ಬೆಡ್‌ರೂಂ ಸೀಕ್ರೆಟ್ ಬಹಿರಂಗಪಡಿಸಿದ ದೀಪಿಕಾ ಪಡುಕೋಣೆ

ಬಾಲಿವುಡ್ ಸೂಪರ್ ಹಾಟ್ ಜೋಡಿಗಳಲ್ಲಿ ಒಂದಾದ ದೀಪಿಕಾ-ರಣ್‌ವೀರ್ ಜೋಡಿ ಇತ್ತೀಚಿಗೆ ಮದುವೆಯಾಗಿ ಹನಿಮೂನ್ ಮೂಡ್‌ನಲ್ಲಿರುವುದು ಜಗತ್ತಿಗೇ ಗೊತ್ತು. ಆದರೆ, ಈ ಜೋಡಿ ತಮ್ಮ ವೃತ್ತಿ ಜೀವನವನ್ನೂ ಅಷ್ಟೇ ಚೆನ್ನಾಗಿ ನಿಭಾಯಿಸುತ್ತಿರುವುದು ಬಹಳಷ್ಟು ಮೆಚ್ಚುಗೆ ಗಳಿಸಿದೆ. ಇತ್ತೀಚಿಗಷ್ಟೇ ಬಿಡುಗಡೆಯಾಗಿರುವ ರಣ್‌ವೀರ್ ನಾಯಕತ್ವದ 'ಗಲ್ಲಿ ಬಾಯ್' ಚಿತ್ರವನ್ನು ದೀಪಿಕಾ-ರಣ್‌ವೀರ್ ದಂಪತಿಗಳು 'ಪ್ರೇಮಿಗಳ ಸ್ಪೆಷಲ್ ದಿನ'ದಂದು ನೋಡಿದಾಗಲೇ ಹಲವರು ಇವರಿಬ್ಬರ ಸಿನಿಮಾ ಪ್ರೀತಿ ಕಂಡು ಅಚ್ಚರಿಗೊಂಡಿದ್ದರು.

ಫೆಮಿನಾ ಬ್ಯೂಟಿ ಅವಾರ್ಡ್ ಕಾರ್ಯಕ್ರಮಕ್ಕೆ ಬಂದಿದ್ದ ದೀಪಿಕಾ ಪಡುಕೋಣೆ ತಮ್ಮ ಪತಿ ರಣ್‌ವೀರ್ ಸಿಂಗ್ ಬಗ್ಗೆ ಸಾಕಷ್ಟು ಸಂಗತಿಗಳನ್ನು ಹೊರಹಾಕಿದ್ದಾರೆ. ರಣ್‌ವೀರ್ ತುಂಬಾ ಹೊತ್ತು ಟಾಯ್ಲೆಟ್‌ನಲ್ಲಿ ಕಳೆಯುತ್ತಾರೆ. ಸ್ನಾನದ ಮನೆಯಲ್ಲಿ, ಕನ್ನಡಿ ಮುಂದೆ ಕೂಡ ರಣ್‌ವೀರ್ ತುಂಬಾ ಸಮಯ ತೆಗೆದುಕೊಳ್ಳುತ್ತಾರೆ ಎಂಬ ಸೀಕ್ರೆಟ್‌ಗಳನ್ನು ದೀಪಿಕಾ ಬಹಿರಂಗಗೊಳಿಸಿದ್ದಾರೆ. ಅಷ್ಟೇ ಅಲ್ಲ, ಹಾಸಿಗೆಗೆ ಬರಲೂ ರಣ್‌ವೀರ್ ತುಂಬಾ ಲೇಟ್ ಮಾಡುತ್ತಾರೆ ಎಂದು ಹೇಳಿ ಅಲ್ಲಿದ್ದ ಎಲ್ಲರೂ ಮುಸಿಮುಸಿ ನಗುವಂತೆ ಮಾಡಿದ್ದಾರೆ ದೀಪಿಕಾ ಪಡುಕೋಣೆ.

ತಕ್ಷಣವೇ ತಮ್ಮ ಮಾತು ಇನ್ನೊಂದು ಅರ್ಥವನ್ನೂ ಕೊಡುತ್ತದೆ ಎಂಬುದನ್ನರಿತ ದೀಪಿಕಾ, "ಅಂದರೆ, ನಿದ್ರೆ ಮಾಡಲು ಬೆಡ್‌ಗೆ ಬರಲು ತುಂಬಾ ಸಮಯ ತೆಗೆದುಕೊಳ್ತಾರೆ ಎಂದೆ" ಎಂದು ತಮ್ಮ ಮಾತನ್ನು ಸರಿಪಡಿಸಿಕೊಂಡರು. ರಣ್‌ವೀರ್ ಅವರ ಡ್ರೆಸ್ ಸೆನ್ಸ್ ಹಾಗೂ ಕಾಸ್ಟ್ಯೂಮ್ಸ್ ಬಗ್ಗೆ ಕೂಡ ದೀಪಿಕಾ "ಯಾವುದೇ ಬಟ್ಟೆ ಖರೀದಿ ಮಾಡುವುದಿರಲಿ ಅಥವಾ ಹಾಕಿಕೊಳ್ಳುವುದಿರಲಿ, ನನ್ನ ಸಲಹೆ ಪಡೆಯದೇ ಅವರು ಏನೂ ಮಾಡುವುದಿಲ್ಲ" ಎಂದಿದ್ದಾರೆ.

ಒಟ್ಟಿನಲ್ಲಿ, ಬಾಲಿವುಡ್ ಬ್ಯೂಟಿ ದೀಪಿಕಾ ಅವರ ಮುದ್ದು ಗಂಡ ರಣ್‌ವೀರ್ ದೀಪಿಕಾಗೆ ಸಖತ್ ಅಂಟಿಕೊಂಡಿದ್ದಾರೆ ಎಂದ ಹಾಗಾಯಿತು. ಎಲ್ಲವನ್ನೂ ದೀಪಿಕಾ ಕೇಳಿಯೇ ಮಾಡುತ್ತಾರೆ ಎಂಬ ಗುಟ್ಟು ರಟ್ಟಾಗಿದೆ. 'ಹಾಗಿದ್ದರೆ ಲೈಫಿನಲ್ಲಿ ಮುಂದೇನು' ಎಂಬುದು ಅವರಿಬ್ಬರ ಅಭಿಮಾನಿಗಳ ಪ್ರಶ್ನೆಯಾಗಿದೆ. ಅದಕ್ಕೂ ಉತ್ತರವನ್ನು ದೀಪಿಕಾ ಹೇಳುತ್ತಾರೆ, ಅಲ್ಲಿಯವರೆಗೆ ಕಾಯಬೇಕು ಅಷ್ಟೇ.