ಶಾರುಖ್ ಖಾನ್ ಜೊತೆ ರೊಮ್ಯಾನ್ಸ್ ಮಾಡಲು ಕಾಯುತ್ತಿದ್ದಾರಂತೆ ಈ ಬಾಲಿವುಡ್ ನಟಿ!

ಬಾಲಿವುಡ್ ಬಾದ್‌ಷಾ ಶಾರುಖ್ ಖಾನ್ ಅವರಿಗೆ ಸಾಕಷ್ಟು ಅಭಿಮಾನಿಗಳಿದ್ದಾರೆ. ಕಳೆದ ಕೆಲ ವರ್ಷಗಳಿಂದ ಅವರ ಸಿನಿಮಾಗಳು ಅಷ್ಟಾಗಿ ಹಿಟ್ ಆಗದಿದ್ದರೂ ಕೂಡ ಅವರನ್ನು ಪ್ರೀತಿಸುವವರ ಸಂಖ್ಯೆ ಕಡಿಮೆಯಾಗಿಲ್ಲ. ಇನ್ನು ಶಾರುಖ್ ಮುಂದಿನ ಸಿನಿಮಾ ಯಾವುದು ಎಂಬುದರ ಬಗ್ಗೆ ಇದುವರೆಗೂ ಯಾವುದೇ ಮಾಹಿತಿ ಬಿಟ್ಟುಕೊಟ್ಟಿಲ್ಲ. ನಟಿ ಫಾತಿಮಾ ಸನಾ ಶೇಖ್ ಅವರು ಶಾರುಕ್ ಅವರ ಮುಂದಿನ ಸಿನಿಮಾದಲ್ಲಿ ನಟಿಸುವ ಪ್ಲ್ಯಾನ್‌ನಲ್ಲಿದ್ದಾರಂತೆ.

ರಾಜ್‌ಕುಮಾರ್ ಹಿರಾನಿ ಜೊತೆ ಶಾರುಖ್ ಸಿನಿಮಾ
ನಿರ್ದೇಶಕ ರಾಜ್‌ಕುಮಾರ್ ಹಿರಾನಿ ಅವರ ಜೊತೆ ಶಾರುಖ್ ಸಿನಿಮಾ ಮಾಡಲಿದ್ದಾರೆ ಎಂದು ಗುಸುಗುಸು ಕೇಳಿಬರುತ್ತಿದೆ. ಹೀಗಾಗಿ ನನಗೆ ಸಿನಿಮಾದಲ್ಲಿ ನಟಿಸಲು ಅವಕಾಶ ನೀಡಿ ಅಂತ ರಾಜ್‌ಕುಮಾರ್ ಅವರನ್ನು ಕೇಳಿದ್ದಾರಂತೆ. 'ನಾನು ಶಾರುಖ್ ಖಾನ್ ಅವರ ದೊಡ್ಡ ಅಭಿಮಾನಿ. ಅವರಲ್ಲಿ ಏನು ಮ್ಯಾಜಿಕ್ ಇದೆ ಎಂದು ಗೊತ್ತಿಲ್ಲ. ರಾಜು ಹಿರಾನಿ ಜೊತೆ ಶಾರುಖ್ ನಟಿಸುತ್ತಾರೆ ಎಂದು ನಂಬಿದ್ದೇನೆ. ನಾನು ಈ ಬಗ್ಗೆ ಓದಿದ್ದೇನೆ. ಇವರಿಬ್ಬರು ನನ್ನ ಫೇವರಿಟ್ ವ್ಯಕ್ತಿಗಳು' ಎಂದು ಫಾತಿಮಾ ಹೇಳಿದ್ದಾರೆ.

