ಕಣ್ಣು ನೋವಿನಿಂದ ಬಳಲುತ್ತಿರುವ ದೀಪಿಕಾ ಪಡುಕೋಣೆ

ಬಾಲಿವುಡ್‌ ನಟಿ ದೀಪಿಕಾ ಪಡುಕೋಣೆ ಕಣ್ಣಿನ ಸೋಂಕಿನಿಂದ ಬಳಲುತ್ತಿದ್ದಾರೆ ಎಂದು ತಿಳಿದುಬಂದಿದೆ. ಇತ್ತೀಚೆಗೆ ಫ್ಯಾಷನ್‌ ವೀಕ್‌ವೊಂದರಲ್ಲಿಪಾಲ್ಗೊಳ್ಳಲು ಪ್ಯಾರಿಸ್‌ಗೆ ತೆರಳಿದ್ದ ಅವರು ಅಲ್ಲಿಂದ ಭಾರತಕ್ಕೆ ಹಿಂದಿರುವಾಗ ಅವರಿಗೆ ಕಣ್ಣಿನ ಸೋಂಕು ಕಾಣಿಸಿಕೊಂಡಿತ್ತು.

ಪ್ಯಾರಿಸ್‌ ಫ್ಯಾಷನ್‌ ವೀಕ್‌ನಲ್ಲಿಮಿಂಚಿದ್ದ ಅವರು ಮುಂಬಯಿ ಏರ್‌ಪೋರ್ಟ್‌ನಲ್ಲಿಗೋಲ್ಡನ್‌ ಬಣ್ಣದ ಜಾಕೆಟ್‌ ಮತ್ತು ಹೊಳೆಯುವ ಕಪ್ಪು ಜಂಪ್‌ಸೂಟ್‌ನಲ್ಲಿಕಾಣಿಸಿಕೊಂಡಿದ್ದಾರೆ. ಕಪ್ಪು ಬಣ್ಣದ ಗಾಗಲ್ಸ್‌ ಧರಿಸಿದ್ದ ಅವರು ಎಂದಿನಂತೆ ಲವಲವಿಕೆಯಿಂದ ಇದ್ದರೂ ಕಣ್ಣುಗಳು ಬಳಲಿದಂತೆ ಕಂಡು ಬಂದವು ಎಂದು ಕೆಲವು ಮೂಲಗಳು ತಿಳಿಸಿವೆ. ದೀಪಿಕಾ ಕೈಯಲ್ಲಿಈಗ ಮೇಘನಾ ಗುಲ್ಜಾರ್‌ ನಿರ್ದೇಶನದ ಛಪಕ್‌, ಕಬೀರ್‌ ಖಾನ್‌ ನಿರ್ದೇಶನದ 83 ಮುಂತಾದ ಸಿನಿಮಾಗಳಿವೆ.