ಅತ್ತಿಗೆ ಅನ್ನಬೇಡಿ ಎಂದ ದೀಪಿಕಾ ಪಡುಕೋಣೆ

ಬಾಲಿವುಡ್‌ನ ಹಾಟ್ ಕಪಲ್ ರಣವೀರ್ ಸಿಂಗ್ ಮತ್ತು ದೀಪಿಕಾ ಪಡುಕೋಣೆ ಇತ್ತೀಚಿಗೆ ಇಟಲಿಯಲ್ಲಿ ಅದ್ದೂರಿಯಾಗಿ ಮದುವೆಯಾಗಿದ್ದರು.

ಬಳಿಕ ಬೆಂಗಳೂರಿನಲ್ಲಿ ಆರತಕ್ಷತೆ ಹಮ್ಮಿಕೊಂಡಿದ್ದ ಸ್ಟಾರ್ ಕಪಲ್, ತಮ್ಮ ಬಿ-ಟೌನ್ ಸ್ನೇಹಿತರಿಗಾಗಿ ಮುಂಬಯಿಯಲ್ಲಿ ಕೂಡ ಆರತಕ್ಷತೆಯನ್ನಿಟ್ಟುಕೊಂಡಿದ್ದರು. ಕಾರ್ಯಕ್ರಮದಲ್ಲಿ ಮಾಧ್ಯಮ ಛಾಯಾಗ್ರಾಹಕರು ದೀಪಿಕಾರನ್ನು 'ಅತ್ತಿಗೆ' ಎಂದು ಸಂಬೋಧಿಸಿದ್ದಾರೆ. ಇದಕ್ಕೆ ತಕ್ಷಣ ಪ್ರತ್ರಿಕ್ರಿಯಿಸಿದ ದೀಪಿಕಾ, ಅತ್ತಿಗೆ ಅನ್ನಬೇಡಿ ಎಂದು ಹೇಳಿದ್ದಾರೆ.


ಈ ವೀಡಿಯೋ ಈಗ ಸಾಮಾಜಿಕ ಜಾಲತಾಣದಲ್ಲಿ ವೈರಲ್ ಆಗಿದೆ.

ದಂಪತಿ ಮೂರು ಆರತಕ್ಷತೆಗಳನ್ನು ಆಯೋಜಿಸಿದ್ದರು. ಒಂದು ಪಡುಕೋಣೆ ಕುಟುಂಬಕ್ಕಾಗಿ, ಇನ್ನೊಂದು ರಣವೀರ್ ಸಂಬಂಧಿಗಳಿಗಾಗಿ ಮತ್ತು ಕೊನೆಯದಾಗಿ ಬಾಲಿವುಡ್ ಸ್ನೇಹಿತರಿಗಾಗಿ.