Exclusive: 25 ಜನರ ಮಧ್ಯೆ ಇದೇ ತಿಂಗಳು ನಡೆಯಲಿದೆ ನಟ ವರುಣ್ ಧವನ್ ಕಲ್ಯಾಣ!

ಬಾಲಿವುಡ್ ನಟ ವರುಣ್ ಧವನ್ ಅವರ ಮದುವೆ ಬಗ್ಗೆ ಕಳೆದ ಎರಡು-ಮೂರು ವರ್ಷಗಳಿಂದ ಚರ್ಚೆಯಾಗುತ್ತಿದೆ. ಬಾಲ್ಯದ ಗೆಳತಿ ನತಾಶಾ ದಲಾಲ್ ಅವರನ್ನು ವರುಣ್ ಧವನ್ ಅವರು ಅನೇಕ ವರ್ಷಗಳಿಂದ ಪ್ರೀತಿ ಮಾಡುತ್ತಿದ್ದಾರೆ. ಈ ಜೋಡಿ ಯಾವಾಗ ಮದುವೆಯಾಗಲಿದೆ? ಎಂಬ ಪ್ರಶ್ನೆ ಕೆಲವರಿಗೆ ಕಾಡಿತ್ತು. ಅದಕ್ಕೀಗ ಉತ್ತರ ಸಿಕ್ಕಿದೆ.

ನತಾಶಾ ಯಾರು?
ಜನವರಿ 23, 24ರಂದು ವರುಣ್ ಧವನ್ ಅವರ ಮದುವೆ ನಡೆಯಲಿದೆಯಂತೆ. ಯಾರಿಗೂ ಹೇಳದೆ ವರುಣ್, ನತಾಶಾ ಜೊತೆ ಸಪ್ತಪದಿ ತುಳಿಯಲಿದ್ದಾರೆ. ಈಗಾಗಲೇ ವರುಣ್ ಹಾಗೂ ನತಾಶಾ ಕುಟುಂಬಸ್ಥರು ಮದುವೆ ನಡೆಯುವ ಜಾಗ ತಲುಪಲಿದ್ದಾರೆ. ಇನ್ನು ಮದುವೆ ಕೆಲಸಗಳು ಕೂಡ ನಡೆಯುತ್ತಿದೆ. ನತಾಶಾ ಅವರು ಫ್ಯಾಷನ್ ಡಿಸೈನರ್ ಆಗುದ್ದು, ಅವರ ಮದುವೆ ಉಡುಗೆಯನ್ನು ಅವರೇ ಡಿಸೈನ್ ಮಾಡಿಕೊಳ್ಳಲಿದ್ದಾರೆ ಎಂದು ಬಾಲಿವುಡ್ ಮೂಲಗಳು ಹೇಳುತ್ತಿವೆ.

20-25 ಜನರ ಮಧ್ಯೆ ಮದುವೆ
ಈಗಾಗಲೇ ಸಾಕಷ್ಟು ಮಧು ಮಕ್ಕಳಿಗೆ ನತಾಶಾ ಉಡುಗೆ ವಿನ್ಯಾಸ ಮಾಡಿ ಜನಪ್ರಿಯತೆ ಗಳಿಸಿದ್ದಾರೆ. ಹೀಗಾಗಿ ಅವರ ಮದುವೆಯಲ್ಲಿ ನತಾಶಾ ಹೇಗೆ ರೆಡಿಯಾಗುತ್ತಾರೆ ಎಂಬ ಕಾತುರ, ಕುತೂಹಲ ಕೆಲವರದ್ದು. ಕೊರೊನಾ ವೈರಸ್ ಇರುವ ಕಾರಣಕ್ಕೆ 20-15 ಜನರು ಮದುವೆಯಲ್ಲಿ ಭಾಗಿಯಾಗಲಿದ್ದಾರೆ. ಶೀಘ್ರದಲ್ಲಿಯೇ ಮದುವೆಯಾಗುವುದಾಗಿ ವರುಣ್ ಅವರು ಇತ್ತೀಚೆಗಷ್ಟೇ ಸಂದರ್ಶನದಲ್ಲಿ ಹೇಳಿದ್ದರು, ಆದರೆ ಮದುವೆ ದಿನಾಂಕ ಮಾತ್ರ ನಿಗದಿಯಾಗಿಲ್ಲ ಎಂದಿದ್ದರು.

Also Read-ಬಾಲಿವುಡ್‌ ಸ್ಟಾರ್‌ ನಟ ಪರಿಪರಿಯಾಗಿ ಪ್ರಪೋಸ್‌ ಮಾಡಿದರೂ ಈ ಹುಡುಗಿ ಒಪ್ಪಿಕೊಂಡಿರಲಿಲ್ಲ!

ಅನೇಕ ವರ್ಷಗಳಿಂದ ಪ್ರೀತಿ ಮಾಡುತ್ತಿರುವ ನತಾಶಾ-ವರುಣ್
ನತಾಶಾ-ವರುಣ್‌ ಅವರು 6ನೇ ತರಗತಿ ಇರುವಾಗಿನಿಂದ ಪರಿಚಿತರು. 12ನೇ ತರಗತಿವರೆಗೂ ಅವರು ಆಪ್ತ ಸ್ನೇಹಿತರಾಗಿದ್ದರು. ಆಮೇಲೆ ನತಾಶಾರನ್ನು ಪ್ರೀತಿಸಲು ಆರಂಭಿಸಿದ ವರುಣ್ ಅನೇಕ ಬಾರಿ ನತಾಶಾಗೆ ಪ್ರಪೋಸ್‌ ಮಾಡಿದ್ದರು. ಆದರೂ ನತಾಶಾ ಆರಂಭದಲ್ಲಿ ಒಪ್ಪಿರಲಿಲ್ಲ. ಆಮೇಲೆ ನತಾಶಾ ಒಪ್ಪಿದ್ದರಂತೆ. ಅನೇಕ ವರ್ಷಗಳ ಕಾಲ ವರುಣ್, ಅವರ ಪ್ರೀತಿ ವಿಚಾರವನ್ನು ಗುಟ್ಟಾಗಿ ಇಟ್ಟಿದ್ದರು.
Also Read-ಮದುವೆಗೂ ಮುನ್ನ 'ಅಪ್ಪ'ನಾಗಲಿರುವ ಹಾರ್ದಿಕ್‌! ಪ್ರೇಯಸಿ ಜೊತೆಗಿನ ಬ್ಯೂಟಿಫುಲ್‌ ಫೋಟೋಗಳು