XXX 4ನೇ ಸಿಕ್ವೆಲ್‌ನಲ್ಲೂ ದೀಪಿಕಾ ಪಡುಕೋಣೆ

ಹಾಲಿವುಡ್‌ನ ಜನಪ್ರಿಯ ಸಿನಿಮಾ ಎಕ್ಸ್‌ಎಕ್ಸ್‌ಎಕ್ಸ್‌ನ 4ನೇ ಸಿಕ್ವೆಲ್‌ನಲ್ಲೂ ಬಾಲಿವುಡ್‌ ನಟಿ ದೀಪಿಕಾ ಪಡುಕೋಣೆ ನಟಿಸಲಿದ್ದಾರೆ. ಸಿನಿಮಾ ನಿರ್ದೇಶಕ ಡಿಜೆ ಕರುಸೊ ಈ ವಿಷಯವನ್ನು ಟ್ವಿಟ್ಟರ್‌ನಲ್ಲಿ ಹೇಳಿದ್ದು, 4ನೇ ಸಿಕ್ವೆಲ್‌ನಲ್ಲೂ ದೀಪಿಕಾ ಇದ್ದಾರೆ ಎಂದು ಹೇಳಿದ್ದಾರೆ. ಸಿನಿಮಾದ 3ನೇ ಸಿಕ್ವೆಲ್‌ ಎಕ್ಸ್‌ಎಕ್ಸ್‌ಎಕ್ಸ್‌: ರಿಟರ್ನ್‌ ಆಫ್‌ ಎಕ್ಸ್‌ಂಡರ್‌ ಕೇಜ್‌ನಲ್ಲಿ ದೀಪಿಕಾ, ಹಾಲಿವುಡ್‌ ನಟ ವಿನ್‌ ಡಿಸೇಲ್‌ ಜೊತೆ ನಟಿಸುವ ಮೂಲಕ ಜಾಗತಿಕವಾಗಿ ಗಮನ ಸೆಳೆದಿದ್ದರು.

ಇದೀಗ ಅವರು ಎಕ್ಸ್‌ಎಕ್ಸ್‌ಎಕ್ಸ್‌ನ 4ನೇ ಸಿಕ್ವೆಲ್‌ನಲ್ಲೂ ಕಾಣಿಸಿಕೊಳ್ಳುತ್ತಿರುವುದು ಅವರ ಅಭಿಮಾನಿಗಳಿಗೆ ಖುಷಿ ತಂದಿದೆ. ಪದ್ಮಾವತ್‌ ಸಿನಿಮಾದ ಬಳಿಕ ದೀಪಿಕಾರ ಯಾವುದೇ ಸಿನಿಮಾ ಬಂದಿಲ್ಲ. ಅವರು ಸದ್ಯಕ್ಕೆ ತಮ್ಮ ಮದುವೆ ಸಿದ್ಧತೆಯಲ್ಲಿ ಬಿಝಿಯಾಗಿದ್ದಾರೆ ಎಂದು ಹೇಳಲಾಗುತ್ತಿದೆ.