ದಾಖಲೆ ಬರೆದ 'ಬಾಹುಬಲಿ 2' ಮೋಷನ್‌ ಪೋಸ್ಟರ್‌

ಎಸ್‌.ಎಸ್‌ ರಾಜಮೌಳಿ ನಿರ್ದೇಶನದ 'ಬಾಹುಬಲಿ 2' ಚಿತ್ರ ಹುಟ್ಟುಹಾಕಿರುವ ಕ್ರೇಜ್‌ ಅಷ್ಟಿಷ್ಟಲ್ಲ. ಅದಕ್ಕೆ ಸಾಕ್ಷಿ ಮಹಾ ಶಿವರಾತ್ರಿಯಂದು ಬಿಡುಗಡೆಯಾದ ಹೊಸ ಮೋಷನ್‌ ಪೋಸ್ಟರ್.

Presenting you the India's Most Viewed and Likes Motion Poster - #Baahubali2 !!!#Prabhas @BaahubaliMovie 👏 pic.twitter.com/7AfEmj1b0N — Prabhas (@PrabhasRaju) February 27, 2017 ನಟ ಪ್ರಭಾಸ್‌ ಆನೆಯ ಸೊಂಡಿಲಿನ ಮೇಲೆ ನಿಂತಿರುವ ಈ ಪೋಸ್ಟರ್‌ ಟ್ವಿಟ್ಟರ್‌ನಲ್ಲಿ ಸಿಕ್ಕಾಪಟ್ಟೆ ಸೌಂಡ್‌ ಮಾಡುತ್ತಿದೆ. ಅದರ ಜತೆ ಹೊಸ ದಾಖಲೆಗಳಿಗೂ ಕಾರಣವಾಗಿರುವುದು ಮತ್ತೊಂದು ವಿಶೇಷದ ಸಂಗತಿ. ಈ ಮೋಷನ್‌ ಪೋಸ್ಟರ್‌ ರಿಲೀಸ್‌ ಆದ 76 ಗಂಟೆಗಳಲ್ಲಿ 60 ಲಕ್ಷ ಜನ ವೀಕ್ಷಿಸಿದ್ದಾರಂತೆ.

ಟಾಲಿವುಡ್‌ ಚಿತ್ರರಂಗವಷ್ಟೇ ಅಲ್ಲ ಬಾರತ ಚಿತ್ರರಂಗದಲ್ಲೂ ಹೊಸ ದಾಖಲೆ ನಿರ್ಮಿಸಿದೆಯಂತೆ ಈ ಪೋಸ್ಟರ್‌. ಬರೀ ಮೂರೇ ದಿನದಲ್ಲಿ 60 ಲಕ್ಷ ಜನ ವೀಕ್ಷಿಸಿದ ಮೊದಲ ಟಾಲಿವುಡ್‌ ಮೋಷನ್‌ ಪೋಸ್ಟರ್‌ ಇದಾಗಿದೆ. ಅಷ್ಟೇ ಅಲ್ಲದೆ ಅತಿ ಹೆಚ್ಚು ಲೈಕ್ಸ್‌ ಪಡೆದ ಭಾರತದ ಮೊದಲ ಮೋಷನ್‌ ಪೋಸ್ಟರ್‌ ಕೂಡ ಆಗಿರುವುದು ನಿಜಕ್ಕೂ ಗ್ರೇಟ್‌.

ಈ ಸಂತಸವನ್ನು ಬಾಹುಬಲಿ ಚಿತ್ರದ ನಾಯಕ ಪ್ರಭಾಸ್‌ ತಮ್ಮ ಟ್ವಿಟರ್‌ ಖಾತೆಯ ಮೂಲಕ ಹಂಚಿಕೊಂಡಿದ್ದಾರೆ. ಈ ಮೊದಲು ತೆರೆಕಂಡ 'ಬಾಹುಬಲಿ' ಚಿತ್ರದ ಮುಂದುವರಿದ ಭಾಗವೇ 'ಬಾಹುಬಲಿ 2'. ಪ್ರಭಾಸ್‌, ರಾಣಾ ದಗ್ಗುಬಾಟಿ, ಅನುಷ್ಕಾ ಶೆಟ್ಟಿ ಹಾಗೂ ತಮನ್ನಾ ಭಾಟಿಯಾ ಮುಖ್ಯ ಭೂಮಿಕೆಯಲ್ಲಿ ಕಾಣಿಸಿಕೊಳ್ಳುತ್ತಿರುವ ಈ ಚಿತ್ರ ಏಪ್ರೀಲ್‌ನಲ್ಲಿ ಬಿಡುಗಡೆಯಾಗಲಿದೆ.