ಮಾಲ್ಡೀವ್ಸ್ ಬೀಚ್‌ನಲ್ಲಿ 'ಫುಲ್ ಮೂಡ್‌'ನಲ್ಲಿ ಮಂದಿರಾ ಬೇಡಿ!

ಬಹಳಷ್ಟು ಸಿನಿಮಾ ಸೆಲೆಬ್ರಿಟಿಗಳು ಸಮಯ ಸಿಕ್ಕರೆ ಸಾಕು, ಬ್ಯಾಗ್ ಪ್ಯಾಕ್ ಮಾಡಿಕೊಂಡು ವಿದೇಶಕ್ಕೆ ಹಾರಿಬಿಡ್ತಾರೆ. ಇತ್ತೀಚೆಗಷ್ಟೇ ಬಾಲಿವುಡ್ ನಟಿ ಮಲೈಕಾ ಅರೋರಾ 'ಮಾಲ್ಡೀವ್ಸ್' ಟ್ರಿಪ್ ಮುಗಿಸಿಕೊಂಡು ಬಂದಿದ್ದಾರೆ. ಈಗ ನಟಿ ಮಂದಿರಾ ಬೇಡಿ ಮಾಲ್ಡೀವ್ಸ್ನಲ್ಲಿ ತಮ್ಮ ರಜೆಯ ಮಜವನ್ನು ಸವಿಯುತ್ತಿದ್ದಾರೆ. ಅಲ್ಲಿನ ಸುಂದರ ಸಮುದ್ರದ ದಡದಲ್ಲಿ ಸ್ವಿಮ್ ಸ್ಯೂಟ್ನಲ್ಲಿ ಮಲಗಿ ಬಿಸಿಲಿನ ಕಿರಣಗಳಿಗೆ ತಮ್ಮ ಮೈಒಡ್ಡಿದ್ದಾರೆ.

ನಟಿ ಮಂದಿರಾ ಬೇಡಿ ಮೊದಲೇ ಭಾರೀ ಫಿಟ್ನೆಸ್ ಫ್ರೀಕ್. ಮಾಲ್ಡೀವ್ಸ್ಗೆ ಕಾಲಿಟ್ಟ ಮರುದಿನವೇ ಮಂದಿರಾ ಬೇಡಿ ತಮ್ಮ ಇನ್ಸ್ಟಾಗ್ರಾಂನಲ್ಲಿ ಸಾಕಷ್ಟು ಫೋಟೋಗಳನ್ನು ಪೋಸ್ಟ್ ಮಾಡಿದ್ದಾರೆ. ಸೂರ್ಯ ಕಿರಣ.. ನೀಲಿ ಸಮುದ್ರ.. ಈ ಸ್ಥಳ ನನಗೆ ತುಂಬಾ ಖುಷಿ ಕೊಡುತ್ತದೆ... ಲೈಫ್ ಬೇರೇಯದೇ ಸುಖ ಕೊಡುತ್ತೆ.. ಅದೂ ಇದೂ ಅಂತ ಪೋಸ್ಟ್ ಮಾಡಿ ತಮ್ಮ ಅಭಿಮಾನಿಗಳಿಗೆ ಸಖತ್ ಕುತೂಹಲ ಹುಟ್ಟಿಸಿದ್ದಾರೆ. ತಮ್ಮ ಪೋಸ್ಟ್‌ಗಳಿಗೆ, ದೇಹ ಸೌಂದರ್ಯದ ಫೋಟೋಗಳಿಗೆ ವಿಭಿನ್ನವಾದ ಕ್ಯಾಪ್ಶನ್ ಸಹ ಕೊಟ್ಟಿದ್ದಾರೆ.

ಒಟ್ಟಿನಲ್ಲಿ, ಮಲೈಕಾ ಅರೋರಾ, ಮಂದಿರಾ ಬೇಡಿ ಮುಂತಾದವರು 'ಮಾಲ್ಡೀವ್ಸ್' ನಲ್ಲಿ ಮಾಡುತ್ತಿರುವ ಬಾಡಿ ಶೋ ನೋಡಿ ಹಲವರು ಅಲ್ಲಿಗೆ ಹೋಗಲು ತಯಾರಿ ನಡೆಸುತ್ತಿದ್ದಾರೆ ಎಂಬ ಸಂಗತಿ ಬಾಲಿವುಡಗ್ ಅಂಗಳದಲ್ಲಿ ಓಡಾಡುತ್ತಿದೆ. ಅಲ್ಲಿನ ಸಮುದ್ರದ ಮರಳಲ್ಲಿ ಹೊರಳಾಡಿ, ಸಮುದ್ರದ ಅಲೆಗಳಲ್ಲಿ ತೇಲಾಡಿ ಬರುವ ಆಸೆ ಕೆಲವು ಸೆಲೆಬ್ರೆಟಿಗಳನ್ನು ಕಾಡುತ್ತಿದ್ದರೆ ಅಚ್ಚರಿಯೇನಿಲ್ಲ ಎಂಬಂತಾಗಿದೆ. ಏಕೆಂದರೆ, ಸಿಕ್ಕ ಲೈಫನ್ನು ಸುಖವಾಗಿ ಕಳೆಯುವ ಸಂಕಲ್ಪ ಮಾಡಿರುವ ಸಾಕಷ್ಟು ಸೆಲೆಬ್ರೆಟಿಗಳು ನಮ್ಮಲ್ಲಿದ್ದಾರೆ.