ಮೇಲಿನ ಫೋಟೋದಲ್ಲಿ ಕಾಣಿಸುತ್ತಿರುವ ಸ್ಟಾರ್ ನಟಿ ಯಾರು ಅಂತ ಗೊತ್ತಾಯ್ತಾ? ಆಕೆ ಬೇರಾರು ಅಲ್ಲ ಬಾಲಿವುಡ್ ಬ್ಯೂಟಿ ದೀಪಿಕಾ ಪಡುಕೋಣೆ. ದಿಲ್ಲಿ ಮೂಲದ ಆ್ಯಸಿಡ್ ದಾಳಿ ಸಂತ್ರಸ್ತೆ ಲಕ್ಷ್ಮಿ ಅಗರವಾಲ್ ಬಯೋಪಿಕ್ನಲ್ಲಿ ದೀಪಿಕಾ ಕಾಣಿಸುತ್ತಿದ್ದಾರೆ.
ಈ ಸಿನಿಮಾಗೆ 'ಛಪಾಕ್' ಎಂದು ಹೆಸರಿಡಲಾಗಿದೆ. ಇದೀಗ ಈ ಚಿತ್ರದ ಫಸ್ಟ್ ಲುಕ್ ರಿಲೀಸ್ ಆಗಿದ್ದು ಸಾಮಾಜಿಕ ಮಾಧ್ಯಮಗಳಲ್ಲಿ ಧೂಳೆಬ್ಬಿಸಿದೆ. ಸ್ವತಃ ದೀಪಿಕಾ ಪಡುಕೋಣೆ ತನ್ನ ಟ್ವಿಟರ್ ಖಾತೆಯಲ್ಲಿ ಫಸ್ಟ್ ಲುಕ್ ರಿವೀಲ್ ಮಾಡಿದ್ದಾರೆ.
"ಈ ಪಾತ್ರ ನನ್ನಲ್ಲಿ ಎಂದೆಂದಿಗೂ ಉಳಿದು ಬಿಡುತ್ತದೆ. ಛಪಾಕ್ ಸಿನಿಮಾದ ಶೂಟಿಂಗ್ ಇಂದಿನಿಂದ ಆರಂಭ" ಎಂದಿದ್ದಾರೆ. ಸಿನಿಮಾದಲ್ಲಿನ ದೀಪಿಕಾ ಲುಕ್ ಬಿಡುಗಡೆ ಮಾಡಿದ ಕೆಲವೇ ಕ್ಷಣಗಳಲ್ಲಿ ಮೂರು ಸಾವಿರಕ್ಕೂ ಹೆಚ್ಚು ಲೈಕ್ಸ್ ಪಡೆದುಕೊಂಡಿದೆ. ನೆಟ್ಟಿಗರಿಂದ ಅಭೂತಪೂರ್ವ ಪ್ರತಿಕ್ರಿಯೆ ವ್ಯಕ್ತವಾಗಿದೆ.
ಈ ಸಿನಿಮಾದಲ್ಲಿ ಮಾಲತಿ ಎಂಬ ಪಾತ್ರವನ್ನು ದೀಪಿಕಾ ಪೋಷಿಸಲಿದ್ದಾರೆ. ಇದು ಲಕ್ಷ್ಮಿ ಅಗರವಾಲ್ ಪಾತ್ರವಾದರೂ ಸಿನಿಮಾದಲ್ಲಿ ಅವರ ಹೆಸರನ್ನು ಬದಲಾಯಿಸಿರುವುದು ಗಮನಾರ್ಹ. 'ರಾಝಿ'ಯಂತಹ ಬ್ಲಾಕ್ ಬಸ್ಟರ್ ಸಿನಿಮಾ ನೀಡಿದ ಮೇಘನಾ ಗುಲ್ಜಾರ್ ಈ ಸಿನಿಮಾವನ್ನು ನಿರ್ದೆಶಿಸಿದ್ದಾರೆ. ದೀಪಿಕಾಗೆ ಜೋಡಿಯಾಗಿ ವಿಕ್ರಾಂತ್ ಮಸ್ಸೆ ಅಭಿನಯಿಸಿದ್ದಾರೆ. ಈ ಸಿನಿಮಾಗೆ ದೀಪಿಕಾ ಸಹ ನಿರ್ಮಾಪಕಿ.
