ಪೂನಂ ಇದ್ದಲ್ಲಿ ಥೋಡಾ ಹಾಟ್ ಇರುತ್ತೆ

ಪೂನಂ ಪಾಂಡೆ ಕನ್ನಡ ಚಿತ್ರದಲ್ಲಿ ನಾಯಕಿಯಾಗಿ ನಟಿಸಲಿದ್ದಾರೆ. ಈ ಹಿಂದೆ ಐಟಮ್ ಸಾಂಗ್‌ಗೆ ಕುಣಿದು ಬಾಂಬೆ ಸೇರಿದ್ದ ಈ ಹಾಟಿ ಬ್ಯೂಟಿ ಈಗ ಮತ್ತೆ ಸ್ಯಾಂಡಲ್‌ವುಡ್‌ನತ್ತ ಮುಖಮಾಡಿದ್ದಾರೆ. ಚಿತ್ರದ ಮಹೂರ್ತಕ್ಕೆ ಬೆಂಗಳೂರಿಗೆ ಬಂದಿದ್ದ ಪೂನಂ ಲವಲವಿಕೆ ಜತೆ ಖುಲ್ಲಂ ಖುಲ್ಲಾ ಮಾತನಾಡಿದ್ದಾರೆ.

Vijaya Karnataka Web

-----

* ಪದ್ಮಿನಿ ಜೈನ್ ಎಸ್

‘ಶ್ಯಾನೆ ಇಷ್ಟ ಕ್ರಿಕೆಟ್, ನೀವು ಗೆದ್ದರೆ ತೋರ್ಲ ನನ್ನ ಸೀಕ್ರೆಟ್’ ಎಂದು ಪೂನಂ ಪಾಂಡೆ ಹಾಡಿ ಕುಣಿದು ಬಹಳ ಸಮಯವಾಯ್ತು. ಆ ನಂತರ ಪೂನಂ ಅವರನ್ನು ಕನ್ನಡದಲ್ಲಿ ಕಂಡವರಿಲ್ಲ. ಇದೀಗ ಈ ನಟಿಯ ಅಭಿಮಾನಿಗಳಿಗೆ ಗುಡ್ ನ್ಯೂಸ್ ಕಾದಿದೆ, ಕನ್ನಡದಲ್ಲಿ ಪೂರ್ಣ ಪ್ರಮಾಣದ ನಾಯಕಿಯಾಗಿ ನಟಿಸಲು ಪೂನಂ ಓಕೆ ಅಂದಿದ್ದಾರೆ. ತಮ್ಮ ಹೊಸ ಚಿತ್ರದ ಮಹೂರ್ತಕ್ಕೆ ಪೂನಂ ಪಾಂಡೆ ಬೆಂಗಳೂರಿಗೆ ಆಗಮಿಸಿದ್ದರು. ಈ ಸಮಯದಲ್ಲಿ ಅನೇಕ ವಿಷಯಗಳನ್ನು ಹಂಚಿಕೊಂಡರು.

* ಧಿಡೀರನೇ ಸ್ಯಾಂಡಲ್‌ವುಡ್‌ಗೆ ನಾಯಕಿಯಾಗಿ ಎಂಟ್ರಿ ಕೊಡ್ತಾ ಇದೀರಿ. ಬೇರೆಡೆ ಅವಕಾಶಗಳ ಕೊರತೆ ಕಾಡಿತೆ?

- ಇದು ಅವಕಾಶದ ಪ್ರಶ್ನೆ ಅಲ್ಲ. ಬಾಲಿವುಡ್‌ನಲ್ಲಿ ನನ್ನ ಎರಡು ಚಿತ್ರಗಳು ಸದ್ಯದಲ್ಲೇ ರಿಲೀಸ್ ಆಗಲಿವೆ. ಅದರ ಜತೆಗೆ ಬೇರೆ ಭಾಷೆಗಳಲ್ಲೂ ಕಾಣಿಸಿಕೊಳ್ಳಬೇಕೆಂಬ ಆಸೆ ಇದೆ. ನನಗೆ ಭಾಷೆಗಿಂತ ಸ್ಕ್ರಿಪ್ಟ್ ಮುಖ್ಯ. ಈ ಹೊಸ ಚಿತ್ರದ ಸ್ಕ್ರಿಪ್ಟ್‌ಗೆ ಫಿದಾ ಆಗಿದ್ದೇನೆ. ಹಾಗಾಗಿ ಬೇರೆನೂ ಯೋಚಿಸದೆ ಓಕೆ ಅಂದೆ.

* ಸ್ಕ್ರಿಪ್ಟ್ ಅಷ್ಟೊಂದು ಚೆನ್ನಾಗಿದ್ಯಾ, ಏನು ಕತೆ?

- ಇದೊಂದು ಹಾರರ್ ಮೂವಿ. ಎಷ್ಟು ಹಾರರ್ ಇದೆ ಅಂದರೆ, ಸಿನಿಮಾ ನೋಡಿದ ವ್ಯಕ್ತಿ ನಡುರಾತ್ರಿ 2 ಗಂಟೆಗೆ ಎದ್ದು ಕೂತು ಬೆವರಬೇಕು ಹಾಗಿದೆ ಕತೆ.

* ಹಾರರ್ ಮೂವಿ ಅಂದ್ರೆ ನೀವೇ ದೆವ್ವ ಆಗಿ ಹೆದರಿಸುತ್ತೀರಾ?

