ಹಸಿಬಿಸಿ ದೃಶ್ಯಗಳ ಶೂಟಿಂಗ್‌: ಅನುಭವ ಬಿಚ್ಚಿಟ್ಟ ನಟಿ

ಸಖತ್‌ ಟ್ರೈಲರ್‌, ಜಬರ್ದಸ್ತ್‌ ಹಾಡುಗಳು, ಹಸಿಬಿಸಿ ದೃಶ್ಯಗಳು ಜತೆಗೆ ನವಾಜುದ್ದೀನ್‌ ಸಿದ್ದಿಕಿಯ ಪರ್ಫೆಕ್ಟ್‌ ನಟನೆಯಿಂದಾಗಿ 'ಬಾಬುಮೋಶಾಯಿ ಬಂದೂಕ್‌ಬಾಜ್' ಚಿತ್ರ ಬಾಲಿವುಡ್‌ ಅಂಗಳದಲ್ಲಿ ಸಾಕಷ್ಟು ಸದ್ದು ಮಾಡುತ್ತಿದೆ. ಇನ್ನು ಈ ಚಿತ್ರದ ಮೂಲಕ ತಮ್ಮ ಕನಸೊಂದನ್ನು ನನಸು ಮಾಡಿಕೊಂಡಿದ್ದಾರೆ ಬಂಗಾಳಿ ಮೂಲದ ನಟಿ ಬಿಡಿತಾ ಬ್ಯಾಗ್‌.

ಬಿಡಿತಾಗೆ ನವಾಜುದ್ದೀನ್‌ ಜತೆ ತೆರೆ ಮೇಲೆ ಕಾಣಿಸಿಕೊಳ್ಳಬೇಕು ಎಂಬ ಹಂಬಲ ಇತ್ತಂತೆ. ಅದು 'ಬಾಬುಮೋಶಾಯಿ ಬಂದೂಕ್‌ಬಾಜ್‌' ಚಿತ್ರದಿಂದ ಈಡೇರಿತು ಎನ್ನುತ್ತಾರೆ ಬಿಡಿತಾ. ಬಡತನ ಕುಟುಂಬದ ಚಮ್ಮಾರ ಪಾತ್ರದಲ್ಲಿ ಮಿಂಚಿರುವ ಬಿಡಿತಾ, ಒಂದಿಷ್ಟು ದೃಶ್ಯಗಳಲ್ಲಿ ಮುಗ್ಧೆಯಾಗಿ ಹಾಗೂ ಮತ್ತೊಂದಿಷ್ಟು ದೃಶ್ಯಗಳಲ್ಲಿ ಸಖತ್‌ ಹಾಟ್‌ ಆಗಿ ಕಾಣಿಸಿಕೊಂಡು ಎಲ್ಲರೂ ಹುಬ್ಬೇರಿಸುವಂತೆ ಮಾಡಿದ್ದಾರೆ. ಟ್ರೈಲರ್‌ ಮತ್ತು ವೀಡಿಯೋ ಸಾಂಗ್‌ನಲ್ಲಿ ನವಾಜುದ್ದೀನ್‌-ಬಿಡಿತಾ ಹಸಿಬಿಸಿಯಾಗಿ ನಟಿಸಿರುವುದು ಚಿತ್ರದ ಬಗ್ಗೆ ಕುತೂಹಲ ಮೂಡಿಸಿದೆ.

ಚಿತ್ರದಲ್ಲಿನ ರೋಮ್ಯಾಂಟಿಕ್‌ ದೃಶ್ಯಗಳ ಬಗ್ಗೆ ಮಾತನಾಡಿರುವ ಬಿಡಿತಾ, 'ಚಿತ್ರದಲ್ಲಿ ಇಂಟಿಮೇಟ್‌ ದೃಶ್ಯಗಳು ಇಷ್ಟೊಂದು ಪರ್ಫೆಕ್ಟ್‌ ಆಗಿ ಬರಲು ಕಾರಣವಿದೆ. ಸರಸ-ಸಲ್ಲಾಪದ ದೃಶ್ಯಗಳನ್ನು ಹಲವಾರು ಬಾರಿ ಮರುಚಿತ್ರೀಕರಿಸುವ ಮೂಲಕ ಚಿತ್ರಕ್ಕೆ ಹಾಗೂ ಪಾತ್ರಗಳಿಗೆ ನ್ಯಾಯ ಒದಗಿಸಲಾಗಿದೆ. ಅದರಲ್ಲೂ ನವಾಜುದ್ದೀನ್‌ ಅವರಿಗೆ ಸರಿಸಮಾನವಾಗಿ ನಟಿಸುವುದು ತುಂಬ ಕಷ್ಟ' ಎಂದು ಹೇಳಿದ್ದಾರೆ.



ಮಾತು ಮುಂದುವರೆಸುತ್ತ 'ಚಿತ್ರದಲ್ಲಿ ಕಿಸ್ಸಿಂಗ್‌ ದೃಶ್ಯವನ್ನು ಪರ್ಫೆಕ್ಟ್‌ ಆಗಿ ಮಾಡಿಸಿದ್ದಾರೆ. ಕಿಸ್‌ ಮಾಡುವುದೆಂದರೆ ಕೇವಲ ತುಟಿಗೆ ತುಟಿ ಒತ್ತುವುದಲ್ಲ. ಅದರಲ್ಲಿ ಭಾವನೆಗಳನ್ನು ತುಂಬಬೇಕು. ಪಾತ್ರವನ್ನು ಗಮನದಲ್ಲಿಟ್ಟುಕೊಂಡು ಕಿಸ್‌ ಮಾಡಬೇಕು. ನನ್ನ ಪಾತ್ರವನ್ನು ಅಚ್ಚುಕಟ್ಟಾಗಿ ನಿಭಾಯಿಸಲು ನವಾಜುದ್ದೀನ್‌ ತುಂಬ ಸಹಕರಿಸಿದರು' ಎನ್ನತ್ತಾರೆ ಬೋಲ್ಡ್‌ ಬ್ಯೂಟಿ.

ಈ ಮೊದಲು ಚಿತ್ರಕ್ಕಾಗಿ ಚಿತ್ರಾಂಗದಾ ಸಿಂಗ್‌ ಆಯ್ಕೆಯಾಗಿದ್ದರು. ಕಾರಣಾಂತರಗಳಿಂದ ಚಿತ್ರಾಂಗದಾ ಚಿತ್ರ ತಂಡವನ್ನು ತೊರೆದರು. ಆಗ ಈ ಪಾತ್ರ ಸಿಕ್ಕಿದ್ದು ಬಿಡಿತಾಗೆ. ಅಂದಹಾಗೆ ಈ ಚಿತ್ರವನ್ನು ಕುಷನ್‌ ನಂದಿ ನಿರ್ದೇಶನ ಮಾಡಿದ್ದಾರೆ. ಆಗಸ್ಟ್‌ 25ರಂದು ಚಿತ್ರ ತೆರೆಗೆ ಬರುವ ಸಾಧ್ಯತೆಯಿದೆ.