ಸಿನಿ ಪ್ರಿಯರು ಬಹು ದಿನಗಳಿಂದ ಕಾಯುತ್ತಿರುವ ಸ್ಟೂಡೆಂಟ್ ಆಫ್ ದಿ ಯಿಯರ್ ಸಿಕ್ವೆಲ್ ಸಿನಿಮಾ ಸದ್ಯಕ್ಕೆ ತೆರೆ ಮೇಲೆ ಬರುವ ಸಾಧ್ಯತೆ ದೂರವಾಗಿದೆ. ಯಾಕೆಂದರೆ ಅದರ ನಾಯಕಿ ಆಯ್ಕೆಯೇ ದಿನದಿಂದ ದಿನಕ್ಕೆ ಕಗ್ಗಂಟಾಗುತ್ತಿದೆ. ಈ ಸಿನಿಮಾಕ್ಕೂ ಫ್ರೆಶ್ ಫೇಸ್ಗಳೇ ಬೇಕು ಎಂಬ ನಿರ್ಮಾಪಕರ ಅಣತಿಯಂತೆ ಈಗಾಗಲೇ ಈ ಸಿನಿಮಾಕ್ಕೆ ಕೆಲವು ಯುವತಿಯರ ಹೆಸರು ಕೇಳಿ ಬಂದಿದ್ದವು. ಇದಕ್ಕೆ ಲೇಟೆಸ್ಟ್ ಸೇರ್ಪಡೆ ನಟ ಚಂಕಿಪಾಂಡೆಯವರ ಮಗಳು ಅನನ್ಯಾ ಪಾಂಡೆ. ಹೌದು. ಸ್ಟೂಡೆಂಟ್ ಸರಣಿ ಸಿನಿಮಾದಲ್ಲಿ ಅನನ್ಯಾ ನಾಯಕಿಯಾಗಿ ನಟಿಸಲಿದ್ದಾರೆ ಎಂಬ ಸುದ್ದಿಯೊಂದು ಬಾಲಿವುಡ್ ಅಂಗಳದಲ್ಲಿ ಹರಿದಾಡುತ್ತಿದೆ. ಇತ್ತೀಚೆಗಷ್ಟೇ ಪದವಿ ಮುಗಿಸಿರುವ ಅನನ್ಯಾ ಈ ಪಾತ್ರಕ್ಕಾಗಿ ಸಿದ್ಧತೆ ನಡೆಸುತ್ತಿದ್ದು ಸಿಲೆಬ್ರಿಟಿ ಫಿಟ್ನೆಸ್ ಟ್ರೇನರ್ ಯಾಸ್ಮಿನ್ ಕರಾಚಿವಾಲ ಅವರಿಂದ ತರಬೇತಿಯನ್ನೂ ಪಡೆಯುತ್ತಿದ್ದಾರೆ ಎಂದು ಹೇಳಲಾಗುತ್ತಿದೆ. ಚಂಕಿಪಾಂಡೆ ಕೂಡಾ ತಮ್ಮ ಮಗಳು ಅನನ್ಯಾ ನಟಿಯಾಗಲು ಬಯಸುತ್ತಿದ್ದಾಳೆ. ಅದು ಅನನ್ಯಾ ಆಗಿರಲಿ ಅಥವಾ ಇನ್ನೋರ್ವ ಮಗಳು ಅಹಾನ್ ಆಗಿರಲಿ ಇವರಿಬ್ಬರೂ ತಮ್ಮದೇ ಐಡೆಂಟಿಟಿಯಿಂದ ಈ ಕ್ಷೇತ್ರದಲ್ಲಿ ಹೆಸರು ಮಾಡಲಿ ಎಂದು ಬಯಸುತ್ತೇನೆ ಎಂದು ಹೇಳಿದ್ದಾರೆ.
ಸ್ಟೂಡೆಂಟ್ ಸರಣಿಯಲ್ಲಿ ಚಂಕಿಪಾಂಡೆ ಮಗಳು
ಸಿನಿ ಪ್ರಿಯರು ಬಹು ದಿನಗಳಿಂದ ಕಾಯುತ್ತಿರುವ ಸ್ಟೂಡೆಂಟ್ ಆಫ್ ದಿ ಯಿಯರ್ ಸಿಕ್ವೆಲ್ ಸಿನಿಮಾ ಸದ್ಯಕ್ಕೆ ತೆರೆ ಮೇಲೆ ಬರುವ ...
Vijaya Karnataka Web 11 Jul 2017, 5:30 am