ಬ್ರೈಡಲ್‌ ಶವರ್‌ ಸಂಭ್ರಮದಲ್ಲಿ ಪ್ರಿಯಾಂಕ ಚೋಪ್ರಾ

ಡಿಸೆಂಬರ್‌ ಮೊದಲ ವಾರದಲ್ಲಿ ನಿಕ್‌ ಜೊನಾಸ್‌ರನ್ನು ವರಿಸಲಿರುವ ನಟಿ ಪ್ರಿಯಾಂಕ ಚೋಪ್ರಾ ಕಳೆದ ಭಾನುವಾರ ನ್ಯೂಯಾರ್ಕ್‌ನಲ್ಲಿ ಬ್ರೈಡಲ್‌ ಶವರ್‌ ಪಾರ್ಟಿ ಮಾಡಿದ್ದಾರೆ. ಮದುವೆ ಮುಂಚೆ ನಡೆಯುವ ಈ ಸಮಾರಂಭದಲ್ಲಿ ಪಿಗ್ಗಿ, ಆಕರ್ಷಕವಾದ ಬಿಳಿ ಬಣ್ಣದ ಸ್ಟ್ರಾಪ್‌ಲೆಸ್‌ ಗೌನ್‌ ಧರಿಸಿ ಮಿಂಚಿದ್ದಾರೆ. ಗೌನ್‌ ಜೊತೆಗೆ ಬೀಜ್‌ ಬಣ್ಣದ ಶೂ ಮತ್ತು ಡೈಮಂಡ್‌ ನೆಕ್ಲೇಸ್‌ ಧರಿಸಿದ್ದ ಅವರು ಶ್ವೇತಾಂಬರಿಯಂತೆ ಕಂಗೊಳಿಸುತ್ತಿದ್ದರು ಎನ್ನಲಾಗುತ್ತಿದೆ.

ಪ್ರಿಯಾಂಕ ಪರವಾಗಿ ಈ ಪಾರ್ಟಿಯನ್ನು ಅಂಜುಲಾ ಅಚಾರಿಯ ಮತ್ತು ಮುಬಿನಾ ರಟ್ಟೋನ್ಸೆ ಆಯೋಜಿಸಿದ್ದರು. ಇವರಿಬ್ಬರು ಪ್ರಿಯಾಂಕರ ಬ್ರೈಡ್ಸ್‌ಮೇಡ್‌ ಕೂಡಾ ಹೌದು. ಈ ಬ್ರೈಡಲ್‌ ಶವರ್‌ನಲ್ಲಿ ನಿಕ್‌ ತಾಯಿ, ಸಹೋದರ ಮತ್ತು ಇನ್ನಿತರ ಬಂಧುಗಳು ಹಾಗೂ ಆತ್ಮೀಯ ಸ್ನೇಹಿತರು ಪಾಲ್ಗೊಂಡಿದ್ದರು.