ಹೀಗೊಂದು ಸುದ್ದಿ ಎಲ್ಲೆಡೆ ಹರಿದಾಡುತ್ತಿದೆ. ಬಾಲಿವುಡ್ ಬೆಡಗಿ ದೀಪಿಕಾ ಪಡುಕೋಣೆ ಮತ್ತು ಟೆನಿಸ್ ತಾರೆ ನೊವಾಕ್ ಜೊಕೊವಿಕ್ ಪರಸ್ಪರ ಡೇಟಿಂಗ್ನಲ್ಲಿದ್ದಾರೆ ಎಂದು ಹೇಳಿದವರು ಮತ್ಯಾರು ಅಲ್ಲ, ಜೊಕೊವಿಕ್ ಅವರ ಮಾಜಿ ಗರ್ಲ್ಫ್ರೆಂಡ್ ನಟಾಶ ಬೆಕ್ವಲಕ್. ಸಂದರ್ಶನವೊಂದರಲ್ಲಿ ಈ ರೀತಿ ಹೇಳಿರುವ ನಟಾಶ, ಜೊಕೊವಿಕ್ಗೆ ದೀಪಿಕಾ ಪಡುಕೋಣೆ ಜೊತೆ ಡೇಟಿಂಗ್ ಮಾಡುವುದೆಂದರೆ ಖುಷಿ ಎಂಬ ಮಾತನ್ನು ತೇಲಿ ಬಿಟ್ಟಿದ್ದಾರೆ. ಅವರು ನೇರವಾಗಿ ಅವರಿಬ್ಬರು ಡೇಟಿಂಗ್ನಲ್ಲಿದ್ದಾರೆ ಎಂದು ಹೇಳಿದ್ದಾರೆ. ಅಂತಹದ್ದೊಂದು ಸಾಧ್ಯತೆಯನ್ನು ಮಾತ್ರ ವ್ಯಕ್ತಪಡಿಸಿದ್ದಾರೆ. ಈ ಕಾರಣ ದೀಪಿಕಾ ಮತ್ತು ಜೊಕೊವಿಕ್ ನಡುವೆ ಕುಚ್ ಕುಚ್ ಇದೆ ಎಂದು ಎಲ್ಲರು ಮಾತನಾಡಿಕೊಳ್ಳುತ್ತಿದ್ದಾರೆ. ಇದಕ್ಕೂ ಮೊದಲೊಮ್ಮೆ ಜೊಕೊವಿಕ್ ಮತ್ತು ದೀಪಿಕಾ ಸುದ್ದಿಯ ಕೇಂದ್ರಬಿಂದುವಾಗಿದ್ದರು. ಒಮ್ಮೆ ಲಾಸ್ ಏಂಜಲೀಸ್ಗೆ ಹೋಗಿದ್ದ ದೀಪಿಕಾ ಅಲ್ಲಿ ಜೊಕೊವಿಕ್ ಜೊತೆ ಡಿನ್ನರ್ ಮಾಡಿದ್ದರು. ಆದರೆ ದೀಪಿಕಾ ಪಡುಕೋಣೆಯವರನ್ನು ಗುರುತಿಸಲು ವಿಫಲವಾದ ಅಲ್ಲಿನ ಕೆಲವು ಮಾಧ್ಯಮಗಳು ಜೊಕೊವಿಕ್ ತಮ್ಮ ನೀಳ ಕಾಲುಗಳ ಮಹಿಳಾ ಸಂಗಾತಿಯೊಡನೆ ಡಿನ್ನರ್ ಮಾಡಿದ್ದಾರೆ ಎಂಬಂತೆ ವರದಿ ಮಾಡಿದ್ದವು.
ದೀಪಿಕಾ ಜೊತೆ ಜೊಕೊವಿಕ್ ಅಫೇರ್?
ಹೀಗೊಂದು ಸುದ್ದಿ ಎಲ್ಲೆಡೆ ಹರಿದಾಡುತ್ತಿದೆ...
Vijaya Karnataka Web 11 Jul 2017, 5:30 am