- ನೋ ನೋ! ನಾನು ದೆವ್ವದ ಪಾರ್ಟ್‌ಗೆ ಸೂಟ್ ಆಗೋ ಹಾಗೆ ಕಾಣ್ತೀನಾ, ನನ್ನನ್ನು ನೋಡಿದ್ರೆ ಯಾರಾದ್ರೂ ಭಯ ಪಡೋ ಹಾಗೆ ಇದ್ದೀನಾ? ನಾನು ದೆವ್ವ ಆಗಿ ನಟಿಸುತ್ತಿಲ್ಲ.

* ಹಾಗಿದ್ರೆ ಹಾರರ್ ಮೂವಿಯಲ್ಲಿ ಏನು ಅಂತಹ ವಿಶೇಷ?

- ಇಲ್ಲಿಯವರೆಗೆ ಈ ರೀತಿಯ ಚಿತ್ರ ಬಂದಿಲ್ಲ. ಹೀಗಾಗಿ ಈ ಚಿತ್ರ ಸ್ಪೆಷಲ್.

* ಚಿತ್ರದ ಪೋಸ್ಟರ್ ನಿಮ್ಮ ಬೇರೆ ಚಿತ್ರಗಳಂತೆ ಹಾಟ್ ಆಗಿದೆ. ಇಲ್ಲೂ ಹಾಟ್ ಆಗಿ ಕಾಣಿಸುವ ಇರಾದೆಯಾ?

- ಆಫ್‌ಕೋರ್ಸ್, ಮೈ ಪೂನಂ ಹೂಂ, ಪೂನಂ ಇದ್ದಲ್ಲಿ ಥೋಡಾ ಥೋಡಾ ಹಾಟ್ ಸೀನ್ಸ್ ಇರದೇ ಇದ್ದರೆ ಏನು ಚಂದ?

* ಥೋಡಾ ಥೋಡಾ ಹಾಟ್ ಅನಿಸ್ತಾ ಇಲ್ಲ. ಜಾಸ್ತಿನೆ ಇದೆ?

- ಖಂಡಿತ ಇಲ್ಲ, ಇದೊಂದು ಡಿಫರೆಂಟ್ ಪ್ರಯತ್ನ.

* ಮಲ್ಲಿಕಾ ಶೆರಾವತ್, ರಾಖಿ ಸಾವಂತ್ ಇವರಿಬ್ಬರಲ್ಲಿ ನಿಮ್ಮ ಕಾಂಪಿಟೇಟರ್ ಯಾರು?

- ನನಗೆ ಯಾರೂ ಕಾಂಪಿಟೇಟರ್ ಇಲ್ಲ. ನನಗೆ ನಾನೇ ಸ್ಪರ್ಧಿ. ಮಲ್ಲಿಕಾ ಶೆರಾವತ್, ರಾಖಿ ಸಾವಂತ್ ಮತ್ತು ನಾನು ಮೂವರೂ ಒಂದೇ ಫೀಲ್ಡಲ್ಲಿ ಇದ್ದೇವೆ ಅಷ್ಟೆ.

* ವೀಣಾ ಮಲಿಕ್‌ರಂತಹ ನಟಿಯರು ಕನ್ನಡದಲ್ಲಿ ನಾಯಕಿಯಾಗಿ ನಟಿಸಿದ್ರು. ಆದರೆ ಅವರ ಚಿತ್ರ ಗೆಲ್ಲಲಿಲ್ಲ. ನಿಮ್ಮ ಚಿತ್ರ ಗೆಲ್ಲುವ ಭರವಸೆ ಇದೆಯಾ?

- ಭರವಸೆ ಇರುವುದಕ್ಕೆ ಅಲ್ವಾ ಓಕೆ ಅಂದಿರುವುದು. ನನಗೆ ಈ ಹಾರರ್ ಚಿತ್ರದ ಸ್ಕ್ರಿಪ್ಟ್ ಅಷ್ಟೊಂದು ಇಷ್ಟ ಆಗಿದೆ.

* ವಿಶ್ವಕಪ್, ಐಪಿಎಲ್ ಬಂದ್ರೆ ಜನ ಪೂನಂ ಕಡೆ ನೋಡ್ತಾರೆ. ಏನಾದ್ರೂ ಹೊಸ ಸ್ಟೇಟ್‌ಮೆಂಟ್ ನೀಡ್ತಾರಾ ಅಂತ. ಏಕೆ ಹೀಗೆ ಕಾಂಟ್ರವರ್ಸಿ ಕ್ರಿಯೇಟ್ ಮಾಡ್ತೀರಿ?

- ನಿಮ್ಮ ಕಣ್ಣಿಗೆ ಅದು ಕಾಂಟ್ರವರ್ಸಿ ಥರ ಕಾಣ್ತದೆ. ಆದ್ರೆ ಅದು ಕಾಂಟ್ರವರ್ಸಿ ಅಲ್ಲ. ಎಲ್ಲರ ಹಾಗೆ ನನಗೂ ಕ್ರಿಕೆಟ್ ಅಂದ್ರೆ ಪ್ರಾಣ. ಕ್ರಿಕೆಟಿಗರನ್ನು ನಾನೂ ಆರಾಧಿಸುತ್ತೇನೆ. ವಿರಾಟ್ ಕೊಹ್ಲಿ ಅಂದ್ರೆ ತುಂಬ ಇಷ್ಟ. ನನ್ನದೇ ಡಿಫರೆಂಟ್ ಸ್ಟೈಲ್ ಮೂಲಕ ಕ್ರಿಕೆಟ್ ಮೇಲೆ ನನಗಿರುವ ಪ್ರೀತಿಯನ್ನು ವ್ಯಕ್ತಪಡಿಸುತ್ತೇನೆ, ಅಷ್ಟೆ.