ಶಾಕಿಂಗ್‌...! ದೀಪಿಕಾ ಪಡುಕೋಣೆ ಡ್ರಗ್ಸ್‌ ಬೇಕು ಎಂದು ಕೇಳಿದ್ದ ವಾಟ್ಸಪ್‌ ಸಂದೇಶ ಬಹಿರಂಗ!

ಬಾಲಿವುಡ್‌ನಲ್ಲಿ ಮಿಂಚುತ್ತಿರುವ ಕನ್ನಡತಿ ದೀಪಿಕಾ ಪಡುಕೋಣೆ ಹೆಸರು ಡ್ರಗ್ಸ್‌ ಜಾಲದಲ್ಲಿ ಕೇಳಿಬಂದಿದೆ. 2017ರಲ್ಲಿ ಅವರು ಮಾಡಿದ್ದ ವಾಟ್ಸಪ್‌ ಮೆಸೇಜ್‌ನ ವಿವರಗಳು ಈಗ ಬಹಿರಂಗ ಆಗಿದ್ದು, ಅದರಲ್ಲಿ ಡ್ರಗ್ಸ್‌ ಬೇಕು ಎಂದು ದೀಪಿಕಾ ಕೇಳಿರುವುದು ಸ್ಪಷ್ಟವಾಗಿದೆ. ಈ ಸುದ್ದಿ ನಿಜಕ್ಕೂ ಅವರ ಅಭಿಮಾನಿಗಳಿಗೆ ಶಾಕ್‌ ನೀಡಿದೆ.

'ಟೈಮ್ಸ್ ನೌ' ಸುದ್ದಿ ವಾಹಿನಿ ಈ ಬಗ್ಗೆ ವರದಿ ಪ್ರಸಾರ ಮಾಡಿದೆ. ಅದರ ಪ್ರಕಾರ, ಕರೀಷ್ಮಾ ಎಂಬ ವ್ಯಕ್ತಿಯ ಜೊತೆ ದೀಪಿಕಾ ಪಡುಕೋಣೆ ಮಾದಕ ವಸ್ತುಗಾಗಿ ಬೇಡಿಕೆ ಇಟ್ಟಿದ್ದರು. ಕರೀಷ್ಮಾ ಎಂಬಾಕೆ ದೀಪಿಕಾ ಪಡುಕೋಣೆಯ ಮ್ಯಾನೇಜರ್‌ ಎಂದು ಹೇಳಲಾಗುತ್ತಿದೆ. ಆಕೆಯನ್ನು ವಿಚಾರಣೆಯಲ್ಲಿ ಹಾಜರಾಗುವಂತೆ ಎನ್‌ಸಿಬಿ ಅಧಿಕಾರಿಗಳು ನೋಟಿಸ್‌ ನೀಡಿದ್ದಾರೆ ಎಂಬ ಮಾಹಿತಿ ಕೇಳಿಬಂದಿದೆ. ಕರೀಷ್ಮಾ ಮತ್ತು ದೀಪಿಕಾ ನಡುವೆ ನಡೆದಿತ್ತು ಎನ್ನಲಾದ ವಾಟ್ಸಪ್‌ ಸಂದೇಶ ಹೀಗಿದೆ:

ದೀಪಿಕಾ: k ಮಾಲ್‌ ಇದೆಯಾ?
ಕರೀಷ್ಮಾ: ಹೌದು, ಇದೆ. ಆದರೆ ಮನೆಯಲ್ಲಿ ಇದೆ. ಈಗ ನಾನು ಬಾಂದ್ರಾದಲ್ಲಿ ಇದ್ದೇನೆ. ನಿಮಗೆ ಬೇಕಾದರೆ ಅಮಿತ್‌ ಹತ್ತಿರ ಕೇಳುತ್ತೇನೆ.
ದೀಪಿಕಾ: ಯೆಸ್‌... ಪ್ಲೀಸ್‌..
ಕರೀಷ್ಮಾ: ಅಮಿತ್‌ ಬಳಿ ಇದೆ. ಅವನು ತರುತ್ತಿದ್ದಾನೆ.
ದೀಪಿಕಾ: ಹ್ಯಾಷ್‌ ತಾನೇ?
ದೀಪಿಕಾ: ವೀಡ್‌ ಅಲ್ಲ
ಕರೀಷ್ಮಾ: ನೀವು ಯಾವ ಸಮಯಕ್ಕೆ ಕೊಕೊ ಬಳಿ ಬರುತ್ತೀರಿ?
ದೀಪಿಕಾ: 11.30 ಅಥವಾ 12

also read: ಡ್ರಗ್ಸ್‌ ಪಾರ್ಟಿ: ದೀಪಿಕಾ ಪಡುಕೋಣೆ, ಕರಣ್‌ ಜೋಹರ್‌ ಮುಂತಾದವರ ವಿರುದ್ಧ ದೂರು ದಾಖಲು!

ಕೊಕೊ ಎಂದರೆ ಮುಂಬೈನ ಕಮಲಾಮಿಲ್ಸ್‌ ಬಳಿ ಇರುವ ಒಂದು ರೆಸ್ಟೋರೆಂಟ್‌ ಎಂದು ಹೇಳಲಾಗುತ್ತಿದೆ. ಈ ಪ್ರಕರಣಕ್ಕೆ ಸಂಬಂಧಿಸಿದಂತೆ ಅನೇಕರನ್ನು ಈಗಾಗಲೇ NCB ಅಧಿಕಾರಿಗಳು ವಿಚಾರಣೆಗೆ ಒಳಪಡಿಸುತ್ತಿದ್ದಾರೆ. KWAN ಎಂಬ ಟ್ಯಾಲೆಂಟ್‌ ಏಜೆನ್ಸಿಯ ಅನೇಕರು ಈ ಜಾಲದಲ್ಲಿ ಭಾಗಿ ಆಗಿರುವ ಶಂಕೆ ವ್ಯಕ್ತವಾಗಿದೆ. ಈಗ ನಟಿ ದೀಪಿಕಾ ಪಡುಕೋಣೆಗೂ ನೋಟಿಸ್‌ ಕಳಿಸುವ ಸಾಧ್ಯತೆ ದಟ್ಟವಾಗಿದೆ.

also read: ರಣ್‌ವೀರ್ ಸಿಂಗ್‌ಗೂ ಮುನ್ನ ಬೇರೆ ನಟನಿಗೆ ಮದುವೆಯಾಗುತ್ತೀರಾ ಎಂದು ಕೇಳಿದ್ದ ದೀಪಿಕಾ ಪಡುಕೋಣೆ!