ಸಂಜಯ್ ಲೀಲಾ ಸಿನಿಮಾ ಅಂದರೆ ಫಾತಿಮಾಗೆ ತುಂಬ ಇಷ್ಟ
'ನೀವು ಸಿನಿಮಾದಲ್ಲಿ ನಟ-ನಟಿಯರನ್ನು ಹುಡುಕುತ್ತಿದ್ದರೆ, ನಾನು ನಟಿಸಲು ಸಿದ್ಧ ಅಂತ ರಾಜು ಸರ್‌ಗೆ ಮೆಸೇಜ್ ಮಾಡಿದ್ದೇನೆ. ಅವರು ನನ್ನನ್ನು ಅವರ ಸಿನಿಮಾದಲ್ಲಿ ಹಾಕಿಕೊಳ್ಳುತ್ತಾರೆ ಎಂಬ ನಂಬಿಕೆಯಿದೆ. ನನಗೆ ಲವ್, ಗ್ಯಾಂಗ್‌ಸ್ಟರ್ ಸಿನಿಮಾ ಅಂದರೆ ತುಂಬ ಇಷ್ಟ. ಸಂಜಯ್ ಲೀಲಾ ಭನ್ಸಾಲಿ ಸಿನಿಮಾಗಳೆಂದರೆ ತುಂಬ ಇಷ್ಟ. ಅವರು ನನಗೆ ನಿರ್ದೇಶಕರಿಗಿಂತ ಜಾಸ್ತಿ ಅಂತ ಅನಿಸುತ್ತದೆ' ಎಂದು ಫಾತಿಮಾ ಹೇಳಿದ್ದಾರೆ.

Also Read-ಮಗಳ ಬಣ್ಣವನ್ನು ಅವಮಾನಿಸಿದ ನೆಟ್ಟಿಗರು: ಮೌನ ಮುರಿದ ಶಾರುಖ್ ಖಾನ್ ಪತ್ನಿ ಗೌರಿ ಖಾನ್!

10 ವರ್ಷದಿಂದ ಕೆಟ್ಟ ಕಥೆ ಆಯ್ಕೆ ಮಾಡಿಕೊಳ್ಳುತ್ತಿರುವ ಶಾರುಖ್
ಇನ್ನು ಟ್ವಿಟ್ಟರ್‌ನಲ್ಲಿ ಶಾರುಖ್ ಖಾನ್ ಅವರಿಗೆ ನೆಟ್ಟಿಗರು ಅನೇಕ ಪ್ರಶ್ನೆ ಮಾಡಿದ್ದರು. ಆ ವೇಳೆ ಕಳೆದ 10 ವರ್ಷದಿಂದ ಕೆಟ್ಟ ಸ್ಕ್ರಿಪ್ಟ್‌ ಆಯ್ಕೆ ಮಾಡಿಕೊಳ್ಳುತ್ತಿರುವ ಬಗ್ಗೆ ನಿಮಗೆ ಪಶ್ಚಾತ್ತಾಪವಿದೆಯೇ? ಎಂದು ಪ್ರಶ್ನಿಸಿದ್ದಾರೆ. ಇದಕ್ಕೆ ಉತ್ತರ ನೀಡಿರುವ ಶಾರುಖ್, 'ನೀವು ಏನು ಮಾಡುತ್ತೀರೋ ಅದರಲ್ಲಿ ನಂಬಿಕೆಯಿಡಬೇಕು, ನಿಮ್ಮ ಕೆಲಸದ ಪರವಾಗಿ ನೀವಿರಬೇಕು. ಸಾಧನೆ ಹಾಗೂ ಸ್ವೀಕರಿಸುವುದು ನೋಡುಗನ ಕೈಯಲ್ಲಿರುತ್ತದೆ' ಎಂದು ಹೇಳಿದ್ದಾರೆ.

ನಿಮ್ಮನ್ನು ತೆರೆ ಮೇಲೆ ನೋಡುವ ಪ್ರೇಕ್ಷಕರ ಬಗ್ಗೆ ಏನು ಹೇಳುತ್ತೀರಿ ಅಂತ ಪ್ರಶ್ನೆ ಮಾಡಿದಾಗ ಶಾರುಖ್ ಅವರು, 'ಸಿನಿಮಾ ಶೂಟಿಂಗ್ ಶುರು ಮಾಡುತ್ತೇವೆ, ಪೋಸ್ಟ್‌ ಪ್ರೊಡಕ್ಷನ್ ಕೆಲಸ ಮಾಡುತ್ತೇವೆ, ಆಮೇಲೆ ಸಿನಿಮಾಕ್ಕೆ ಸಂಬಂಧಪಟ್ಟ ಕೆಲಸಗಳು ಮುಂದುವರೆಯುತ್ತವೆ' ಎಂದು ಹೇಳಿದ್ದಾರೆ.

Also Read-ನಿಮ್ಮ ದುಬಾರಿ 'ಮನ್ನತ್' ಮನೆ ಮಾರ್ತೀರಾ ಅಂತ ಕೇಳಿದ್ದಕ್ಕೆ ಶಾರುಖ್ ಖಾನ್ ಏನು ಉತ್ತರ ಕೊಟ್ರು?