ಇಟಲಿಯ ರೋಸಾ ಹೇಳಿದ ಸೈಫ್ ಅಲಿ ಖಾನ್ ಪ್ರೇಮ ಕಥೆ

ಬಾಲಿವುಡ್ ನಟ, ಸದ್ಯಕ್ಕೆ ಕರೀನಾ ಕಪೂರ್ ಪತಿಯಾಗಿರುವ ಸೈಫ್ ಅಲಿ ಖಾನ್ ಕಥೆಯಿದು. ನಟ ಸೈಫ್ ಅಲಿ ಖಾನ್ ಅವರು ತಮಗಿಂತ 12 ವರ್ಷ ದೊಡ್ಡವಳಾದ ನಟಿ ಅಮೃತಾ ಸಿಂಗ್ ಅವರೊಂದಿಗೆ ಪ್ರೀತಿಯಲ್ಲಿ ಬಿದ್ದು ಸುಮಾರು ವರ್ಷಗಳ ಹಿಂದೆಯೇ ಮದುವೆಯಾಗಿ ಎರಡು ಮಕ್ಕಳ ತಂದೆ ಕೂಡ ಆಗಿದ್ದರು. ಆದರೆ ಹೆಂಡತಿ ಅಮೃತಾ ಜೊತೆಗಿದ್ದ ಮನಸ್ತಾಪದಿಂದ ಅವರಿಬ್ಬರೂ ಮಾನಸಿಕವಾಗಿ ದೂರವಾದರು.

ಆ ಬಳಿಕ ಅವರು ತಕ್ಷಣಕ್ಕೆ ಕರೀನಾ ಕಪೂರ್ ಅವರನ್ನು ಲವ್ ಮಾಡಿರುವುದಲ್ಲ, ಮದುವೆಯಾಗಿರುವುದಲ್ಲ. ಬದಲಿಗೆ ಅಲ್ಲೊಂದು ಟ್ವಿಸ್ಟ್ ಇದೆ. ಅಮೃತಾ ಸಿಂಗ್ ಅವರನ್ನು ದೂರ ಮಾಡಿಕೊಂಡ ಸೈಫ್, ಕರೀನಾ ಪ್ರೇಮಪಾಶಕ್ಕೆ ಬೀಳುವ ಮೊದಲು, ಇಟಲಿಯ ಮಾಡೆಲ್ ಆಗಿದ್ದ ರೋಸಾ ಕಟ್ಲಾನೋ ಅವರನ್ನು ಲವ್ ಮಾಡುತ್ತಿದ್ದರು. ಅವರನ್ನೇ ಮದುವೆಯಾಗಲು ನಿರ್ಧರಿಸಿದ್ದರು. ಆದರೆ, ಅವರಿಗೆ ತಮಗೆ ಮದುವೆಯಾಗಿದೆ, ಮಕ್ಕಳಿದ್ದಾರೆ ಎಂಬ ವಿಷಯವನ್ನು ಸೈಫ್ ರೋಸಾಳಿಂದ ಮುಚ್ಚಿಟ್ಟಿದ್ದರಂತೆ. ಈ ವಿಷಯವನ್ನು ಸ್ವತಃ ರೋಸಾ ಕಟ್ಲಾನೋ ಅವರು ಇತ್ತೀಚಿಗೆ ಸಂದರ್ಶನವೊಂದರಲ್ಲಿ ಬಹಿರಂಗ ಪಡಿಸಿದ್ದಾರೆ.

ಈ ಬಗ್ಗೆ ಮಾತನಾಡಿರುವ ರೋಸಾ "ನಾನು ಮತ್ತು ಸೈಫ್ ಅಲಿ ಖಾನ್ ಕೀನ್ಯಾದಲ್ಲಿ ಆಕಸ್ಮಿಕವಾಗಿ ಭೇಟಿಯಾದೆವು. ನಮ್ಮಿಬ್ಬರಲ್ಲಿ ಪ್ರೀತಿ ಚಿಗುರಿತ್ತು. ನಾನು ಅವರ ಪ್ರೀತಿಯನ್ನು ನಂಬಿ ಭಾರತಕ್ಕೆ ಬಂದು ಅವರೊಂದಿಗೆ ವಾಸವಾಗಿದ್ದೆ. ಆದರೆ, ಸೈಫ್ ತನಗೆ ಮದುವೆಯಾಗಿದೆ, ಮಕ್ಕಳಿದ್ದಾರೆ ಎಂಬ ವಿಷಯವನ್ನು ನನ್ನಿಂದ ಮುಚ್ಚಿಟ್ಟಿದ್ದರು. ಅದು ನನಗೆ ತಿಳಿಯುತ್ತಿದ್ದಂತೆ ನನಗೆ ಅವರು ಮಾಡುತ್ತಿರುವ ಮೋಸದ ಅರಿವಾಯಿತು. ನಾನು ಅವರಿಂದ ಸಂಬಂಧ ಕಡಿದುಕೊಂಡೆ" ಎಂದಿದ್ದಾರೆ.

ರೋಸಾ ಜೊತೆ ಸಂಬಂಧ ಕೆಡಿಸಿಕೊಂಡ ಮೇಲೆ ನಟ ಸೈಫ್ ಅವರು ಕರೀನಾ ಜತೆ ಪ್ರೀತಿಗೆ ಬಿದ್ದು ಅವರೊಂದಿಗೆ ಮದುವೆಯಾಗಿ ಈಗ ತೈಮೂರ್ ತಂದೆಯಾಗಿರುವುದುಈಗ ಇತಿಹಾಸ. ಆದರೆ, ಇಟಲಿಯ ಹುಡುಗಿಯೊಬ್ಬಳೊಡನೆ ಗುಟ್ಟಾಗಿ ಸಂಸಾರ ಮಾಡಿದ್ದು ಇದೀಗ ರಟ್ಟಾಗಿದೆ.