ಅಭಿಮಾನಿ ದೇವರುಗಳಿಗೆ 'ನಮೋ' ಎಂದ ನಟ ಸಲ್ಮಾನ್ ಖಾನ್!

ಬಾಲಿವುಡ್ ನಟ ಸಲ್ಮಾನ್ ಖಾನ್ ಅಭಿನಯದ ಬಹು ನಿರೀಕ್ಷಿತ ಸಿನಿಮಾ 'ದಬಾಂಗ್ 3' ಚಿತ್ರೀಕರಣ ಪ್ರಾರಂಭವಾಗಿದೆ. ಇಂದೋರ್ ನಲ್ಲಿ ಚಿತ್ರದ ಶೂಟಿಂಗ್ ಆರಂಭವಾಗಿದ್ದು, ಚಿತ್ರೀಕರಣ ಭರದಿಂದ ಸಾಗಿದೆ. ಇದೀಗ ಶೂಟಿಂಗ್ ಸ್ಪಾಟ್‌ ವಿಡಿಯೋವೊಂದನ್ನು ನಟ ಸಲ್ಮಾನ್ ಖಾನ್ ಹಂಚಿಕೊಂಡಿದ್ದಾರೆ.

ಹೌದು, ಸಲ್ಮಾನ್ ಖಾನ್ ಅವರಿಗೆ ಬಹು ದೊಡ್ಡ ಅಭಿಮಾನಿ ಬಳಗವೇ ಇದೆ. ಈಗಾಗಲೇ ದೊಡ್ಡ ಫ್ಯಾನ್ ಫಾಲೋಯಿಂಗ್ ಹೊಂದಿರುವ ಈ ನಟ ಎಲ್ಲೇ ಚಿತ್ರೀಕರಣಕ್ಕೆ ಹೋದರೂ ಅಭಿಮಾನಿಗಳು ಅವರನ್ನು ಮುತ್ತಿಕೊಳ್ಲುವುದು ಸರ್ವೇ ಸಾಮಾನ್ಯ. ಇದೀಗ 'ದಬಾಂಗ್ 3' ಚಿತ್ರೀಕರಣದಲ್ಲೂ ಕೂಡ ಅಭಿಮಾನಿಗಳ ದಂಡೇ ಹರಿದು ಬಂದಿತ್ತು. ಈ ವೇಳೆ ಅಭಿಮಾನಿಗಳನ್ನು ಹದ್ದುಬಸ್ತಿನಲ್ಲಿಡಲು ಪೊಲೀಸರು ಹರಸಾಹಸ ಪಟ್ಟಿದ್ದಾರೆ.

ಅಭಿಮಾನಿಗಳ ಪ್ರೀತಿಗೆ ಮನ ಸೋತ ನಟ ಸಲ್ಮಾನ್ ಖಾನ್ ಆ ಕ್ಷಣ ನಡೆದ ಅಭಿಮಾನವನ್ನು ಸೋಷಿಯಲ್ ಮೀಡಿಯಾದಲ್ಲಿ ಹಾಕಿದ್ದಾರೆ. ಇನ್ನು ಇದೇ ಸಲ್ಮಾನ್ ಖಾನ್ ಅವರು ವೇಳೆ ಪೊಲೀಸರಿಗೆ ಹಾಗೂ ಅಭಿಮಾನಿಗಳಿಗೆ ಧನ್ಯವಾದ ಹೇಳಿದ್ದಾರೆ. ಚಿತ್ರೀಕರಣಕ್ಕೆ ಯಾವುದೇ ತೊಂದರೆಯಾಗದಂತೆ ಪೊಲೀಸರು ಮುನ್ನೆಚ್ಚರಿಕೆ ವಹಿಸಿದ್ದಾರೆ. ಉಳಿದಂತೆ ಅಭಿಮಾನಿಗಳು ಸಲ್ಲು ಬರುತ್ತಿದ್ದಂತೆ 'ಸಲ್ಲು ಬಾಯ್' ಎಂದಾಕ್ಷಣ ಸಲ್ಲು ಎಲ್ಲರಿಗೂ ಕೈ ಎತ್ತುವ ಮೂಲಕ ಅಭಿಮಾನಿಗಳ ಭಾರಿ ಅಭಿಮಾನವನ್ನು ಕಣ್ತುಂಬಿಕೊಂಡಿದ್ದಾರೆ.

ಸದ್ಯ 'ದಬಾಂಗ್ 3' ಚಿತ್ರ ಪ್ರಭುದೇವ ನಿರ್ದೇಶನದಲ್ಲಿ ಮೂಡಿ ಬರುತ್ತಿದೆ. ಈ ಚಿತ್ರಕ್ಕೆ ಸಲ್ಮಾನ್ ಖಾನ್ ಸಹೋದರ ಅರ್ಬಾಜ್ ಖಾನ್ ಬಂಡವಾಳ ಹೂಡುತ್ತಿದ್ದಾರೆ. ಕೇವಲ ನಿರ್ಮಾಣವಲ್ಲದೇ ನಟನೆಯನ್ನೂ ಮಾಡುತ್ತಿದ್ದರ ಸಲ್ಲು ಸಹೋದರ ಅರ್ಬಾಜ್ ಖಾನ್. ಈ ಚಿತ್ರದಲ್ಲಿ ಸಲ್ಮಾನ್ ಕಾನ್‌ಗೆ ನಾಯಕಿಯಾಗಿ ಸೋನಾಕ್ಷಿ ಸಿನ್ಹಾ ಸ್ಕ್ರೀನ್ ಶೇರ್ ಮಾಡಿದ್ದಾರೆ. ಬಾಲಿವುಡ್ ಬಹನಿರೀಕ್ಷೆಯ ಸಿನಿಮಾ ಇದಾಗಿದೆ. ಈ ಚಿತ್ರವು ಮುಂದಿನ ವರ್ಷ ತೆರೆಗೆ ಬರಲಿದೆ ಎನ್ನಲಾಗಿದೆ.