ಈ ವರ್ಷ ಬಾಲಿವುಡ್ಗೆ ಯಾಕೋ ಅದೃಷ್ಟ ಸರಿ ಇದ್ದಂತೆ ಕಾಣುತ್ತಿಲ್ಲ. ಕಳೆದ ಏಳು ತಿಂಗಳುಗಳಲ್ಲಿ ಬೆರಳೆಣಿಕೆಯಷ್ಟು ಹಿಂದಿ ಸಿನಿಮಾಗಳು ಮಾತ್ರ ಯಶಸ್ಸು ಕಂಡಿವೆ. ನಿರೀಕ್ಷೆ ಮೂಡಿಸಿದ್ದ ದೊಡ್ಡ ಬಜೆಟ್ನ ಸಿನಿಮಾಗಳು ಮಕಾಡೆ ಮಲಗಿವೆ. ಇತ್ತ ದಕ್ಷಿಣ ಭಾರತದ ಸಿನಿಮಾಗಳಾದ ಆರ್ಆರ್ಆರ್, ಕೆಜಿಎಫ್: ಚಾಪ್ಟರ್ 2 ಸಿನಿಮಾಗಳು ಬಾಲಿವುಡ್ನಲ್ಲಿ ಮಾಡಿದ ಹವಾ ಅಷ್ಟಿಷ್ಟಲ್ಲ. ಈ ಮಧ್ಯೆ ದಕ್ಷಿಣ ಭಾರತದ ಸಿನಿಮಾಗಳನ್ನು ರಿಮೇಕ್ ಮಾಡಿ, ಗೆಲ್ಲಬಹುದು ಎಂಬ ಬಾಲಿವುಡ್ ಮಂದಿಯ ಲೆಕ್ಕಾಚಾರವೂ ತಲೆಕೆಳಗಾಗಿದೆ. ಈ ವರ್ಷ ತೆರೆಕಂಡ ನಾಲ್ಕು ಬಹುನಿರೀಕ್ಷಿತ ಸಿನಿಮಾಗಳು ಸೋಲು ಕಂಡಿವೆ. ಆ ರಿಮೇಕ್ ಸಿನಿಮಾಗಳ ಬಗ್ಗೆ ಇಲ್ಲಿದೆ ಮಾಹಿತಿ. ಬಚ್ಚನ್ ಪಾಂಡೆ (Bachchan Pandey)
ಅಕ್ಷಯ್ ಕುಮಾರ್ ನಟನೆಯ 'ಬಚ್ಚನ್ ಪಾಂಡೆ' ಸಿನಿಮಾ ಮಾರ್ಚ್ 18ರಂದು ತೆರೆಕಂಡಿತ್ತು. ಇದು ತಮಿಳಿನ 'ಜಿಗರ್ಥಂಡ' ಚಿತ್ರದ ರಿಮೇಕ್ ಆಗಿತ್ತು. ಮೂಲ ಚಿತ್ರದಲ್ಲಿ ಬಾಬಿ ಸಿಂಹ ಮಾಡಿದ್ದ ಪಾತ್ರವನ್ನು ಅಕ್ಷಯ್ ಕುಮಾರ್ ಮಾಡಿದ್ದರು. ಈ ಸಿನಿಮಾ ಬಜೆಟ್ 180 ಕೋಟಿ ರೂ. ಎಂದು ಹೇಳಲಾಗಿತ್ತು. ಆದರೆ ಬಾಕ್ಸ್ ಆಫೀಸ್ನಲ್ಲಿ ಈ ಸಿನಿಮಾ ದೊಡ್ಡ ಸೋಲು ಕಂಡಿತು. ಈ ಸಿನಿಮಾವು 70 ಕೋಟಿ ರೂಪಾಯಿ ಗಳಿಸಲು ಸಾಧ್ಯವಾಗಲಿಲ್ಲ. ಇದು ಅಕ್ಷಯ್ಗೆ ದೊಡ್ಡ ಸೋಲನ್ನು ನೀಡಿತು.
