ಈ ಚಿತ್ರದಲ್ಲಿ ಸುದೀಪ್ 'ಸರ್‌ಪ್ರೈಸ್ ಎಲಿಮೆಂಟ್': ಅರ್ಬಾಜ್ ಖಾನ್

ಸ್ಯಾಂಡಲ್‌ವುಡ್ ಸ್ಟಾರ್ ನಟ, 'ಅಭಿನಯ ಚಕ್ರವರ್ತಿ' ಖ್ಯಾತಿಯ ಕಿಚ್ಚ ಸುದೀಪ್ ಅವರು ಸಲ್ಮಾನ್ ಖಾನ್ ನಾಯಕತ್ವದ ಬಾಲಿವುಡ್‌ನ 'ದಬಾಂಗ್ 3' ಚಿತ್ರದಲ್ಲಿ ನಟಿಸುತ್ತಿರುವುದು ಬಹಳಷ್ಟು ಸಿನಿಮಾಪ್ರಿಯರಿಗೆ ಗೊತ್ತಿರುವ ಸಂಗತಿ. ಈ ಚಿತ್ರದಲ್ಲಿ ಕಿಚ್ಚ ಸುದೀಪ್ ಅವರು 'ವಿಲನ್' ಪಾತ್ರದಲ್ಲಿ ಮಿಂಚಲಿದ್ದಾರೆ ಎಂಬ ಸಂಗತಿ ಸಹ ಬಹಿರಂಗವಾಗಿದೆ. ಆದರೆ, ಬಾಲಿವುಡ್ ಅಂಗಳದಿಂದ ಇತ್ತೀಚೆಗೆ ಸಿಕ್ಕ ಹೊಸ ಸುದ್ದಿ ಸುದೀಪ್ ಫ್ಯಾನ್ಸ್‌ಗಳಿಗೆ ಸಖತ್ ಖುಷಿ ಕೊಡಲಿದೆ.

ಹಾಗಿದ್ದರೆ ಸುದ್ದಿ ಏನು? ಈ ಖುಷಿಯ ಸಮಾಚಾರವನ್ನು ಕೊಟ್ಟಿದ್ದು ಯಾರು? ಮುಂತಾದ ಮುಂದೆ ಪ್ರಶ್ನೆಗಳಿಗೆ ಉತ್ತರವಿದೆ. ಹೌದು, ಬಾಲಿವುಡ್ ಚಿತ್ರವಾದ 'ದಬಾಂಗ್ 3' ನಿರ್ಮಾಪಕರೂ ಆಗಿರುವ ಅರ್ಬಾಜ್ ಖಾನ್ ಇತ್ತೀಚೆಗೆ ಸಂದರ್ಶನವೊಂದರಲ್ಲಿ ಮಾತನಾಡುತ್ತ ಹಲವಾರು ಪ್ರಶ್ನೆಗಳಿಗೆ ಉತ್ತರಿಸಿದ್ದಾರೆ. ಹಾಗೇ ಕೇಳಿದ ಪ್ರಶ್ನೆಯೊಂದಕ್ಕೆ ಉತ್ತರಿಸಿದ ಅರ್ಬಾಜ್, 'ದಬಾಂಗ್ 3' ಚಿತ್ರದ 'ಸರ್‌ಪ್ರೈಸ್ ಎಲಿಮೆಂಟ್' ಕನ್ನಡದ ನಟ ಸುದೀಪ್ ಎಂದಿದ್ದಾರೆ. ಈ ಸಂಗತಿ ತಿಳಿದರೆ ಸುದೀಪ್ ಅಭಿಮಾನಿಗಳಿಗೆ ಸಖತ್ ಖುಷಿಯಾಗುವುದರಲ್ಲಿ ಸಂದೇಹವೇ ಇಲ್ಲ.

ಹೌದು, ಸುದೀಪ್ ತೀರಾ ಚಿಕ್ಕಪುಟ್ಟ ಮಾತ್ರವನ್ನುಂತೂ ಮಾಡುವುದಿಲ್ಲ. ಮುಖ್ಯ ಪಾತ್ರ ಅಥವಾ ಗೆಸ್ಟ್ ರೋಲ್ ಇಂಥವುಗಳಲ್ಲಿ ಮಾತ್ರ ಸುದೀಪ್ ನಟಿಸುತ್ತಾರೆ. ಹೆಚ್ಚೆಂದರೆ, ತೀರಾ ಆಪ್ತರಾಗಿದ್ದರೆ 'ಬಾಹುಬಲಿ' ಚಿತ್ರದ ಪಾತ್ರದಂತೆ ಘನತೆ ತಂದುಕೊಂಡುವ ಪೊಸೆಟಿವ್ ಅಪ್ರೋಚ್ ನೀಡಬಲ್ಲ ಪಾತ್ರವನ್ನಷ್ಟೆ ಆಯ್ಕೆ ಮಾಡಿಕೊಳ್ಳುತ್ತಾರೆ. ಬಾಲಿವುಡ್‌ನ 'ದಬಾಂಗ್ 3' ಚಿತ್ರದಲ್ಲಿ ಸಹ ಸುದೀಪ್ ಪಾತ್ರ ಬಹುಮುಖ್ಯವಾದದ್ದು. ಅಷ್ಟೇ ಅಲ್ಲ, ಅದರ ಚಿತ್ರದ 'ಸರ್‌ಪ್ರೈಸ್ ಎಲಿಮೆಂಟ್' ಎಂಬುದು ಅರ್ಬಾಜ್ ಖಾನ್ ಮೂಲಕ ರಿವೀಲ್ ಆಗಿದೆ.

ಒಟ್ಟಿನಲ್ಲಿ, ಸ್ಯಾಂಡಲ್‌ವುಡ್ ನಟ ಕಿಚ್ಚ ಸುದೀಪ್ ಕೀರ್ತಿ ಮತ್ತೊಮ್ಮೆ ಬಾಲಿವುಡ್ ಸಿನಿಮಾಲೋಕದಲ್ಲಿ ಹರಡಲು ಶುರುವಾಗಿದೆ. ಇನ್ನು 'ದಬಾಂಗ್ 3' ಚಿತ್ರವು ಬಿಡುಗಡೆಯಾದ ಬಳಿಕ ಸುದೀಪ್ ಅಭಿನಯವನ್ನು ಮೆಚ್ಚಿ ಅದೆಷ್ಟು ಖ್ಯಾತಿ ಬರಲಿದೆಯೋ ಏನೋ! ಕನ್ನಡದ ನಟ ಸುದೀಪ್ ಬಾಲಿವುಡ್ ಮೀರಿ ಈಗಾಗಲೇ ಹಾಲಿವುಡ್ ಚಿತ್ರದಲ್ಲೂ ಅಭಿನಯಿಸುತ್ತಿರುವುದು ಗೊತ್ತೇ ಇದೆ. ಅಂದಹಾಗೆ, ಸುದೀಪ್ ಸದ್ಯಕ್ಕೆ ಕನ್ನಡದ 'ಕೋಟಿಗೊಬ್ಬ 3' ಚಿತ್ರದ ಶೂಟಿಂಗ್‌ನಲ್ಲಿ ಬ್ಯುಸಿಯಾಗಿದ್ದಾರೆ.