ಮಲೈಕಾ ಜತೆ ಕರಣ್ ಟಾಕರ್ ಫ್ಲರ್ಟ್: ಅರ್ಜುನ್ ಕಪೂರ್ ಹೇಳಿದ್ದೇನು?

ಬಾಲಿವುಡ್ ಹೀರೋ ಅರ್ಜುನ್ ಕಪೂರ್ ಮತ್ತು ಬ್ಯೂಟಿ ಮಲೈಕಾ ಅರೋರಾ ನಡುವಿನ ಸ್ನೇಹಕ್ಕೂ ಮೀರಿದ ಸಂಬಂಧ ಎಲ್ಲರಿಗೂ ಗೊತ್ತು. ಅವರಿಬ್ಬರೂ ಜೊತೆಯಾಗಿ ಓಡಾಡುವುದು, ಡೇಟಿಂಗ್ ಮಾಡುವುದು, ಸೀಕ್ರೆಟ್‌ ಆಗಿ ಮೀಟ್ ಆಗುವುದು, ಕೆಲವೊಮ್ಮೆ ಸಾರ್ವಜನಿಕವಾಗಿಯೂ ಕಾಣಿಸಿಕೊಳ್ಳುವುದು ಈಗ ಗುಟ್ಟಾಗಿಯೇನೂ ಉಳಿದಿಲ್ಲ. ಆದರೆ, ಇತ್ತೀಚಿಗೆ ಬಂದ ಹೊಸ ಸುದ್ದಿ ಮಾತ್ರ ಬಹಳಷ್ಟು ಜನರಿಗೆ ಗೊತ್ತಿಲ್ಲ!

ಹ್ಯಾಂಡ್ಸಮ್ ಹಂಕ್ ಅರ್ಜುನ್ ಕಪೂರ್ ಹಾಗೂ ಹಾಟ್ ಬ್ಯೂಟಿ ಮಲೈಕಾ ಜೋಡಿ ಆಸ್ಟ್ರೇಲಿಯಾದ ಮೆಲ್ಬೋರ್ನ್ನಲ್ಲಿ ನಡೆದ ಇಂಡಿಯನ್ ಫಿಲ್ಮ್ ಫೆಸ್ಟಿವಲ್ನಲ್ಲಿ ಭಾಗವಹಿಸಿತ್ತು. ಇಬ್ಬರೂ ಜೊತೆಜೊತೆಯಾಗಿ ಕುಳಿತು ಪ್ರೋಗ್ರಾಂ ಎಂಜಾಯ್ ಮಾಡ್ತಿದ್ರು. ಈ ವೇಳೆ ಕಾರ್ಯಕ್ರಮ ನಿರೂಪಣೆ ಮಾಡ್ತಿದ್ದ ನಟ ಕರಣ್ ಟಾಕರ್ ಮಲೈಕಾ ಜೊತೆ ಫ್ಲರ್ಟ್ ಮಾಡೋಕೆ ಅವರಿದ್ದಲ್ಲಿಗೆ ಬಂದೇಬಿಟ್ಟರು. ಮಲೈಕಾ ಪಕ್ಕ ನಿಂತವರೇ "ಮಲೈಕಾ.. ನೀವು ವಿಮಾನದಲ್ಲಿ 20 ಗಂಟೆ ಪ್ರಯಾಣ ಮಾಡಿ ಆಸ್ಟ್ರೇಲಿಯಾಕ್ಕೆ ಬಂದ ಬಳಿಕವೂ ಸಖತ್ ಗಾರ್ಜಿಯಸ್ ಆಗಿ ಕಾಣಿಸುತ್ತಿದ್ದೀರಿ" ಎಂದು ಹೇಳಿ ಫ್ಲರ್ಟ್ ಮಾಡಲು ಟ್ರೈ ಮಾಡಿದ್ದಾರೆ.

ಅಷ್ಟೇ ಅಲ್ಲ, ಮಲೈಕಾ ಪಕ್ಕದಲ್ಲಿ ಕುಳಿತಿದ್ದ ಅರ್ಜನ್ ಕಪೂರ್ ನೋಡಿ "ಅರ್ಜುನ್ ನೀವು ಮಲೈಕಾ ಅರೋರಾ ಪಕ್ಕದಲ್ಲಿ ಕೂರಲು ಅದೃಷ್ಟ ಮಾಡಿದ್ದೀರಿ" ಎಂದಿದ್ದಾರೆ. ಅದನ್ನು ಕೇಳಿ ಪಕ್ಕದಲ್ಲೇ ಇದ್ದ ಮಲೈಕಾ ಬಾಯ್‌ಫ್ರಂಡ್ ಅರ್ಜನ್ ಕಪೂರ್‌ಗೆ ಉರಿದೇ ಹೋಗಿದೆ. ತಮ್ಮ ಕಾಲೆಳೆದ ಕರಣ್ ಟಾಕರ್‌ಗೆ ದ್ರು. ಅಷ್ಟೇ ಅಲ್ಲದೇ ಪಕ್ಕದಲ್ಲೇ ಇದ್ದ ಅರ್ಜುನ್ ಕಪೂರ್ ಅವರು ಮಾತನ್ನು ಕಟ್ ಮಾಡುವಂತೆ ಅರ್ಧಕ್ಕೆ ಎದ್ದು ನಿಂತು "ಹೋಗು, ಅಲ್ಲಿ ಹಿಂದೆ ಇರುವ ಹುಡುಗಿಯರ ಜೊತೆ ಫ್ಲರ್ಟ್ ಮಾಡು" ಎಂದು ಮಾತಿನ ಪಂಚ್ ನೀಡಿ ಸುಮ್ಮನೇ ಕುಳಿತುಬಿಟ್ಟರು. ಅಲ್ಲಿ ನೆರೆದಿದ್ದ ಪ್ರೇಕ್ಷಕರು ಒಮ್ಮೆಲೆ ಜೋರಾಗಿ ನಕ್ಕುಬಿಟ್ಟರು.

ಒಟ್ಟಿನಲ್ಲಿ, ಅರ್ಜುನ್ ಕಪೂರ್ ಮತ್ತು ಮಲೈಕಾ ಅರೋರಾ ಅವರಿಬ್ಬರೂ ತಮ್ಮ ಮಧ್ಯೆ ಏನೂ ಇಲ್ಲ ಎನ್ನುತ್ತಲೇ ಜೊತೆಯಾಗಿ ಓಡಾಡುತ್ತಿದ್ದಾರೆ. ಜಗತ್ತಿನ ತುಂಬ ಅವರಿಬ್ಬರ ಬಗ್ಗೆ ಮಾತನಾಡುವಂತೆ ನಡೆದುಕೊಳ್ಳುತ್ತಿದ್ದಾರೆ. ಆದರೆ, ಪರಸ್ಪರ ಮದುವೆ ಆಗುವ ಬಗ್ಗೆ ಅವರಿಬ್ಬರೂ ಆಸಕ್ತಿಯಿದ್ದಂತಿಲ್ಲ ಎನ್ನಲಾಗುತ್ತಿದೆ. ಅದು ಅವರ ವೈಯಕ್ತಿಕ ವಿಚಾರವಾಗಿದ್ದರೂ ಸೆಲೆಬ್ರೆಟಿಗಳು ಎನ್ನುವ ಕಾರಣಕ್ಕೆ ಅವರ ಸಂಗತಿ ಚರ್ಚೆಯ ವಿಷಯವಾಗುವುದು ಸವೇಸಾಮಾನ್ಯ ಎನ್ನಬಹುದು.