ಜೆರ್ಸಿ (Jersey)
ತೆಲುಗಿನ 'ಅರ್ಜುನ್ ರೆಡ್ಡಿ' ಸಿನಿಮಾವನ್ನು ಹಿಂದಿಯಲ್ಲಿ 'ಕಬಿರ್ ಸಿಂಗ್' ಹೆಸರಿನಲ್ಲಿ ರಿಮೇಕ್ ಮಾಡಿ ದೊಡ್ಡ ಬ್ರೇಕ್ ಪಡೆದುಕೊಂಡಿದ್ದರು ನಟ ಶಾಹಿದ್ ಕಪೂರ್. ಆನಂತರ ಅವರು ತೆಲುಗಿನ ಮತ್ತೊಂದು ಸಿನಿಮಾ 'ಜೆರ್ಸಿ'ಯನ್ನು ಅದೇ ಹೆಸರಿನಲ್ಲಿ ರಿಮೇಕ್ ಮಾಡಿದ್ದರು. ತೆಲುಗಿನ ಅಲ್ಲು ಅರವಿಂದ್ ಮತ್ತು 'ದಿಲ್' ರಾಜು ಕೂಡ ಈ ಸಿನಿಮಾಗೆ ಹಣ ಹಾಕಿದ್ದರು. ಆದರೆ ಹಿಂದಿಯ 'ಜೆರ್ಸಿ' ಹೀನಾಯ ಸೋಲುಕಂಡಿತು. 95 ಕೋಟಿ ರೂ. ಬಜೆಟ್ನ ಈ ಸಿನಿಮಾ ಬಾಕ್ಸ್ ಆಫೀಸ್ನಲ್ಲಿ ಗಳಿಸಿದ್ದು ಬರೀ 28 ಕೋಟಿ ರೂಪಾಯಿ ಮಾತ್ರ!
ನಿಕಮ್ಮ (Nikamma)
ತೆಲುಗಿನ 'ಮಿಡಲ್ ಕ್ಲಾಸ್ ಅಬ್ಬಾಯಿ' (ಎಂಸಿಎ) ಸಿನಿಮಾವು 2017ರಲ್ಲಿ ತೆರೆಕಂಡಿತ್ತು. ನಾನಿ, ಸಾಯಿ ಪಲ್ಲವಿ, ಭೂಮಿಕಾ ಚಾವ್ಲಾ ನಟಿಸಿದ್ದ ಈ ಸಿನಿಮಾ ದೊಡ್ಡ ಹಿಟ್ ಆಗಿತ್ತು. ಇದೇ ಸಿನಿಮಾವನ್ನು 'ನಿಕಮ್ಮ' ಹೆಸರಿನಲ್ಲಿ ಹಿಂದಿಗೆ ರಿಮೇಕ್ ಮಾಡಲಾಗಿತ್ತು. ಜೂನ್ 17ರಂದು ತೆರೆಕಂಡ 'ನಿಕಮ್ಮ' ಬಾಕ್ಸ್ ಆಫೀಸ್ನಲ್ಲಿ ಗಳಿಸಿದ್ದು 1+ ಕೋಟಿ ರೂಪಾಯಿ ಮಾತ್ರ. ಅಭಿಮನ್ಯು ದಾಸನಿ, ಶಿಲ್ಪಾ ಶೆಟ್ಟಿ ಮುಂತಾದವರು ನಟಿಸಿದ್ದರು.
