'ಟಾಯ್ಲೆಟ್ ಏಕ್‌ ಪ್ರೇಮ್‌ ಕಥಾ' ಮೆಚ್ಚಿದ ಬಿಲ್‌ ಗೇಟ್ಸ್

ಅಕ್ಷಯ್‌ ಕುಮಾರ್ ಹಾಗೂ ಭೂಮಿ ಪಡ್ನೇಕರ್ ಮುಖ್ಯ ಭೂಮಿಕೆಯಲ್ಲಿರುವ 'ಟಾಯ್ಲೆಟ್ ಏಕ್‌ ಪ್ರೇಮ್‌ ಕಥಾ' ಚಿತ್ರವನ್ನು ಮೆಚ್ಚಿ ಮೈಕ್ರೋಸಾಫ್ಟ್‌ ಸಹ-ಸಂಸ್ಥಾಪಕ ಬಿಲ್‌ ಗೇಟ್ಸ್ ಟ್ವೀಟ್‌ ಮಾಡಿದ್ದಾರೆ.

ಸ್ವಚ್ಛ ಭಾರತ ಆಂದೋಲನಕ್ಕೆ ಪೂರಕವಾಗಿರುವ ಈ ಚಿತ್ರ ಜನರಿಗೆ ಶೌಚಾಲಯದ ಮಹತ್ವವನ್ನು ಒಂದು ಸುಂದರವಾದ ಪ್ರೇಮ ಕತೆಯ ಮೂಲಕ ಹೇಳುವಲ್ಲಿ ಯಶಸ್ವಿಯಾಗಿದೆ. ಈ ಚಿತ್ರದ ಬಗ್ಗೆ ಪ್ರಧಾನಿ ಮೋದಿಯವರು ಮೆಚ್ಚುಗೆಯ ಮಾತನಾಡಿದ್ದರು, ಸಿನಿ ಪ್ರೇಮಿಗಳಿಗೂ ಈ ಚಿತ್ರ ಇಷ್ಟವಾಗಿತ್ತು.




ಅಕ್ಷಯ್ ಕುಮಾರ್‌ ಇದೀಗ ಮತ್ತೊಂದು ಸಾಮಾಜಿಕ ಕಳಕಳಿಯ ಚಿತ್ರದ ಶೂಟಿಂಗ್‌ನಲ್ಲಿ ಬ್ಯುಸಿಯಾಗಿದ್ದಾರೆ. 'ಪದ್ಮನ್' ಎಂಬ ಈ ಚಿತ್ರದಲ್ಲಿ ಮುಟ್ಟಿನ ಸಮಯದಲ್ಲಿ ಸ್ತ್ರೀಯರು ಎದುರಿಸುತ್ತಿರುವ ಸಾಮಾಜಿಕ ತೊಂದರೆಗಳು ಹಾಗೂ ಮೂಢನಂಬಿಕೆಗಳ ಬಗ್ಗೆ ಬೆಳಕು ಚೆಲ್ಲಲಾಗುವುದು.