ಬಾಲಿವುಡ್‌ ಮತ್ತು ಹಾಲಿವುಡ್‌ನಲ್ಲಿ ಯಶಸ್ಸಿನ ಅಲೆಯಲ್ಲಿ ತೇಲುತ್ತಿರುವ ಕನ್ನಡತಿ ದೀಪಿಕಾ ಪಡುಕೋಣೆ ಇದೀಗ ಸಿನಿಮಾ ಸಂಭಾವನೆ ಪಡೆಯುವ ವಿಷಯದಲ್ಲಿ ಬಾಲಿವುಡ್‌ನ ದಿಗ್ಗಜರನ್ನೇ ಮೀರಿಸಿ ಬಿಟ್ಟಿದ್ದಾರೆ. ಈ ವರ್ಷದಲ್ಲಿ ಅವರು ಸಿನಿಮಾಗಳಿಂದ ಪಡೆದ ಒಟ್ಟು ಸಂಭಾವನೆ 70 ಕೋಟಿ ರೂ. ಆಗಿದೆ.
ಇದು ಅವರ ಪ್ರಿಯಕರ ರಣವೀರ್‌ ಸಿಂಗ್‌ (64 ಕೋಟಿ ರೂ.) ಗಿಂತಲೂ ಹೆಚ್ಚಿದೆ. ಈ ಮೂಲಕ ಅವರು ಬಾಲಿವುಡ್‌ನಲ್ಲಿ ಅತ್ಯಂತ ಹೆಚ್ಚು ಸಂಭಾವನೆ ಪಡೆಯುತ್ತಿರುವ ನಟಿಯಾಗಿಯೂ ಹೊರಹೊಮ್ಮಿದ್ದಾರೆ. ಬಾಲಿವುಡ್‌ನಲ್ಲಿ ಅಧಿಕ ಸಂಭಾವನೆ ಪಡೆಯುವ ನಟರ ಪಟ್ಟಿಯನ್ನು ಫೋರ್ಬ್ಸ್‌ ನಿಯತಕಾಲಿಕೆ ಸಿದ್ಧಪಡಿಸಿದ್ದು ಇದರಲ್ಲಿ ದೀಪಿಕಾ ಪಡುಕೋಣೆ 6ನೇ ಸ್ಥಾನದಲ್ಲಿದ್ದಾರೆ. ಅವರ ನಂತರದ ಸ್ಥಾನ ಕ್ರಮವಾಗಿ ರಣವೀರ್‌ ಸಿಂಗ್‌, ಪ್ರಿಯಾಂಕ ಚೋಪ್ರಾ ಮತ್ತು ಅಮಿತಾಭ್‌ ಬಚ್ಚನ್‌ ಇದ್ದಾರೆ.
ಈ ಪಟ್ಟಿಯಲ್ಲಿ ಮೊದಲ ಮೂರು ಸ್ಥಾನಗಳಲ್ಲಿ ಕ್ರಮವಾಗಿ ಶಾರುಖ್‌ ಖಾನ್‌, ಸಲ್ಮಾನ್‌ ಖಾನ್‌ ಮತ್ತು ಅಕ್ಷ ಯ್‌ ಕುಮಾರ್‌ ಅಲಂಕರಿಸಿದ್ದಾರೆ. ದೀಪಿಕಾ ಇತ್ತೀಚೆಗೆ ಪದ್ಮಾವತಿ ಸಿನಿಮಾದಲ್ಲಿ ನಾಯಕ ನಟರಿಗಿಂತಲೂ ಹೆಚ್ಚಿದ ಸಂಭಾವನೆ ಪಡೆದು ಕೂಡಾ ಸುದ್ದಿ ಮಾಡಿದ್ದರು.