ನಟಿ ದೀಪಿಕಾ ಪಡುಕೋಣೆ ಸಿಲ್ವರ್ ಪ್ಯಾಂಟ್ ಬೆಲೆ ಬಹಿರಂಗ

ಬಾಲಿವುಡ್ ಬಣ್ಣದ ಜಗತ್ತಿನ ಸ್ಟೈಲಿಶ್ ತಾರೆಯರಲ್ಲಿ ನಟಿ ದೀಪಿಕಾ ಪಡುಕೋಣೆ ಸಹ ಒಬ್ಬರು. ಅದು ಏರ್‌ಪೋರ್ಟ್ ಲುಕ್ ಆಗಿರಬಹುದು ಅಥವಾ ರೆಡ್ ಕಾರ್ಪೆಟ್‍ ಮೇಲಿನ ಕ್ಯಾಟ್‍ವಾಕ್ ಆಗಿರಬಹುದು, ಎಲ್ಲರ ಗಮನಸೆಳೆಯುವ ಕಲೆ ದೀಪಿಕಾಗೆ ಕರಗತ. ಈ ವರ್ಷ ನಡೆದ ಮೆಟ್ ಗಾಲಾ, ಕಾನ್ ಚಿತ್ರೋತ್ಸವದಲ್ಲಿ ಭಿನ್ನ ಲುಕ್‌ನಲ್ಲಿ ಎಲ್ಲರ ಕಣ್ಣರಳುವಂತೆ ಮಾಡಿದ್ದರು ಡಿಪ್ಪಿ.

ಇದೀಗ ಸಿಲ್ವರ್ ಪ್ಯಾಂಟ್ ಹಾಗೂ ಬಿಳಿ ಬಣ್ಣದ ಟೀಶರ್ಟ್‌ನಲ್ಲಿ ಮಿಂಚಿದ್ದಾರೆ. ಈ ಡ್ರೆಸ್ ಬಗ್ಗೆಯೇ ಎಲ್ಲರ ಕಣ್ಣು ಬಿದ್ದಿದೆ. ಸಾಮಾನ್ಯವಾಗಿ ಅಭಿಮಾನಿಗಳಿಗೆ ತಮ್ಮ ನೆಚ್ಚಿನ ತಾರೆಗಳ ಉಡುಗೆ ತೊಡುಗೆ ಬಗ್ಗೆ ಸ್ವಲ್ಪ ಕುತೂಹಲ ಇದ್ದೇ ಇರುತ್ತದೆ. ಇವರು ತೊಟ್ಟಿರುವ ಬಟ್ಟೆ ಬೆಲೆ ಎಷ್ಟಿರಬಹುದು ಎಂದು ಯೋಚಿಸುತ್ತಿರುತ್ತಾರೆ.

ದೀಪಿಕಾ ತೊಟ್ಟಿರುವ ಸಿಲ್ವರ್ ಪ್ಯಾಂಟ್ ಬೆಲೆ ಆನ್‍ಲೈನ್‌ನಲ್ಲಿ 816 ಯೂರೋಗಳಷ್ಟಿದೆ. ಭಾರತೀಯ ಕರೆನ್ಸಿಯಲ್ಲಿ ಇದರ ಬೆಲೆ ಸುಮಾರು ₹ 64,400ರಷ್ಟಾಗಬಹುದು. ಅವರ ವಿವರಗಳನ್ನು ಚಿತ್ರದಲ್ಲಿ ನೋಡಬಹುದು.

ಇನ್ನು ಕೆಲಸದ ವಿಚಾರಕ್ಕೆ ಬಂದರೆ ಸದ್ಯಕ್ಕೆ ದೀಪಿಕಾ ಪಡುಕೋಣೆ ಮೇಘನಾ ಗುಲ್ಜಾರ್ ಅವರ 'ಛಪಾಕ್' ಚಿತ್ರದಲ್ಲಿ ಅಭಿನಯಿಸುತ್ತಿದ್ದಾರೆ. ಆ್ಯಸಿಡ್ ದಾಳಿ ಸಂತ್ರಸ್ತೆ ಲಕ್ಷ್ಮಿ ಅಗರವಾಲ್ ಜೀವನಕ್ಕೆ ಸಂಬಂಧಿಸಿದ ಚಿತ್ರ ಇದು. ದೀಪಿಕಾ ಪಡುಕೋಣೆಗೆ ಜೋಡಿಯಾಗಿ ವಿಕ್ರಾಂತ್ ಮಸ್ಸೆ ನಟಿಸುತ್ತಿದ್ದಾರೆ. ಈ ಚಿತ್ರದ ಮೂಲಕ ನಿರ್ಮಾಪಕಿಯಾಗಿಯೂ ದೀಪಿಕಾ ಬದಲಾಗುತ್ತಿದ್ದಾರೆ.