ಮಾಜಿ ಪತ್ನಿ ಸುಸಾನೆ ಖಾನ್ ಪೋಸ್ಟ್‌ಗೆ ಕಾಮೆಂಟ್ ಮಾಡಿದ ಬಾಲಿವುಡ್ ನಟ ಹೃತಿಕ್ ರೋಷನ್!

ಬಾಲಿವುಡ್ ನಟ ಹೃತಿಕ್ ರೋಷನ್ ಅವರು ಪತ್ನಿ ಸುಸಾನೆ ಖಾನ್‌ರಿಂದ ಈಗಾಗಲೇ ವಿಚ್ಛೇದನ ಪಡೆದು ಹಲವು ಸಮಯ ಆಗಿದೆ. ಆದರೆ ಮಕ್ಕಳ ಸಲುವಾಗಿ ಇವರಿಬ್ಬರು ಒಟ್ಟಿಗಿರುವುದು ಹಲವು ಬಾರಿ ಸುದ್ದಿಯಾಗಿತ್ತು. ಈಗ ಅವರು ವಿಚ್ಛೇದಿತ ಪತ್ನಿ ಸೋಶಿಯಲ್ ಮೀಡಿಯಾದಲ್ಲಿ ಹಾಕಿದ ಪೋಸ್ಟ್ ಒಂದಕ್ಕೆ ಕಾಮೆಂಟ್ ಮಾಡಿದ್ದಾರೆ.

ಸುಸಾನೆ ಖಾನ್ ಪೋಸ್ಟ್‌ಗೆ ಹೃತಿಕ್ ಕಾಮೆಂಟ್
ಇಂಟಿರಿಯರ್ ಡಿಸೈನರ್ ಆಗಿರುವ ಸುಸಾನೆ ಖಾನ್ ಸೋಶಿಯಲ್ ಮೀಡಿಯಾದಲ್ಲಿ ಬಾಲ್ಯದ ಫೋಟೋವನ್ನು ಹಂಚಿಕೊಂಡಿದ್ದರು. ಅಪ್ಪ ಮತ್ತು ಒಡಹುಟ್ಟಿದವರು ಇರುವ ಬ್ಲ್ಯಾಕ್ & ವೈಟ್ ಫೋಟೋ ಇದಾಗಿದೆ. ಇದಕ್ಕೆ ಅವರು 'ಒಂದಾನೊಂದು ಕಾಲದಲ್ಲಿ ಜುಹುನಲ್ಲಿ ನಮ್ಮ ಕುಟುಂಬ' ಎಂದು ಅವರು ಕ್ಯಾಪ್ಶನ್ ನೀಡಿದ್ದರು. ಇದಕ್ಕೆ ಹಲವರು ಪ್ರತಿಕ್ರಿಯೆ ನೀಡಿದ್ದಾರೆ. ನಟ ಹೃತಿಕ್ ರೋಷನ್ ಅವರು 'ಟೂ ಕ್ಯೂಟ್' ಎಂದು ಪ್ರತಿಕ್ರಿಯೆ ನೀಡಿದ್ದಾರೆ.

ಹೃತಿಕ್-ಸುಸಾನೆ ಒಂದು ಮಾಡಿದ್ದ ಕೊರೊನಾ
ಹೃತಿಕ್‌ಗೆ ರೇಹಾನ್ ಮತ್ತು ರಿದಾನ್ ಎಂಬ ಮಕ್ಕಳಿದ್ದಾರೆ. ಕೊರೊನಾ ವೈರಸ್ ಇರುವ ಈ ಸಮಯದಲ್ಲಿ ಮಕ್ಕಳ ಆರೋಗ್ಯ, ಅವರ ಮನಸ್ಥಿತಿ ಕಾಪಾಡಿಕೊಳ್ಳವುದು ತುಂಬ ಮುಖ್ಯವಾದ್ದರಿಂದ ಈ ದಂಪತಿ ನಟ ಜುಹು ಮನೆಗೆ ಮಕ್ಕಳ ಸಮೇತ ಶಿಫ್ಟ್ ಆಗಿತ್ತು. 'ಲಾಕ್‌ಡೌನ್ ಇರುವಾಗ ಮಕ್ಕಳು ನಮ್ಮಿಂದ ದೂರವಿದ್ದರೆ ಸಹಿಸಲು ಆಗದು. ನನ್ನ ಮಾಜಿ ಪತ್ನಿ ಸುಸಾನೆ ಖಾನ್ ತಾತ್ಕಾಲಿಕವಾಗಿ ಮಕ್ಕಳ ಸಮೇತ ಮನೆಗೆ ಬಂದಿದ್ದಾಳೆ. ಅವಳಿಗೆ ಧನ್ಯವಾದಗಳು' ಎಂದು ಹೃತಿಕ್ ರೋಷನ್ ಸೋಶಿಯಲ್ ಮೀಡಿಯಾದಲ್ಲಿ ಪೋಸ್ಟ್ ಮಾಡಿದ್ದರು.

Also Read-ವಿಚ್ಛೇದಿತ ಹೃತಿಕ್ ರೋಷನ್ ಮತ್ತು ಪತ್ನಿ ಸುಸಾನೆ ಖಾನ್‌ರನ್ನು ಒಂದು ಮಾಡಿದ ಮಹಾಮಾರಿ ಕೊರೊನಾ ವೈರಸ್!

2014ರಲ್ಲಿ ವಿಚ್ಛೇದನ ಪಡೆದಿದ್ದ ಹೃತಿಕ್
17 ವರ್ಷಗಳ ಕಾಲ ವೈವಾಹಿಕ ಜೀವನ ನಡೆಸಿದ ಈ ದಂಪತಿ 2014ರಲ್ಲಿ ಡಿವೋರ್ಸ್ ಪಡೆದಿದ್ದರು. ವಿಚ್ಛೇದನದ ಪಡೆದು 6 ವರ್ಷ ಕಳೆದನಂತರವೂ ಕೂಡ ಇವರಿಬ್ಬರು ಒಳ್ಳೆಯ ಸ್ನೇಹಿತರಾಗಿ ತಮ್ಮ ಸಂಬಂಧವನ್ನು ಮುಂದುವರೆಸಿಕೊಂಡು ಹೋಗುತ್ತಿದ್ದಾರೆ. ಮಕ್ಕಳ ಜೊತೆ ಸಮಯ ಸಿಕ್ಕಾಗ ಶಾಪಿಂಗ್ ಹೋಗುವುದು, ವಿದೇಶಗಳಿಗೆ ಹೋಗುವುದು ಮಾಡುತ್ತಿರುತ್ತಾರೆ. 2000ರಲ್ಲಿ ಬೆಂಗಳೂರಿನಲ್ಲಿ ಹೃತಿಕ್, ಸುಸಾನೆ ಮದುವೆಯಾಗಿದ್ದರು. ಹೃತಿಕ್ ಅವರು ಹಿಂದೂ, ಸುಸಾನೆ ಮುಸ್ಲಿಂ ಆದರೂ ಕೂಡ ಹೃತಿಕ್ ಪತ್ನಿಯ ಧರ್ಮವನ್ನು ನಂಬುತ್ತೇನೆ ಎಂದಿದ್ದರು.

Also Read-ಐದು ವರ್ಷಗಳ ಬಳಿಕ ವಿಚ್ಛೇದನಕ್ಕೆ ಕಾರಣ ಕೊಟ್ಟ ಹೃತಿಕ್ ಮಾಜಿ ಪತ್ನಿ