ಲವರ್‌ಗಳಿಂದ ದೂರವಿರು ಎಂದು ಪುತ್ರಿಗೆ ಸೂಚಿಸಿದ ಶಾರುಖ್‌ ಖಾನ್‌

ರೊಮ್ಯಾಂಟಿಕ್‌ ಸಿನಿಮಾಗಳಲ್ಲಿ ಎವರ್‌ಗ್ರೀನ್‌ ರೊಮ್ಯಾಂಟಿಕ್‌ ಡೈಲಾಗ್‌ಗಳನ್ನು ಹೇಳಿ ಅಸಂಖ್ಯಾತ ಯುವತಿಯರ ಮನಸ್ಸು ಕದ್ದಿರುವ ಲವರ್‌ ಬಾಯ್‌ ಶಾರುಖ್‌ ಖಾನ್‌, ತಮ್ಮ ಪುತ್ರಿ ಸುಹಾನಾಗೆ ಮಾತ್ರ ಲವರ್‌ ಬಾಯ್‌ಗಳಿಂದ ದೂರವಿರುವಂತೆ ಸೂಚಿಸಿದ್ದಾರೆ. ನಾನು ತೆರೆಯ ಮೇಲೆ ಮಾಡಿದ ಲವರ್‌ ಬಾಯ್‌ ಪಾತ್ರಗಳಂಥ ಹುಡುಗರು ರಿಯಲ್‌ ಲೈಫ್‌ನಲ್ಲಿ ನಿನ್ನನ್ನು ಕಾಡಿಸಿದರೆ ಅವರಿಗೆ ಹೊಡೆದು ಬಿಡು ಎಂದು ಅವರು ಮಗಳಿಗೆ ತಾಕೀತು ಮಾಡಿದ್ದಾರಂತೆ.

ಸಂದರ್ಶನವೊಂದರಲ್ಲಿ ಈ ಕುರಿತು ಹೇಳಿಕೊಂಡಿರುವ ಶಾರುಖ್‌, ರೊಮ್ಯಾನ್ಸ್‌ ಎಂಬುದು ಆ ಕ್ಷ ಣದ ಒಂದು ಅನುಭವ ಮಾತ್ರ. ಇದೆಲ್ಲಾ ತೆರೆಯ ಮೇಲೆ ಮಾತ್ರ. ವೈಯಕ್ತಿಕವಾಗಿ ನಾನು ಆ ರೀತಿ ಇಲ್ಲ. ನಿಜ ಜೀವನದಲ್ಲಿ ನಾನು ನನ್ನ ಪತ್ನಿಯ ಮುಂದೆ ನನ್ನ ಬಾಹುಗಳನ್ನು ತೆರೆದು ಹಾಡು ಹಾಡಿದರೆ ನನ್ನ ಪತ್ನಿ ನನ್ನನ್ನು ಮನೆಯಿಂದ ಆಚೆ ಹಾಕುತ್ತಾಳಷ್ಟೆ. ನನ್ನ ಪುತ್ರಿಗೂ ನಾನು ಪ್ರೀತಿ, ಪ್ರೇಮ ಎಂದು ಸದಾ ಹಿಂಬಾಲಿಸುವ ಹುಡುಗರ ಬಗ್ಗೆ ಎಚ್ಚರಿಕೆಯಿಂದ ಇರುವಂತೆ ಸೂಚಿಸಿದ್ದೇನೆ ಎಂದು ವಿವರಿಸಿದ್ದಾರೆ.