ಮತದಾನದ ಹಕ್ಕಿನ ಬಗ್ಗೆ ಕ್ಲಾರಿಟಿ ನೀಡಿದ ದೀಪಿಕಾ ಪಡುಕೋಣೆ

ಬಾಲಿವುಡ್ ಡಿಂಪಲ್ ಕ್ವೀನ್ ದೀಪಿಕಾ ಪಡುಕೋಣೆ ಭಾರತೀಯ ಪೌರತ್ವ ಹೊಂದಿಲ್ಲ ಎಂದೂ, ಹಾಗಾಗಿಯೇ ಅವರು ಮತದಾನದ ಹಕ್ಕನ್ನು ಬಳಸಲು ಸಾಧ್ಯವಾಗುತ್ತಿಲ್ಲ ಎಂದು ಹರಿದಾಡಿದ ಸುದ್ದಿಗೆ ಕೊನೆಗೂ ಪೂರ್ಣವಿಮಾಮ ನೀಡಿದ್ದಾರೆ ದೀಪಿಕಾ.

ಮತದಾನದ ಹಕ್ಕನ್ನು ಬಳಸಿಕೊಂಡಿದ್ದಾಗಿ ಸ್ಪಷ್ಟಪಡಿಸಿದ್ದು ಇದಕ್ಕೆ ಸಂಬಂಧಿಸಿದಂತೆ ಫೋಟೋವನ್ನೂ ಹಂಚಿಕೊಂಡಿದ್ದಾರೆ. ತನ್ನ ಇನ್‍ಸ್ಟಾಗ್ರಾಮ್‌ನಲ್ಲಿ ಮತ ಚಲಾಯಿಸಿರುವ ಇಂಕ್ ಗುರುತುಳ್ಳ ಬೆರಳನ್ನು ತೋರಿಸಿದ್ದಾರೆ ದೀಪಿಕಾ ಪಡುಕೋಣೆ. ಇದಕ್ಕಿಂತಲೂ ಇನ್ನೇನು ದಾಖಲೆ ಬೇಕು ಎಂದಿದ್ದಾರೆ.

ದೀಪಿಕಾ ಡೆನ್ಮಾರ್ಕ್‌ನ ಕೋಪೆನ್ ಹೇಗನ್‌ನಲ್ಲಿ ಜನಿಸಿದರೆಂದು, ಅವರಿಗೆ ಭಾರತೀಯ ಪೌರತ್ವ ಇಲ್ಲ. ಹಾಗಾಗಿಯೇ ಅವರು ಮತದಾನ ಮಾಡಲು ಸಾಧ್ಯವಾಗುತ್ತಿಲ್ಲ ಎಂಬ ಸುದ್ದಿ ಸಾಮಾಜಿಕ ಮಾಧ್ಯಮಗಳಲ್ಲಿ ಭಾರಿ ಚರ್ಚೆಗೆ ಗ್ರಾಸವಾಗಿತ್ತು. ಹಾಗಾಗಿ ದೀಪಿಕಾ ಈ ಬಗ್ಗೆ ಸ್ಪಷ್ಟೀಕರಣ ನೀಡಿದ್ದಾರೆ.

ತನಗೆ ಭಾರತೀಯ ಪೌರತ್ವ ಇದೆ, ಮತದಾನದ ಹಕ್ಕನ್ನು ಬಳಿಸಿಕೊಂಡಿದ್ದೇನೆ ಎಂದು ಸಾಮಾಜಿಕ ಮಾಧ್ಯಮದ ಮೂಲಕ ಸ್ಪಷ್ಟಪಡಿಸಿದ್ದಾರೆ. ದೀಪಿಕಾ ಜತೆಗೆ ಆಲಿಯಾ ಭಟ್ ಸಹ ಮತ ಚಲಾಯಿಸುತ್ತಿಲ್ಲ ಎಂಬ ಸುದ್ದಿ ಇತ್ತು. ಆದರೆ ಆಲಿಯಾ ಭಟ್ ಭಾರತೀಯ ಪೌರತ್ವ ಹೊಂದಿಲ್ಲದ ಕಾರಣ ಮತ ಚಲಾಯಿಸುತ್ತಿಲ್ಲ ಎಂದು ತಿಳಿಸಿದ್ದರು.