ಹಿಟ್ (Hit)
ತೆಲುಗಿನಲ್ಲಿ 2020ರಲ್ಲಿ ತೆರೆಕಂಡಿದ್ದ 'ಹಿಟ್' ಸಿನಿಮಾವನ್ನು ಅದೇ ಹೆಸರಿನಲ್ಲಿ ರಿಮೇಕ್ ಮಾಡಲಾಗಿದೆ. ಜುಲೈ 15ರಂದು ಆ ಸಿನಿಮಾ ತೆರೆಕಂಡಿದೆ. ರಾಜ್ಕುಮಾರ್ ರಾವ್ (Rajkummar Rao), ಸಾನ್ಯಾ ಮಲ್ಹೋತ್ರ ಮುಂತಾದವರು ನಟಿಸಿರುವ ಹಿಂದಿಯ ಹಿಟ್ ಆರಂಭದಲ್ಲೇ ಹಿನ್ನಡೆ ಕಂಡಿದೆ. ಮೊದಲ ದಿನ ಈ ಸಿನಿಮಾ ಗಳಿಸಿರುವುದು ಕೇವಲ 1.35 ಕೋಟಿ ರೂ. ಮಾತ್ರ. ಆದರೆ ಎರಡನೇ 2.01 ಕೋಟಿ ರೂ. ಗಳಿಸಿದೆ. ಒಟ್ಟು ಎರಡು ದಿನಕ್ಕೆ 3.36 ಕೋಟಿ ರೂಪಾಯಿ ಗಳಿಕೆ ಆಗಿದೆ. ಆದರೆ ಈ ಸಿನಿಮಾದ ಬಜೆಟ್ 30 ಕೋಟಿ ರೂಪಾಯಿ ಎನ್ನಲಾಗಿದೆ. 'ಹಿಟ್' ಸಿನಿಮಾ ಇದೇ ರೀತಿ ಗಳಿಕೆ ಮಾಡಿದರೆ, ಸೋತ ಸಿನಿಮಾಗಳ ಸಾಲಿಗೆ ಸೇರುವುದು ಖಚಿತ ಎಂಬ ಮಾತು ಕೇಳಿಬಂದಿದೆ.
ಅಕ್ಷಯ್ ಕುಮಾರ್ ನಟನೆಯ 'ಬಚ್ಚನ್ ಪಾಂಡೆ' ಸಿನಿಮಾ ಮಾರ್ಚ್ 18ರಂದು ತೆರೆಕಂಡಿತ್ತು. ಇದು ತಮಿಳಿನ 'ಜಿಗರ್ಥಂಡ' ಚಿತ್ರದ ರಿಮೇಕ್ ಆಗಿತ್ತು. ಮೂಲ ಚಿತ್ರದಲ್ಲಿ ಬಾಬಿ ಸಿಂಹ ಮಾಡಿದ್ದ ಪಾತ್ರವನ್ನು ಅಕ್ಷಯ್ ಕುಮಾರ್ ಮಾಡಿದ್ದರು. ಈ ಸಿನಿಮಾ ಬಜೆಟ್ 180 ಕೋಟಿ ರೂ. ಎಂದು ಹೇಳಲಾಗಿತ್ತು. ಆದರೆ ಬಾಕ್ಸ್ ಆಫೀಸ್ನಲ್ಲಿ ಈ ಸಿನಿಮಾ ದೊಡ್ಡ ಸೋಲು ಕಂಡಿತು. ಈ ಸಿನಿಮಾವು 70 ಕೋಟಿ ರೂಪಾಯಿ ಗಳಿಸಲು ಸಾಧ್ಯವಾಗಲಿಲ್ಲ. ಇದು ಅಕ್ಷಯ್ಗೆ ದೊಡ್ಡ ಸೋಲನ್ನು ನೀಡಿತು.
ಜೆರ್ಸಿ (Jersey)
ತೆಲುಗಿನ 'ಅರ್ಜುನ್ ರೆಡ್ಡಿ' ಸಿನಿಮಾವನ್ನು ಹಿಂದಿಯಲ್ಲಿ 'ಕಬಿರ್ ಸಿಂಗ್' ಹೆಸರಿನಲ್ಲಿ ರಿಮೇಕ್ ಮಾಡಿ ದೊಡ್ಡ ಬ್ರೇಕ್ ಪಡೆದುಕೊಂಡಿದ್ದರು ನಟ ಶಾಹಿದ್ ಕಪೂರ್. ಆನಂತರ ಅವರು ತೆಲುಗಿನ ಮತ್ತೊಂದು ಸಿನಿಮಾ 'ಜೆರ್ಸಿ'ಯನ್ನು ಅದೇ ಹೆಸರಿನಲ್ಲಿ ರಿಮೇಕ್ ಮಾಡಿದ್ದರು. ತೆಲುಗಿನ ಅಲ್ಲು ಅರವಿಂದ್ ಮತ್ತು 'ದಿಲ್' ರಾಜು ಕೂಡ ಈ ಸಿನಿಮಾಗೆ ಹಣ ಹಾಕಿದ್ದರು. ಆದರೆ ಹಿಂದಿಯ 'ಜೆರ್ಸಿ' ಹೀನಾಯ ಸೋಲುಕಂಡಿತು. 95 ಕೋಟಿ ರೂ. ಬಜೆಟ್ನ ಈ ಸಿನಿಮಾ ಬಾಕ್ಸ್ ಆಫೀಸ್ನಲ್ಲಿ ಗಳಿಸಿದ್ದು ಬರೀ 28 ಕೋಟಿ ರೂಪಾಯಿ ಮಾತ್ರ!
