನು ಮಾಡಿ ತಮ್ಮ ಸ್ನಾಯುಗಳನ್ನು ಹುರಿಗೊಳಿಸಿರುವ ಅವರು ಆ ಕುರಿತ ಫೋಟೋವನ್ನು ಟ್ವಿಟ್ಟರ್‌ನಲ್ಲಿ ಶೇರ್‌ ಮಾಡಿಕೊಂಡು ಅದಕ್ಕೆ ವಾರಿಯರ್‌ ಮೋಡ್‌ ಆನ್‌, ಪಾಣಿಪತ್‌ ಎಂಬ ಕ್ಯಾಪ್ಷನ್‌ ಕೊಟ್ಟಿದ್ದರು.

ಈ ಫೋಟೊ ಕ್ಷ ಣಮಾತ್ರದಲ್ಲೇ ಸಿಕ್ಕಾಪಟ್ಟೆ ಲೈಕ್ಸ್‌ ಗಿಟ್ಟಿಸಿಕೊಂಡಿದೆ. ಅವರ ಅಭಿಮಾನಿಗಳು ವಿಶೇಷವಾಗಿ ಮಹಿಳಾ ಅಭಿಮಾನಿಗಳು ಅರ್ಜುನ್‌ರ ಈ ಹೊಸ ಬಾಡಿ ಬಿಲ್ಡಿಂಗ್‌ ಫೋಟೋಗೆ ಫಿದಾ ಆಗಿದ್ದಾರಂತೆ. ಅರ್ಜುನ್‌ರ ಈ ಶರ್ಟ್‌ಲೆಸ್‌ ಫೋಟೋವನ್ನು ಅವರ ಗರ್ಲ್‌ಫ್ರೆಂಡ್‌ ಮಲೈಕಾ ಅರೋರಾ ಕೂಡಾ ತುಂಬಾ ಮೆಚ್ಚಿಕೊಂಡಿದ್ದಾರೆ. ಈ ಫೋಟೋಗೆ ಅವರು ಮಸಲ್‌ ಇಮೋಜಿ ಮೂಲಕ ಕಾಮೆಂಟ್‌ ಮಾಡಿದ್ದಾರೆ. ಐತಿಹಾಸಿಕ ಯುದ್ಧವೊಂದರ ಕಥೆಯಿರುವ ಪಾಣಿಪತ್‌ ಸಿನಿಮಾದಲ್ಲಿ ಕೃತಿ ಸನನ್‌ ಮತ್ತು ಸಂಜಯ್‌ ದತ್‌ ಕೂಡಾ ನಟಿಸುತ್ತಿದ್ದಾರೆ.