ಸತತ ಪರಾಜಯ, 22 ಸಿನಿಮಾ ರೈಟ್ಸ್ ಮಾರಾಟ ಮಾಡಿಕೊಂಡ ಶಾರುಖ್!

ಬಾಲಿವುಡ್ ಸೂಪರ್ ಸ್ಟಾರ್ ಶಾರುಖ್ ಖಾನ್ ತಾನು ಅಭಿನಯಿಸಿರುವ 22 ಸಿನಿಮಾಗಳ ಸ್ಯಾಟಲೈಟ್ ಹಕ್ಕುಗಳನ್ನು ಟಿವಿ ವಾಹಿನಿಯೊಂದಕ್ಕೆ ಮಾರಾಟ ಮಾಡಿದ್ದಾರೆ ಎಂಬ ಸುದ್ದಿ ಬಾಲಿವುಡ್‌ನಲ್ಲಿ ಹರಿದಾಡುತ್ತಿದೆ. ಸುಮಾರು 200 ಕೋಟಿ ರೂ.ಗಳಿಗೆ ಟಿವಿ ಹಕ್ಕುಗಳನ್ನು ಮಾರಾಟ ಮಾಡಿದ್ದಾರೆ ಎಂದಿವೆ ಮೂಲಗಳು.

ಅವುಗಳಲ್ಲಿ ಸ್ವದೇಶ್, ಓಂ ಶಾಂತಿ ಓಂ, ದಿಲ್‍ವಾಲೆ, ಫಿರ್ ಭಿ ದಿಲ್ ಹೈ ಹಿಂದೂಸ್ಥಾನಿ, ಚೆನ್ನೈ ಎಕ್ಸ್‌ಪ್ರೆಸ್, ಹ್ಯಾಪಿ ನ್ಯೂ ಇಯರ್, ಡಿಯರ್ ಜಿಂದಗಿ, ಪಹೇಲಿ, ಬಿಲ್ಲೂ, ಚಮತ್ಕಾರ್, ಅಂಜಾಮ್, ರಾಮ್ ಜಾನೆ ಚಿತ್ರಗಳಿರುವುದು ವಿಶೇಷ.

ಶಾರುಖ್ ನಟಿರುವ ಕೊನೆಯ ಮೂರು ಚಿತ್ರಗಳು (ರಯೀಸ್, ಬಜ್ ಹ್ಯಾರಿ ಮೆಟ್ ಸೆಜಲ್, ಝೀರೋ) ಬಾಕ್ಸ್ ಆಫೀಸ್‌ನಲ್ಲಿ ಘೋರ ಸೋಲುಂಡಿವೆ. ಇದರಿಂದ ಶಾರುಖ್ ನಿರ್ಮಾಣ ಸಂಸ್ಥೆ ರೆಡ್ ಚಿಲ್ಲೀಸ್ ಎಂಟರ್‌ಟೇನ್‍ಮೆಂಟ್ ಭಾರಿ ನಷ್ಟಕ್ಕೊಳಗಾಗಿದೆ ಎಂದಿವೆ ಮೂಲಗಳು. ಈ ಹಿನ್ನೆಲೆಯಲ್ಲಿ ಶಾರುಖ್ ತನ್ನ ಸಿನಿಮಾ ಸ್ಯಾಟಲೈಟ್ ಹಕ್ಕುಗಳನ್ನು ಮಾರಾಟ ಮಾಡಿಕೊಳ್ಳಲು ನಿರ್ಧರಿಸಿದ್ದಾರೆ ಎನ್ನಲಾಗಿದೆ.

ಶೀಘ್ರದಲ್ಲೇ ಶಾರುಖ್ ತಮಿಳು ಚಿತ್ರೋದ್ಯಮಕ್ಕೆ ಅಡಿಯಿಡುವ ಸೂಚನೆ ನೀಡಿದ್ದಾರೆ. ಮಂಗಳವಾರ ಕಾಲಿವುಡ್ ನಿರ್ದೇಶಕ ಅಟ್ಲಿ ಕಚೇರಿಗೆ ಭೇಟಿ ನೀಡಿದ್ದಾರೆ. ಅಟ್ಲಿ ಹೇಳಿರುವ ಕಥೆಯಲ್ಲಿ ಎರಡು ಅವರಿಗೆ ಇಷ್ಟವಾಗಿಯಂತೆ. ಶೀಘ್ರದಲ್ಲೇ ಈ ವಿಚಾರವನ್ನು ಅಧಿಕೃತವಾಗಿ ಘೋಷಿಸಲಿದ್ದಾರೆ. ಸದ್ಯಕ್ಕೆ ಅವರು ಐಪಿಎಲ್‌ನಲ್ಲಿ ಬಿಝಿಯಾಗಿ ಇದ್ದಾರೆ. ಕೋಲ್ಕತ್ತಾ ನೈಟ್ ರೈಡರ್ಸ್ ತಂಡದ ಮಾಲೀಕರಾಗಿರುವ ಅವರು ಆಟಗಾರ ಮೇಲೆ ತನ್ನ ಚಿತ್ತ ಹರಿಸಿದ್ದಾರೆ.