ಬಾಕ್ಸಾಫೀಸ್‌ ಕಲೆಕ್ಷನ್‌: ಬಾಹುಬಲಿಯನ್ನು ಹಿಂದಿಕ್ಕಿದ ಬಧಾಯಿ ಹೋ

ಭಾರತೀಯ ಚಿತ್ರರಂಗದಲ್ಲಿ ದಾಖಲೆಗಳನ್ನು ದೂಳೀಪಟ ಮಾಡಿದ್ದ ಚಿತ್ರ ಎಂದರೆ ಬಾಹುಬಲಿ. ಎರಡು ಭಾಗಗಳಾಗಿ ಬಂದು ಚಿತ್ರಪ್ರೇಮಿಗಳನ್ನು ರಂಜಿಸಿದ್ದ ಪ್ರಭಾಸ್‌ ನಟನೆಯ, ರಾಜಮೌಳಿ ನಿರ್ದೇಶನದ ಬಾಹುಬಲಿ ಸಾವಿರಾರು ಕೋಟಿ ರೂಪಾಯಿಯನ್ನು ಗಲ್ಲಾಪೆಟ್ಟಿಗೆಯಲ್ಲಿ ಬಾಚಿದೆ.

ಭಾರತೀಯ ಚಿತ್ರರಂಗದಲ್ಲಿ ಬಾಹುಬಲಿ ಚಿತ್ರ ಮೈಲುಗಲ್ಲಾಗಿದೆ. ಈಗ ಈ ಬಾಹುಬಲಿ ಚಿತ್ರದ ದಾಖಲೆಯನ್ನು ಬಾಲಿವುಡ್‌ನ ಚಿತ್ರವೊಂದು ಮುರಿದಿದೆ.ಅದು ಹೇಗೆ ಎಂದು ತಿಳಿಯುವ ಆಸಕ್ತಿಯೇ?

ಇಲ್ಲಿದೆ ನೋಡಿ ಮಾಹಿತಿ...

ಆಯುಷ್ಮಾನ್‌ ಖುರಾನ ನಟನೆಯ ಫ್ಯಾಮಿಲಿ ಎಂಟರ್ಟೈನ್‌ಮೆಂಟ್‌ ಸಿನಿಮಾ ಬಧಾಯಿ ಹೋ ಬಾಕ್ಸ್‌ ಆಫೀಸ್‌ ಗಳಿಕೆಯಲ್ಲಿ ಬಾಹುಬಲಿ 2 ಸಿನಿಮಾವನ್ನು ಹಿಂದಿಕ್ಕಿ ಮುನ್ನಡೆಯುತ್ತಿದೆ.

ಬಿಡುಗಡೆಯಾದ ದಿನದಿಂದ ಆರು ವಾರಗಳ ಕಾಲ ಯಶಸ್ವಿಯಾಗಿ ಪ್ರದರ್ಶನವಾಗುತ್ತಿದೆ ಬಧಾಯಿ ಹೋ.

ಈ ಸಿನಿಮಾದ ಆರನೇ ವಾರದ ಗಳಿಕೆ ಬಾಹುಬಲಿ 2 ಗಳಿಕೆಗಿಂತ ಜಾಸ್ತಿಯಾಗಿದೆ.

ಬಧಾಯಿ ಹೋ ಸಿನಿಮಾ ಆರನೇ ವಾರದಲ್ಲಿ 3.95 ಕೋಟಿ ರೂ. ಗಳಿಸಿದೆ. ಅದೇ ಹಿಂದಿ ಅವತರಣಿಕೆಯ ಬಾಹುಬಲಿ 2 ಸಿನಿಮಾ ಆರನೇ ವಾರದಲ್ಲಿ 3.35 ಕೋಟಿ ರೂ. ಗಳಿಸಿತ್ತು. ಈ ಅಂಕಿ ಅಂಶಗಳನ್ನು ಗಮನಿಸಿದರೆ ಬಧಾಯಿ ಹೋ ಸಿನಿಮಾ ಬಾಕ್ಸ್‌ ಆಫೀಸ್‌ ಗಳಿಕೆಯಲ್ಲಿ ಹೊಸ ದಾಖಲೆ ಸ್ಥಾಪಿಸಿದೆ.