ನನಗೂ ಕುಟುಂಬವಿದೆ, ಉತ್ತರಿಸಬೇಕಿದೆ: ನಟಿ ಊರ್ವಶಿ ರೌಟೇಲಾ ಗರಂ!

ಬಾಲಿವುಡ್ ನಟಿ ಊರ್ವಶಿ ರೌಟೆಲಾ ಭಾರೀ ಕೋಪಗೊಂಡಿದ್ದಾರೆ. ಈ ಮೂಲಕ ಊರ್ವಶಿ ಮತ್ತೆ ಸುದ್ದಿಯಲ್ಲಿದ್ದಾರೆ. ಇತ್ತೀಚೆಗಂತೂ ನಟಿ ಊರ್ವಶಿ ರೌಟೆಲಾ ತಮ್ಮ ಬಾಯ್ಫ್ರೆಂಡ್ ವಿಚಾರವಾಗಿ ಸಾಕಷ್ಟು ಸುದ್ದಿಯಲ್ಲಿದ್ದಾರೆ. ಟೀಮ್ ಇಂಡಿಯಾ ಆಟಗಾರ ಹಾರ್ದಿಕ್ ಪಾಂಡ್ಯ ಜೊತೆ ಊರ್ವಶಿ 'ಲವ್ವಿ ಡವ್ವಿ' ನಡೆದಿದೆ ಎನ್ನಲಾಗುತ್ತಿದೆ. ಊರ್ವಶಿ ಮತ್ತು ಹಾರ್ದಿಕ್ ಡೇಟಿಂಗ್ ಮಾಡುತ್ತಿದ್ದಾರೆ, ಪದೇ ಪದೇ ಭೇಟಿಯಾಗುತ್ತಿದ್ದಾರೆ ಎಂದೆಲ್ಲ ಗಾಸಿಪ್‌ಗಳು ಹರಿದಾಡುತ್ತಿದ್ದವು. ಈಗ ಅದಕ್ಕೆಲ್ಲ ಫುಲ್ ಸ್ಟಾಪ್ ಇಡಲು ಊರ್ವಶಿ ಸಜ್ಜಾಗಿದ್ದಾರೆ. ಈ ಸಂಗತಿಗೀಗ ನಟಿ ಊರ್ವಶಿ ಸಖತ್ ಗರಂ ಆಗಿದ್ದಾರೆ.

ತಮ್ಮ ಬಗ್ಗೆ ಹರಿದಾಡುತ್ತಿರುವ ಇಲ್ಲಸಲ್ಲದ ಗಾಸಿಪ್‌ಗಳಿಗೆ ತಮ್ಮ ಇನ್ಸ್ಟಾಗ್ರಾಮ್ನಲ್ಲಿ ಆಕ್ರೋಶ ವ್ಯಕ್ತಪಡಿಸಿರುವ ಊರ್ವಶಿ, "ದಯವಿಟ್ಟು ಯಾರೂ ಇಂಥ ಹುಚ್ಚು ವಿಡಿಯೋಗಳನ್ನು ಅಪ್ಲೋಡ್ ಮಾಡಬೇಡಿ. ನಿಮ್ಮಂತೆ ನನಗೂ ಕುಟುಂಬವಿದೆ. ಅವರಿಗೆ ನಾನು ಉತ್ತರಿಸಬೇಕಾಗುತ್ತದೆ. ಇದು ನನಗೆ ಸಾಕಷ್ಟು ಸಮಸ್ಯೆಗಳನ್ನು ತಂದೊಡ್ಡುತ್ತದೆ ಎಂದು ನಿಮಗೇಕೆ ಅರ್ಥವಾಗುತ್ತಿಲ್ಲ?... " ಅಷ್ಟೇ ಅಲ್ಲದೇ 'ಸಾಮಾಜಿಕ ಜಾಲತಾಣಗಳಲ್ಲಿ ಅಪ್ಲೋಡ್ ಮಾಡಿದ್ದ ವಿಡಿಯೋವೊಂದರ ಸ್ಕ್ರೀನ್ ಶಾಟ್ ಕೂಡ ತೆಗೆದು ಈ ಪೋಸ್ಟ್‌ಗೆ ಹಾಕಿದ್ದಾರೆ.

ಹಾಗಿದ್ದರೆ ಹರಿದಾಡುತ್ತಿರುವ ಗಾಸಿಪ್‌ ಹಿನ್ನೆಲೆಯೇನು? 2018ರಲ್ಲಿ ನಟಿ ಊರ್ವಶಿ ಹಾಗೂ ಕ್ರಿಕೆಟಿಗ ಹಾರ್ದಿಕ್, ಪಾರ್ಟಿಯೊಂದರಲ್ಲಿ ಭೇಟಿಯಾಗಿದ್ದರು. ಈ ವೇಳೆ ಇಬ್ಬರೂ ಒಟ್ಟಿಗೇ ಕಾಣಿಸಿಕೊಂಡು ಗಾಸಿಪ್ಗೆ ಆಹಾರವಾಗಿದ್ದರು. ಇದಾದ ಬಳಿಕ ಇತ್ತೀಚಿಗೆ ಭಾರತ ಮತ್ತು ಪಾಕ್ ನಡುವಿನ ವಿಶ್ವಕಪ್ ಪಂದ್ಯಕ್ಕೆ ಎರಡು ಪಾಸ್ಗಳನ್ನ ಅರೇಂಜ್ ಮಾಡಿಕೊಡುವಂತೆ ಊರ್ವಶಿ ಹಾರ್ದಿಕ್ಗೆ ಮೆಸೇಜ್ ಮಾಡಿದ್ದರು ಎಂದೂ ಸುದ್ದಿಯಾಗಿತ್ತು. ಈ ಕಾರಣಕ್ಕೆ ಅವರಿಬ್ಬರ ಮಧ್ಯೆ ಸ್ನೇಹಕ್ಕಿಂತ ಹೆಚ್ಚು ಇನ್ನೇನೋ ಇದೆ ಎನ್ನಲಾಗುತ್ತಿತ್ತು.

ಆದರೆ, ಈ ಗಾಸಿಪ್‌ ಬಗ್ಗೆ ತಿಳಿದ ಊರ್ವಶಿ "ನಮ್ಮಿಬರ ನಡುವೆ ಪ್ರೀತಿ-ಗೀತಿ ಏನೂ ಇಲ್ಲ.. ಎಲ್ಲವೂ ಊಹಾಪೋಹ ಅಷ್ಟೇ.. ಭೇಟಿಯಾಗಿದ್ದೇವೆ, ಸ್ನೇಹಿತರಾಗಿದ್ದೇವೆ ಅಷ್ಟೇ.. ಬೇರೆಯವರಂತೆ ಸೆಲೆಬ್ರೆಟಿಗಳಿಗೂ ಸ್ನೇಹಿತರು ಇರತ್ತಾರಲ್ಲವೇ..?" ಎಂದು ತುಸು ಖಾರವಾಗಿಯೇ ಕೇಳಿದ್ದಾರೆ. ಈ ಮೂಲಕ ಹರಿದಾಡುತ್ತಿರುವ ಸುದ್ದಿಗೆ ಮಂಗಳ ಹಾಡಲು ಅವರು ಮುಂದಾರಾಗಿದ್ದಾರೆ ಎನ್ನಬಹುದು.