ಬ್ಯಾಚುಲರೆಟ್‌ ಪಾರ್ಟಿ ಸಂಭ್ರಮದಲ್ಲಿ ಮಾಜಿ ಮಿಸ್‌ ಅರ್ತ್‌ ನಿಕೊಲ್‌ ಫರಿಯಾ

ಬೆಂಗಳೂರು ಮೂಲದ ಮಾಜಿ ಮಿಸ್‌ ಅರ್ತ್‌, ಬಾಲಿವುಡ್‌ ನಟಿ ಮತ್ತು ಸೂಪರ್‌ ಮಾಡೆಲ್‌ ಕೂಡಾ ಆಗಿರುವ ನಿಕೊಲ್‌ ಫರಿಯಾ ಅವರು ಇತ್ತೀಚೆಗಷ್ಟೇ ತಮ್ಮ ಗೆಳತಿಯರೊಂದಿಗೆ ಬಾಲಿಯ ಸುಂದರ ಬೀಚ್‌ನಲ್ಲಿ ಬ್ಯಾಚುಲರೆಟ್‌ ಪಾರ್ಟಿ ಮಾಡಿದ್ದಾರೆ. ಈ ಪಾರ್ಟಿಯ ಬೋಲ್ಡ್‌ ಫೋಟೋಗಳನ್ನು ಅವರು ತಮ್ಮ ಇನ್‌ಸ್ಟಾಗ್ರಾಮ್‌ ಅಕೌಂಟ್‌ನಲ್ಲಿ ಶೇರ್‌ ಮಾಡಿಕೊಂಡಿದ್ದು, ಅದೀಗ ವೈರಲ್‌ ಆಗಿವೆ.

ಈ ಫೋಟೋಗಳಲ್ಲಿ ನಿಕೊಲ್‌, ಬಿಳಿ ಬಣ್ಣದ ಬಿಕಿನಿ ಮತ್ತು ಎಥ್ನಿಕ್‌ ವಿನ್ಯಾಸದ ಆಭರಣಗಳನ್ನು ಧರಿಸಿ, ಕೂದಲನ್ನು ಇಳಿ ಬಿಟ್ಟು ಅನೇಕ ಪೋಸ್‌ಗಳನ್ನು ಕೊಟ್ಟಿದ್ದಾರೆ. ಅವರು ಗೆಳತಿಯರೊಂದಿಗೆ ಸ್ವಿಮ್ಮಿಂಗ್‌ ಪೂಲ್‌ನಲ್ಲಿ ನಿಂತು ತೆಗೆಸಿಕೊಂಡಿರುವ ಫೋಟೊಗೂ ಸಿಕ್ಕಾಪಟ್ಟೆ ಲೈಕ್ಸ್‌ ಬಂದಿವೆ. ನಿಕೊಲ್‌ ಕಳೆದ ವರ್ಷ ತಮ್ಮ ಗೆಳೆಯ ಅಮೆರಿಕದ ರೋಹನ್‌ ಪೊವಾರ್‌ ಎಂಬವರೊಂದಿಗೆ ನಿಶ್ಚಿತಾರ್ಥ ಮಾಡಿಕೊಂಡಿದ್ದರು.