ನಿಕಮ್ಮ (Nikamma)
ತೆಲುಗಿನ 'ಮಿಡಲ್ ಕ್ಲಾಸ್ ಅಬ್ಬಾಯಿ' (ಎಂಸಿಎ) ಸಿನಿಮಾವು 2017ರಲ್ಲಿ ತೆರೆಕಂಡಿತ್ತು. ನಾನಿ, ಸಾಯಿ ಪಲ್ಲವಿ, ಭೂಮಿಕಾ ಚಾವ್ಲಾ ನಟಿಸಿದ್ದ ಈ ಸಿನಿಮಾ ದೊಡ್ಡ ಹಿಟ್ ಆಗಿತ್ತು. ಇದೇ ಸಿನಿಮಾವನ್ನು 'ನಿಕಮ್ಮ' ಹೆಸರಿನಲ್ಲಿ ಹಿಂದಿಗೆ ರಿಮೇಕ್ ಮಾಡಲಾಗಿತ್ತು. ಜೂನ್ 17ರಂದು ತೆರೆಕಂಡ 'ನಿಕಮ್ಮ' ಬಾಕ್ಸ್ ಆಫೀಸ್ನಲ್ಲಿ ಗಳಿಸಿದ್ದು 1+ ಕೋಟಿ ರೂಪಾಯಿ ಮಾತ್ರ. ಅಭಿಮನ್ಯು ದಾಸನಿ, ಶಿಲ್ಪಾ ಶೆಟ್ಟಿ ಮುಂತಾದವರು ನಟಿಸಿದ್ದರು.
ಹಿಟ್ (Hit)
ತೆಲುಗಿನಲ್ಲಿ 2020ರಲ್ಲಿ ತೆರೆಕಂಡಿದ್ದ 'ಹಿಟ್' ಸಿನಿಮಾವನ್ನು ಅದೇ ಹೆಸರಿನಲ್ಲಿ ರಿಮೇಕ್ ಮಾಡಲಾಗಿದೆ. ಜುಲೈ 15ರಂದು ಆ ಸಿನಿಮಾ ತೆರೆಕಂಡಿದೆ. ರಾಜ್ಕುಮಾರ್ ರಾವ್ (Rajkummar Rao), ಸಾನ್ಯಾ ಮಲ್ಹೋತ್ರ ಮುಂತಾದವರು ನಟಿಸಿರುವ ಹಿಂದಿಯ ಹಿಟ್ ಆರಂಭದಲ್ಲೇ ಹಿನ್ನಡೆ ಕಂಡಿದೆ. ಮೊದಲ ದಿನ ಈ ಸಿನಿಮಾ ಗಳಿಸಿರುವುದು ಕೇವಲ 1.35 ಕೋಟಿ ರೂ. ಮಾತ್ರ. ಆದರೆ ಎರಡನೇ 2.01 ಕೋಟಿ ರೂ. ಗಳಿಸಿದೆ. ಒಟ್ಟು ಎರಡು ದಿನಕ್ಕೆ 3.36 ಕೋಟಿ ರೂಪಾಯಿ ಗಳಿಕೆ ಆಗಿದೆ. ಆದರೆ ಈ ಸಿನಿಮಾದ ಬಜೆಟ್ 30 ಕೋಟಿ ರೂಪಾಯಿ ಎನ್ನಲಾಗಿದೆ. 'ಹಿಟ್' ಸಿನಿಮಾ ಇದೇ ರೀತಿ ಗಳಿಕೆ ಮಾಡಿದರೆ, ಸೋತ ಸಿನಿಮಾಗಳ ಸಾಲಿಗೆ ಸೇರುವುದು ಖಚಿತ ಎಂಬ ಮಾತು ಕೇಳಿಬಂದಿದೆ.