ಲೋಕಸಭಾ ಚುನಾವಣೆ ಫಲಿತಾಂಶ: ಊರ್ಮಿಳಾ ಮಾತೊಂಡ್ಕರ್ ಟ್ವೀಟ್‌ನಲ್ಲೇನಿದೆ?

ಲೋಕಸಭಾ ಚುನಾವಣೆ ಫಲಿತಾಂಶ ಪ್ರಕಟವಾಗುತ್ತಿದೆ. ಈಗಾಗಲೇ ಬಿಜೆಪಿ ನೇತೃತ್ವದ ಎನ್‌ಡಿಎ ಸ್ಪಷ್ಟ ಬಹುಮತವನ್ನೂ ಮೀರಿ ದಾಪುಗಾಲಿಟ್ಟಿದೆ. 272ರ ಮ್ಯಾಜಿಕ್ ಗಡಿ ದಾಟಿ ಬಿಜೆಪಿ ಈಗಾಗಲೇ ಸಾಕಷ್ಟು ಮುನ್ನಡೆ ಸಾಧಿಸಿದೆ. ಈ ಹಂತದಲ್ಲಿ ಚುನಾವಣೆ ಕಣದಲ್ಲಿ ಸ್ಪರ್ಧಿಸಿದ್ದ ಬಾಲಿವುಡ್ ತಾರೆ 'ರಂಗೀಲಾ' ಖ್ಯಾತಿಯ ಊರ್ಮಿಳಾ ಮಾತೊಂಡ್ಕರ್ ತಮ್ಮ ಕ್ಷೇತ್ರಕ್ಕೆ ಸಂಬಂಧಿಸಿದಂತೆ ಟ್ವೀಟ್ ಒಂದನ್ನು ಮಾಡಿದ್ದಾರೆ.

ಈ ಬಗ್ಗೆ ಟ್ರ್ವೀಟ್ ಮಾಡಿರುವ ನಟಿ ಊರ್ಮಿಳಾ ಮಾತೊಂಡ್ಕರ್ "ಮಗಥಾಣೆ ಮತಗಟ್ಟೆಯಲ್ಲಿ ಮತದಾರರ ಸಿಗ್ನೇಚರ್ ಮತ್ತು ಮಶಿನ್ ನಂಬರ್ ವಿಭಿನ್ನವಾಗಿದೆ. ಇವೆರಡೂ ತಾಳೆಯಾಗುತ್ತಿಲ್ಲ. ಈ ಬಗ್ಗೆ ಚುನಾವಣೆ ಆಯೋಗಕ್ಕೆ ದೂರು ನೀಡಲಾಗಿದೆ" ಎಂದು ತಮ್ಮ ಟ್ವಿಟರ್ ಪೇಜ್‌ನಲ್ಲಿ ಟ್ವೀಟ್ ಮಾಡಿದ್ದಾರೆ.

ಮತದಾರನ ಸಿಗ್ನೇಚರ್ ಮತ್ತು ಮಶಿನ್ ನಂಬರ್‌ಗಳು ತಾಳೆಯಾಗದ ಹಿನ್ನೆಲೆಯಲ್ಲಿ ಈಗಾಗಲೇ ಚುನಾವಣಾ ಆಯೋಗಕ್ಕೆ ದೂರು ನೀಡಲಾಗಿದೆ ಎಂದು ನಟಿ ತಿಳಿಸಿದ್ದಾರೆ. ಆದರೆ, ,ಮುಂದಿನ ಬೆಳವಣಿಗೆ ಬಗ್ಗೆ ಸದ್ಯಕ್ಕೆ ಯಾವುದೇ ಮಾಹಿತಿಯಿಲ್ಲ.