3 ತಿಂಗಳ ಕೂಸಿನೊಂದಿಗೆ ಸಿಟಿ ಸುತ್ತಿದ ಕರೀನಾ

ಇದೇ ಮೊದಲ ಬಾರಿಗೆ ಬಾಲಿವುಡ್‌ ನಟಿ ಕರೀನಾ ಕಪೂರ್‌ ಖಾನ್‌ ತಮ್ಮ ಮಗನೊಂದಿಗೆ ಸಾಯಂಕಾಲ ಸಿಟಿ ಪರ್ಯಟನೆ ಮಾಡಿ ಬಂದಿದ್ದಾರೆ. 3 ತಿಂಗಳ ಹಸುಗೂಸು ತೈಮೂರ್‌ ಅಲಿ ಖಾನ್‌ ಪಟೌಡಿ ತಾಯಿ ಜತೆ ಕಾರಲ್ಲಿ ಕುಳಿತು ನಗರ ದರ್ಶನ ಮಾಡಿದ್ದಾನೆ.

ಕರೀನಾ ಕಪೂರ್‌ ಪುತ್ರ ಕಾರಿನಲ್ಲಿ ನಗರ ದರ್ಶನಕ್ಕೆ ಹೊರಟಿರುವ ಫೋಟೋ ಸದ್ಯಕ್ಕೆ ಸಾಮಾಜಿಕ ಜಾಲತಾಣಗಳಲ್ಲಿ ವೈರಲ್‌ ಆಗಿದೆ. ಕರೀನಾ ಅಭಿಮಾನಿಗಳು ಈ ಫೋಟೋವನ್ನು ಶೇರ್‌ ಮಾಡಿಕೊಳ್ಳುತ್ತಿದ್ದಾರೆ. ಕರೀನಾ ಸಹಾಯಕಿ ಮಗುವನ್ನು ಎತ್ತಿಕೊಂಡು ಕುಳಿತಿರುವುದನ್ನು ಚಿತ್ರದಲ್ಲಿ ನೋಡಬಹುದು.

Kareena Kapoor Khan takes son Taimur out for his first drive and the sight is too cute to handle😍 pic.twitter.com/C9GeNlbf07 — Kareena Kapoor Khan (@KareenaOnline) March 16, 2017 ಕಳೆದ ವರ್ಷ ಡಿಸೆಂಬರ್‌ 20ರಂದು ಜನಿಸಿದ ತೈಮೂರ್‌ನನ್ನ ತಾಯಿ ಕರೀನಾ ಇಷ್ಟು ಬೇಗ ಹೊರಗೆ ಕರೆದುಕೊಂಡು ಬಂದಿರುವುದು ಕೆಲವರಲ್ಲಿ ಅಚ್ಚರಿಯನ್ನೂ ಮೂಡಿಸಿದೆ. ಮತ್ತೊಂದು ಆಶ್ಚರ್ಯಕರ ಸಂಗತಿ ಎಂದರೆ ಕರೀನಾ ತಮ್ಮ ಮುಂದಿನ ಚಿತ್ರ 'ವೀರ್‌ ದಿ ವೆಡ್ಡಿಂಗ್‌' ಚಿತ್ರೀಕರಣಕ್ಕೆ ಮಗನನ್ನೂ ಕರದುಕೊಂಡು ಹೋಗಲಿದ್ದಾರಂತೆ. ಆಗ ತೈಮೂರ್‌ನ ಇನ್ನಷ್ಟು ಕ್ಯೂಟ್‌ ಫೋಟೋಗಳು ಅಪ್ಲೋಡ್‌ ಆಗುವುದರಲ್ಲಿ ಯಾವುದೇ ಸಂಶಯವಿಲ್ಲ.