ಬೆಂಗಳೂರಿನಲ್ಲಿ ದೀಪಿಕಾರ ವೆಡ್ಡಿಂಗ್‌ ಜುವೆಲ್ಲರಿ ಶಾಪಿಂಗ್‌

ಹೀಗೊಂದು ಸುದ್ದಿ ಎಲ್ಲೆಡೆ ಹರಿದಾಡುತ್ತಿದೆ. ಇದೇ ವರ್ಷದ ಸೆಪ್ಟೆಂಬರ್‌ ತಿಂಗಳ ನಂತರ ಮದುವೆಯಾಗುವ ಸಿದ್ಧತೆಯಲ್ಲಿರುವ ಬಾಲಿವುಡ್‌ ನಟಿ ದೀಪಿಕಾ ಪಡುಕೋಣೆ ಇನ್ನೆರಡು ದಿನಗಳಲ್ಲಿ ಬೆಂಗಳೂರಿನಲ್ಲಿ ತಮ್ಮ ಮದುವೆಗಾಗಿ ಎಕ್ಸ್‌ಕ್ಲೂಸಿವ್‌ ಆಭರಣಗಳನ್ನು ಖರೀದಿಸಲಿದ್ದಾರೆ ಎಂದು ಹೇಳಲಾಗುತ್ತಿದೆ. ಹೊಸ ವರದಿಯೊಂದರ ಪ್ರಕಾರ, ಅವರು ಏಪ್ರಿಲ್‌ 11 ರಂದು ಬೆಂಗಳೂರಿಗೆ ಬಂದಿಳಿಯಲಿದ್ದು, ಆ ನಂತರ ತಮ್ಮ ಹೆತ್ತವರ ಜೊತೆ ಸ್ವಲ್ಪ ಸಮಯ ಕಳೆಯಲಿದ್ದಾರೆ. ಬಳಿಕ ವೆಡ್ಡಿಂಗ್‌ ಜುವೆಲ್ಲರಿ ಶಾಪಿಂಗ್‌ ಮಾಡಲಿದ್ದಾರೆ ಎಂದು ತಿಳಿದು ಬಂದಿದೆ.

ದೀಪಿಕಾ ಪಡುಕೋಣೆ ತಮ್ಮ ಮದುವೆ ಕುರಿತಂತೆ ಯಾವುದೇ ಅಧಿಕೃತ ಹೇಳಿಕೆ ನೀಡದಿದ್ದರೂ, ಅವರ ಮತ್ತು ನಟ ರಣವೀರ್‌ ಸಿಂಗ್‌ ಮದುವೆಗೆ ಈಗಾಗಲೇ ಭರ್ಜರಿ ಸಿದ್ಧತೆ ಆರಂಭವಾಗಿದೆ ಎಂದು ಹೇಳಲಾಗುತ್ತಿದೆ. ದೀಪಿಕಾರ ಹೆತ್ತವರು ಈಗಾಗಲೇ ಸೆಪ್ಟೆಂಬರ್‌ನಿಂದ ಡಿಸೆಂಬರ್‌ನೊಳಗಿರುವ ನಾಲ್ಕು ದಿನಗಳನ್ನು ಮದುವೆ ದಿನಕ್ಕಾಗಿ ಆಯ್ಕೆ ಮಾಡಿದ್ದು ಈ ಪೈಕಿ ಒಂದನ್ನು ಶೀಘ್ರದಲ್ಲೇ ಅಂತಿಮಗೊಳಿಸಲಿದ್ದಾರಂತೆ.