ಬಾಲಿವುಡ್ ನಟ ಅಮಿತಾಬ್ ಬಚ್ಚನ್ ಮನೆಗೆ ಬಂತು ಹೊಸ ಕಾರು!

ಬಾಲಿವುಡ್ ನಟ ಬಿಗ್ ಬಿ ಅಮಿತಾಬ್ ಬಚ್ಚನ್‌ ಅವರಿಗೆ ಕಾರುಗಳ ಪ್ರೀತಿ ಹೆಚ್ಚು. ಅಮಿತಾಬ್ ಬಚ್ಚನ್ ಬಳಿಕ ಹಲವು ಐಷಾರಾಮಿ ಕಾರುಗಳಿವೆ. ಇತ್ತೀಚೆಗಷ್ಟೇ ಅಮಿತಾಬ್ ಬಚ್ಚನ್ ರೋಲ್ಸ್ ರಾಯ್ಸ್ ಘೋಸ್ಟ್ ಕಾರನ್ನು ಮಾರಾಟ ಮಾಡಿದ್ದರು. ಈ ಕಾರಿನ ಬದಲು ಇದೀಗ ಹೊಸ ಮರ್ಸಡೀಸ್ ಬೆಂಝ್ ಕಾರನ್ನು ಖರೀದಿಸಿದ್ದಾರೆ.

ಅಮಿತಾಬ್ ಬಚ್ಚನ್ ನೂತನ ಮರ್ಸಡೀಸ್ ಬೆಂಝ್ ವಿ ಕ್ಲಾಸ್ ಕಾರು ಖರೀದಿ ಮಾಡಿದ್ದಾರೆ. ಇದು 6 ಸೀಟ್‌ನ ಕಾರಾಗಿದ್ದು, 2019ರ ಜನವರಿಯಲ್ಲಿ ಈ ಕಾರು ಭಾರತದಲ್ಲಿ ರಿಲೀಸ್ ಆಗಿದೆ. ಮರ್ಸಡೀಸ್ ಬೆಂಝ್ ವಿ-ಕ್ಲಾಸ್‌ ಎಕ್ಸ್‌ ಎಕ್ಸ್‌ಶೋ ರೂಮ್‌ ಬೆಲೆ 68.40 ಲಕ್ಷ ರೂ. ದಿಂದ ಆರಂಭವಾಗಲಿದೆ. ಇನ್ನು ಎಕ್ಸಕ್ಲೂಸಿವ್‌ LWB ವೇರಿಯೆಂಟ್ ಕಾರಿನ ಬೆಲೆ 81.90 ಲಕ್ಷ ರೂ. (ಎಕ್ಸ್ ಶೋ ರೂಂ) ಆರಂಭಗೊಳ್ಳಲಿದೆ.

ಸಿನಿಮಾ ನಟ-ನಟಿಯರು, ಬಿಸಿನೆಸ್‌ಮನ್‌ಗಳಿಗೆ ಇದು ಹೇಳಿ ಮಾಡಿಸಿದ ಕಾರು. ಹೈಟೆಕ್ ಟೆಕ್ನಾಲಜಿ, ಅತ್ಯಾಧುನಿಕ ತಂತ್ರಜ್ಞಾನ ಹಾಗೂ ಸೌಲಭ್ಯಗಳು ಈ ಕಾರಿನಲ್ಲಿದೆ. ಈ ಕಾರು 2.1 ಲೀಟರ್, 2143 ಸಿಸಿ BS-VI ಡೀಸೆಲ್ ಎಂಜಿನ್ ಹೊಂದಿದ್ದು, 163 PS ಪವರ್ ಹಾಗೂ 380 Nm ಪೀಕ್ ಟಾರ್ಕ್ ಉತ್ಪಾದಿಸಬಲ್ಲ ಸಾಮರ್ಥ್ಯ ಹೊಂದಿದೆ. 7 ಸ್ಪೀಡ್ ಅಟೋಮ್ಯಾಟಿಕ್ ಟ್ರಾನ್ಸಮಿಶನ್ ಹೊಂದಿದೆ.

6 ಏರ್‌ ಬ್ಯಾಗ್‌ಗಳು, 360 ಡಿಗ್ರಿ ಕ್ಯಾಮರಾ ಆಯಕ್ಟಿವ್‌ ಪಾರ್ಕಿಂಗ್‌, ABS, EBD ಸೇರಿದಂತೆ ಎಲ್ಲಾ ಸುರಕ್ಷತಾ ಸೌಲಭ್ಯ ಹಾಗೂ ಬ್ರೇಕಿಂಗ್ ಸಿಸ್ಟಮ್ ಹೊಂದಿದೆ. ಎಲ್‌ಇಡಿ ಹೆಡ್‌ಲ್ಯಾಂಪ್ಸ್, ಎಲೆಕ್ಟ್ರಿಕ್‌ ಸ್ಲೈಡಿಂಗ್‌ ಡೋರ್‌, 360 ಡಿಗ್ರಿಗಳ ರಿವರ್ಸಿಂಗ್‌ ಕ್ಯಾಮರಾ ಹೊಂದಿದೆ. ಒಬ್ಸಿಡಿಯನ್‌ ಬ್ಲ್ಯಾಕ್‌ ಮೆಟಾಲಿಕ್‌, ಕ್ಯಾವೆನ್ಸೈಟ್‌ ಬ್ಲೂ ಮೆಟಾಲಿಕ್‌ , ಮೌಂಟನ್‌ ಕ್ರಿಸ್ಟಲ್‌ ವೈಟ್‌ ಮೆಟಾಲಿಕ್‌ ಹಾಗೂ ಬ್ರಿಲಿಯಂಟ್‌ ಸಿಲ್ವರ್‌ ಮೆಟಾಲಿಕ್‌ ಬಣ್ಣಗಳಲ್ಲಿ ಕಾರು ಲಭ್ಯವಿದೆ.

ಇದೀಗ ನಟ ಅಮಿತಾಭ್‌ ಬಚ್ಚನ್ ಬಿಳಿ ಬಣ್ಣದ ಮರ್ಸಡೀಸ್ ಬೆಂಝ್ ವಿ ಕ್ಲಾಸ್ ಕಾರು ಖರೀದಿಸಿದ್ದಾರೆ. ಈ ಕಾರು ಸೇರಿ ಅವರ ಮನೆಯಲ್ಲಿ ಬಹಳಷ್ಟು ಕಾರುಗಳ ಸಂಗ್ರಹವಿದ್ದು ಹಲವು ಮಂದಿ ಆ ಕಾರುಗಳನ್ನು ನೋಡಿ ಆನಂದಿಸಲು ಅವರ ಮನೆಗೆ ಭೇಟಿ ಕೊಡುತ್ತಾರೆ ಎನ್ನಲಾಗಿದೆ.