ವೈರಲ್‌ ಆಯ್ತು ಭಾರತ್‌ ಸಿನಿಮಾ ಟ್ರೇಲರ್‌

ಸಲ್ಮಾನ್‌ ಖಾನ್‌ ನಟನೆಯ ಭಾರತ್‌ ಸಿನಿಮಾದ ಟ್ರೇಲರ್‌ ಬಿಡುಗಡೆಯಾದ ಕ್ಷ ಣ ಮಾತ್ರದಲ್ಲೇ ವೈರಲ್‌ ಆಗಿದೆ. ಸುಮಾರು ಮೂರು ನಿಮಿಷದಷ್ಟು ದೀರ್ಘವಿರುವ ಈ ಟ್ರೇಲರ್‌ ಆ ಸಿನಿಮಾ ಕುರಿತ ಕುತೂಹಲವನ್ನು ಇನ್ನಷ್ಟು ಹೆಚ್ಚಿಸಿದೆ ಎಂದು ಜನರು ಸೋಷಿಯಲ್‌ ಮೀಡಿಯಾದಲ್ಲಿ ಬರೆದುಕೊಂಡಿದ್ದಾರೆ. ಇದರಲ್ಲಿ ವಿವಿಧ ವಯೋಮಾನಗಳ ಶೇಡ್‌ನಲ್ಲಿ ಕಾಣಿಸಿಕೊಂಡಿರುವ ಸಲ್ಮಾನ್‌ ಖಾನ್‌ರ ಸಾಲ್ಟ್‌ ಆ್ಯಂಡ್‌ ಪೆಪ್ಪರ್‌ ಲುಕ್‌ ಈಗಾಗಲೇ ಸಲ್ಲು ಅಭಿಮಾನಿಗಳಿಗೆ ಇಂಪ್ರೆಸ್‌ ಮಾಡಿದೆ.

ಕೊರಿಯನ್‌ ಸಿನಿಮಾ ಒಡೆ ಟು ಮೈ ಫಾದರ್‌ನ ರಿಮೇಕ್‌ ಆಗಿರುವ ಭಾರತ್‌ ಸಿನಿಮಾದಲ್ಲಿ ಯುದ್ಧವೊಂದರಲ್ಲಿ ತನ್ನ ತಂದೆಯಿಂದ ಬೇರ್ಪಟ್ಟು ಆಮೇಲೆ ಅವರನ್ನು ಮತ್ತು ತನ್ನ ಕಳೆದು ಹೋದ ಸಹೋದರಿಯನ್ನು ಇನ್ನಿಲ್ಲದಂತೆ ಹುಡುಕಲು ಯತ್ನಿಸುವ ವ್ಯಕ್ತಿಯೊಬ್ಬನ ಕಥೆ ಇದೆ ಎಂದು ತಿಳಿದುಬಂದಿದೆ. ಸಲ್ಮಾನ್‌ ಖಾನ್‌ಗೆ ನಾಯಕಿಯಾಗಿ ಕತ್ರಿನಾ ಕೈಫ್‌ ನಟಿಸುತ್ತಿದ್ದಾರೆ. ತಬು, ದಿಶಾ ಪಠಾನಿ, ಜಾಕಿ ಶ್ರಾಫ್‌ ಮುಂತಾದವರು ಇರುವ ಭಾರತ್‌ ಸಿನಿಮಾ ಜೂನ್‌ 5ರಂದು ಬಿಡುಗಡೆಯಾಗಲಿದೆ.