ಸಲ್ಮಾನ್ ಖಾನ್ ಜೊತೆ ಮದುವೆ ಕನಸು ಕಾಣುತ್ತಿರುವ ಶ್ರದ್ಧಾ ಕಪೂರ್!

ಬಾಲಿವುಡ್ ನಟಿ ಶ್ರದ್ಧಾ ಕಪೂರ್ ತಮ್ಮ ವೈಯಕ್ತಿಕ ಜೀವನದ ಬಗ್ಗೆ ಸ್ವಲ್ಪ ಮನಬಿಚ್ಚಿ ಮಾತಾಡಿದ್ದಾರೆ. ಸಂದರ್ಶನವೊಂದರಲ್ಲಿ ನಟಿ ಶ್ರದ್ಧಾ ಕಪೂರ್"ನಾನು ಸೂಪರ್ ಸ್ಟಾರ್ ಸಲ್ಮಾನ್ ಖಾನ್ಅವರ ದೊಡ್ಡ ಅಭಿಮಾನಿ. ನನಗಿಂತ 21 ವರ್ಷ ದೊಡ್ಡವರಾಗಿರುವ ನಟ ಸಲ್ಮಾನ್ ಖಾನ್ ಅವರನ್ನು ಮದುವೆಯಾಗಲು ನನಗೆ ಇಷ್ಟವಿದೆ. ಆದರೆ ಆ ಕಾಲ ಕೂಡಿ ಬಂದಿಲ್ಲ" ಎಂದಿದ್ದಾರೆ.

ಶ್ರದ್ಧಾ ಕಪೂರ್ ಮಾತನ್ನು ಕೇಳಿದ ಬಾಲಿವುಡ್ ಮಂದಿ ಸಲ್ಮಾನ್ ಖಾನ್ ಸಿಗದಿದ್ದರೂ ಸಲ್ಲು ತರಹ ಇರುವ ಯುವಕ ಶ್ರದ್ದಾಗೆ ಸಿಗಬಹದೇನೋ ಎಂದು ಹೇಳುತ್ತಿದ್ದಾರೆ ಎನ್ನಲಾಗಿದೆ. ಒಟ್ಟಿನಲ್ಲಿ ಮೊಟ್ಟ ಮೊದಲ ಬಾರಿಗೆ ನಟಿ ಶ್ರದ್ಧಾ ಕಪೂರ್ ಸಲ್ಲು ಬಾಯ್ ಅಭಿಮಾನಿ ಎಂಬುದು ಜಗತ್ತಿಗೆ ಗೊತ್ತಾಗಿದೆ. ಇಬ್ಬರೂ ಬಾಲಿವುಡ್ ಸೆಲೆಬ್ರೆಟಿಗಳಾಗಿರುವ ಕಾರಣಕ್ಕೆ ಈ ಬಗ್ಗೆ ಎನೋನೋ ಕಾಮೆಂಟ್‌ಗಳು ಹರಿದಾಡುವುದು ಸಹಜ. ಆದರೆ ಅವರಿಬ್ಬರಿಗೂ ಈ ಬಗ್ಗೆ ತಲೆ ಕೆಡಿಸಿಕೊಳ್ಳಲು ಖಂಡಿತ ಸಮಯವಿಲ್ಲ.

ಅದಹಾಗೆ, ನಟ ಸಲ್ಮಾನ್ ಖಾನ್ ಇತ್ತೀಚಿಗಷ್ಟೇ ಭಾರತ್ ಚಿತ್ರದ ಶೂಟಿಂಗ್ ಮಗಿಸಿ 'ಇನ್‌ಶಾ ಅಲ್ಲಾ' ಚಿತ್ರದ ಚಿತ್ರೀಕರಣದಲ್ಲಿ ಭಾಗಿಯಾಗಿದ್ದಾರೆ. ನಟಿ ಶ್ರದ್ಧಾ ಕಪೂರ್ ಸಾಹೋ ಚಿತ್ರೀಕರಣ ಮುಗಿಸಿ ಹೊಸ ಚಿತ್ರದಲ್ಲಿ ಬ್ಯುಸಿಯಾಗಿದ್ದಾರೆ. ಸಲ್ಮಾನ್ ಖಾನ್ ನಾಯಕತ್ವ ಮುಂಬರುವ ಭಾರತ್ ಚಿತ್ರವು ಬಹಳಷ್ಟು ನಿರೀಕ್ಷೆ ಮೂಡಿಸಿದೆ. ಇನ್ನು ಸಾಹೋ ಚಿತ್ರದ ಬಗ್ಗೆಯಂತೂ ಮಾತನಾಡುವ ಹಾಗೇ ಇಲ್ಲ. ಏಕೆಂದರೆ, ಬಾಹುಬಲಿ ಯಶಸ್ಸಿನ ಬಳಿಕ ಪ್ರಭಾಸ್ ನಟಿಸುತ್ತಿರುವ ಚಿತ್ರವಿದು. ಸಹಜವಾಗಿಯೇ ಈ ಚಿತ್ರದ ನಿರೀಕ್ಷೆ ಆಕಾಶದ ಮಟ್ಟಕ್ಕಿದೆ.

ಒಟ್ಟಿನಲ್ಲಿ, ಶ್ರದ್ಧಾ ಕಪೂರ್ ಕೊಟ್ಟ ಹೇಳಿಕೆಗೆ ನಟ ಸಲ್ಮಾನ್ ಖಾನ್ ಯಾವ ರೀತಿಯಲ್ಲಿ ಪ್ರತಿಕ್ರಿಯೆ ನೀಡಬಹುದು ಎಂಬುದನ್ನು ಎಲ್ಲರೂ ಕಾಯುತ್ತಿದ್ದಾರೆ ಎನ್ನಬಹುದೇನೋ!