ರಂಗಿನಾಟದಲ್ಲಿ ಮಿಂದೆದ್ದ ಕತ್ರಿನಾ ಕೈಫ್, ವೀಡಿಯೋ ಮತ್ತು ಚಿತ್ರಗಳು

ಇಂದು ಎಲ್ಲೆಡೆ ಹೋಳಿ ಸಂಭ್ರಮ. ಹಲವಾರು ಸೆಲೆಬ್ರಿಟಿಗಳು ಬಣ್ಣ ಎರಚಿ ಸಂಭ್ರಮಿಸಿದ್ದಾರೆ. ಮುಖ್ಯವಾಗಿ ಬಾಲಿವುಡ್ ತಾರೆಗಳಂತೂ ಕಾಮನಹಬ್ಬವನ್ನು ಭರ್ಜರಿಯಾಗಿ ಸೆಲೆಬ್ರೇಟ್ ಮಾಡಿದ್ದಾರೆ. ಬಾಲಿವುಡ್ ಬಳುಕುವ ಬಳ್ಳಿ ಕತ್ರಿನಾ ಕೈಫ್ ಬಣ್ಣದ ಓಕುಳಿ ಆಡಿ ಸಂಭ್ರಮಿಸಿರುವ ಫೋಟೋ ಮತ್ತು ವೀಡಿಯೋ ಈಗ ಸಖತ್ ವೈರಲ್ ಆಗಿವೆ.

ಝೂಮ್ ಟಿವಿ ಆಯೋಜಿಸಿದ್ದ ಹೋಲಿ ಫೆಸ್ಟ್‌ನಲ್ಲಿ ಕತ್ರಿನಾ ಕೈಫ್‌ರ ರಂಗಿನಾಟವನ್ನು ನೋಡಬಹುದು. ಕೇವಲ ರಂಗಿನಾಟ ಅಷ್ಟೇ ಅಲ್ಲದೆ, ಸೊಂಟವನ್ನೂ ಬಳುಕಿಸಿದ್ದಾರೆ ಕತ್ರಿನಾ.

ಇದೇ ಸಂದರ್ಭದಲ್ಲಿ ತನ್ನ ಅಭಿಮಾನಿಗಳಿಗೆ ಸಂದೇಶವನ್ನೂ ನೀಡಿದ್ದಾರೆ ಕತ್ರಿಕಾ. ಬಣ್ಣಗಳನ್ನು ಎರಚಿ ಸಂಭ್ರಮಿಸಿ, ಆದರೆ ಸ್ವಲ್ಪ ಎಚ್ಚರ ವಹಿಸಿ. ಸುರಕ್ಷಿತವಾಗಿ ಹೋಳಿ ಆಡಿ ಎಂಬ ಕಿವಿ ಮಾತನ್ನೂ ಹೇಳಿದ್ದಾರೆ. ಕತ್ರಿನಾ ಕೈಫ್ ರಂಗಿನಾಟದ ಚಿತ್ರಗಳು ಇಲ್ಲಿವೆ ನೋಡಿ.

ಆಂಕ್ ಮಾರೆ, ಕಾಲಾ ಚಷ್ಮಾ ಮತ್ತು ಮುಂತಾದ ಗೀತೆಗಳಿಗೆ ಸ್ಟೆಪ್ ಹಾಕಿದ್ದಾರೆ ಕತ್ರಿನಾ. ಮುಂಬೈನಲ್ಲಿ ಆಯೋಜಿಸಿದ್ದ ಝೂಮ್ ಹೋಳಿ ಫೆಸ್ಟ್ 2019ಕ್ಕೆ ಹಲವಾರು ಬಾಲಿವುಡ್ ಮಂದಿ ಆಗಮಿಸಿದ್ದರು.