ಬ್ರಾಡ್ಲಿ ಕೂಪರ್‌ಗೆ ಹೊಸ ಗರ್ಲ್‌ಫ್ರೆಂಡ್ ಜೆನ್ನಿಫರ್‌ ಗಾರ್ನರ್‌

ಹಾಲಿವುಡ್‌ ನಟ ಬ್ರಾಡ್ಲಿ ಕೂಪರ್‌ಗೆ ಹೊಸ ಗರ್ಲ್ಫ್ರೆಂಡ್‌ ಸಿಕ್ಕಿದ್ದಾರಂತೆ. ಅವರ ಹೆಸರೀಗ ಹಾಲಿವುಡ್‌ ನಟಿ ಜೆನಿಫರ್‌ ಗಾರ್ನರ್‌ ಜೊತೆಗೆ ಕೇಳಿಬರುತ್ತಿದೆ. ಇವರಿಬ್ಬರು ಪರಸ್ಪರ ಸ್ನೇಹಿತರಾಗಿದ್ದರೂ ಈಗ ಇವರಿಬ್ಬರ ಮಧ್ಯೆ ಸ್ನೇಹಕ್ಕಿಂತಲೂ ಮಿಗಿಲಾದ ಸಂಬಂಧವಿದೆ ಎಂದು ವರದಿಯಾಗಿದೆ.

ಕೂಪರ್‌ ಮತ್ತು ಗಾರ್ನರ್‌ ಈಗ ಅನೇಕ ಕಡೆ ಒಟ್ಟಿಗೆ ಕಾಣಿಸಿಕೊಳ್ಳುತ್ತಿದ್ದಾರೆ. ಈವರೆಗೆ ಕೂಪರ್‌ ಅವರು ಗಾಯಕಿ ಲೇಡಿ ಗಾಗಾ ಜೊತೆ ಡೇಟಿಂಗ್‌ನಲ್ಲಿದ್ದರು. ಇದೀಗ ಜೆನಿಫರ್‌ ಗಾರ್ನರ್‌ರಿಂದಾಗಿ ಇವರಿಬ್ಬರ ಸಂಬಂಧ ಬ್ರೇಕಪ್‌ ಆಗುವ ಸಾಧ್ಯತೆ ಇದೆ.

ಅಕಾಡೆಮಿ ಅವಾರ್ಡ್ಸ್, ಟೋನಿ ಅವಾರ್ಡ್ಸ್ ಹಾಗೂ ಗ್ರ್ಯಾಮಿ ಪ್ರಶಸ್ತಿಗಳಿಗೆ ಭಾಜನರಾಗಿರುವ ಹಾಲಿವುಡ್ ನಟ ಬ್ರಾಡ್ಲಿ ಕೂಪರ್ ಜಗತ್ತಿನಲ್ಲೇ ಅತ್ಯಧಿಕ ಸಂಭಾವನೆ ಪಡೆಯುವ ನಟರಲ್ಲಿ ಒಬ್ಬರು ಎನ್ನಿಸಿಕೊಂಡಿದ್ದಾರೆ.