ಎರಡು ದಶಕಗಳ ಹಳೆಯ ಚಪ್ಪಲಿ ಧರಿಸುತ್ತೇನೆ: ನಟ ಸಲ್ಮಾನ್ ಖಾನ್

ಬಾಲಿವುಡ್ ನಟ ಸಲ್ಮಾನ್ ಖಾನ್ ಹಲವರು ಅಂದುಕೊಂಡಂತೆ ಇಲ್ಲ. ಸಾಕಷ್ಟು ಕಲಾವಿದರು ನಡೆಸುವಂತೆ ಐಷಾರಾಮಿ ಜೀವನವನ್ನು ನಟ ಸಲ್ಮಾನ್ ಖಾನ್ ನಡೆಸುತ್ತಿಲ್ಲವಂತೆ. ತುಂಬಾ ಮಂದಿ ಕಲಾವಿದರು, ಅವರು ಮಕ್ಕಳು ಲಕ್ಸುರಿಯಸ್ ಜೀವನ ನಡೆಸುತ್ತಾರೆ ಎಂಬುದು ಬಹುತೇಕರ ಅಭಿಮತ. ಆದರೆ. ಸಲ್ಮಾನ್ ಖಾನ್ ವಿಷಯದಲ್ಲಿ ಅದು ತದ್ವಿರುದ್ಧ ಎಂದು ಸ್ವತಃ ಅವರೇ ಹೇಳಿಕೊಂಡಿದ್ದಾರೆ.

"ಸಿನಿಮಾ ಕಲಾವಿದರ ಜೀವನ ತುಂಬಾ ಐಷಾರಾಮಿ. ಅವರ ಮಕ್ಕಳು ಕೂಡ ರಾಯಲ್ ಜೀವನ ನಡೆಸ್ತಾರೆ. ಸ್ಟಾರ್ ಕಲಾವಿದರು ಧರಿಸುವ ಬಟ್ಟೆ, ಬ್ಯಾಗ್, ಚಪ್ಪಲಿಗಳು ಸದಾ ಸುದ್ದಿಗೆ ಬರುತ್ತಿರುತ್ತವೆ. ಲಕ್ಷಗಟ್ಟಲೇ ಮೌಲ್ಯದ ಬ್ಯಾಗ್, ಚಪ್ಪಲಿ ಧರಿಸಿ ಕಲಾವಿದರು ಓಡಾಡುತ್ತಾರೆ." ಇಂಥಹ ಭಾವನೆಗಳು ಜನಸಾಮಾನ್ಯರಲ್ಲಿ ಸಹಜವಾಗಿ ಬೇರೂರಿವೆ. ಆದರೆ, ಸಲ್ಮಾನ್ ಹಾಗೆ ಖಂಡಿತವಾಗಿಯೂ ಇರುವುದಿಲ್ಲವಂತೆ. ಬಾಲಿವುಡ್ ನ ಯಶಸ್ವಿ ಕಲಾವಿದರಲ್ಲಿ ಸಲ್ಮಾನ್ ಖಾನ್ ಕೂಡ ಒಬ್ಬರು. ಅವರ ಬಳಿ ಹಣಕ್ಕೇನು ಕೊರತೆಯಲ್ಲ. ಒಂದು ಸಿನಿಮಾಗೆ ಸುಮಾರು 50 ಕೋಟಿಗಿಂತ ಹೆಚ್ಚು ಸಂಪಾದಿಸುತ್ತಾರೆ ನಟ ಸಲ್ಮಾನ್ ಖಾನ್.

"ನಾನು ಕೋಟಿ ಕೋಟಿ ಹಣ ಗಳಿಸಿದ್ದರೂ ಎಂದೂ ಐಷಾರಾಮಿಯಾಗಿ ಬದುಕಲು ಬಯಸಿಲ್ಲ. ಬಹಳಷ್ಟು ಸ್ಟಾರ್‌ಗಳಂತೆ ನಾನು ಎಂದೂ ಲಕ್ಸುರಿಯಸ್ ಜೀವನ ನಡೆಸಿಲ್ಲ. ಆ ಬಯಕೆಯೂ ನನಗಿಲ್ಲ. ನಾನು ಧರಿಸುವ ಟೀ ಶರ್ಟ್ ಬೆಲೆ 500 ರೂಪಾಯಿ ಆಸುಪಾಸು ಇರುತ್ತವೆ. 15 ವರ್ಷಗಳ ಹಿಂದಿನ ಜೀನ್ಸ್ ಈಗಲೂ ನಾನು ಬಳಸುತ್ತೇನೆ. 20 ವರ್ಷಗಳ ಹಿಂದಿನ ಚಪ್ಪಲಿ ಈಗಲೂ ನನ್ನ ಬಳಿಯಿದೆ.

ತೆರೆಯ ಮೇಲೆ ನನ್ನ ಪಾತ್ರವನ್ನು ನೋಡಿ ಜನ ನನ್ನನ್ನು ಸ್ಟಾರ್ ರೀತಿಯಲ್ಲಿ ಟ್ರೀಟ್ ಮಾಡುತ್ತಾರೆ. ಆದ್ರೆ ನಾನು ಜನಸಾಮಾನ್ಯರಂತೆ ಬದುಕಲು ಬಯಸುತ್ತೇನೆಂ. ಜನರು ನನ್ನನ್ನು ತುಂಬಾ ತಪ್ಪಾಗಿ ತಿಳಿದಿದ್ದಾರೆ. ನನ್ನ ಬಳಿ ಸಮಯ ಕಳೆದರೆ ಅವರಿಗೆ ನನ್ನ ಬಗ್ಗೆ ಸರಿಯಾದ ತಿಳುವಳಿಕೆ ಮೂಡಲು ಸಾಧ್ಯ" ಎಂದಿದ್ದಾರೆ ನಟ ಸಲ್ಮಾನ್ ಖಾನ್.