ಈಗಿನ ಬಹುತೇಕ ಮಂದಿ ತಾರೆಯರಲ್ಲಿ ಬಹುತೇಕ ಮಂದಿ ಗ್ಲಾಮರಸ್ ಆಗಿರುವ ಪಾತ್ರವನ್ನು ಒಪ್ಪಿಕೊಳ್ಳಲು ಇಷ್ಟಪಡುತ್ತಾರೆ. ಆದರೆ ಈ ಪಾತ್ರದಲ್ಲಿ ಯಾವುದೇ ಗ್ಲಾಮರ್ ಇಲ್ಲದಂತೆ ಆ್ಯಸಿಡ್ ದಾಳಿಗೆ ಒಳಗಾದ ಸಂತ್ರಸ್ತೆ ಪಾತ್ರದಲ್ಲಿ ಕಾಣಿಸುತ್ತಿರುವುದು ವಿಶೇಷ. ಜನವರಿ 10, 2020ರಂದು ಪ್ರೇಕ್ಷಕರ ಮುಂದೆ ಬರಲಿದೆ.
ಈ ಸಿನಿಮಾಗೆ 'ಛಪಾಕ್' ಎಂದು ಹೆಸರಿಡಲಾಗಿದೆ. ಇದೀಗ ಈ ಚಿತ್ರದ ಫಸ್ಟ್ ಲುಕ್ ರಿಲೀಸ್ ಆಗಿದ್ದು ಸಾಮಾಜಿಕ ಮಾಧ್ಯಮಗಳಲ್ಲಿ ಧೂಳೆಬ್ಬಿಸಿದೆ. ಸ್ವತಃ ದೀಪಿಕಾ ಪಡುಕೋಣೆ ತನ್ನ ಟ್ವಿಟರ್ ಖಾತೆಯಲ್ಲಿ ಫಸ್ಟ್ ಲುಕ್ ರಿವೀಲ್ ಮಾಡಿದ್ದಾರೆ.
"ಈ ಪಾತ್ರ ನನ್ನಲ್ಲಿ ಎಂದೆಂದಿಗೂ ಉಳಿದು ಬಿಡುತ್ತದೆ. ಛಪಾಕ್ ಸಿನಿಮಾದ ಶೂಟಿಂಗ್ ಇಂದಿನಿಂದ ಆರಂಭ" ಎಂದಿದ್ದಾರೆ. ಸಿನಿಮಾದಲ್ಲಿನ ದೀಪಿಕಾ ಲುಕ್ ಬಿಡುಗಡೆ ಮಾಡಿದ ಕೆಲವೇ ಕ್ಷಣಗಳಲ್ಲಿ ಮೂರು ಸಾವಿರಕ್ಕೂ ಹೆಚ್ಚು ಲೈಕ್ಸ್ ಪಡೆದುಕೊಂಡಿದೆ. ನೆಟ್ಟಿಗರಿಂದ ಅಭೂತಪೂರ್ವ ಪ್ರತಿಕ್ರಿಯೆ ವ್ಯಕ್ತವಾಗಿದೆ.
ಈ ಸಿನಿಮಾದಲ್ಲಿ ಮಾಲತಿ ಎಂಬ ಪಾತ್ರವನ್ನು ದೀಪಿಕಾ ಪೋಷಿಸಲಿದ್ದಾರೆ. ಇದು ಲಕ್ಷ್ಮಿ ಅಗರವಾಲ್ ಪಾತ್ರವಾದರೂ ಸಿನಿಮಾದಲ್ಲಿ ಅವರ ಹೆಸರನ್ನು ಬದಲಾಯಿಸಿರುವುದು ಗಮನಾರ್ಹ. 'ರಾಝಿ'ಯಂತಹ ಬ್ಲಾಕ್ ಬಸ್ಟರ್ ಸಿನಿಮಾ ನೀಡಿದ ಮೇಘನಾ ಗುಲ್ಜಾರ್ ಈ ಸಿನಿಮಾವನ್ನು ನಿರ್ದೆಶಿಸಿದ್ದಾರೆ. ದೀಪಿಕಾಗೆ ಜೋಡಿಯಾಗಿ ವಿಕ್ರಾಂತ್ ಮಸ್ಸೆ ಅಭಿನಯಿಸಿದ್ದಾರೆ. ಈ ಸಿನಿಮಾಗೆ ದೀಪಿಕಾ ಸಹ ನಿರ್ಮಾಪಕಿ.
ಈಗಿನ ಬಹುತೇಕ ಮಂದಿ ತಾರೆಯರಲ್ಲಿ ಬಹುತೇಕ ಮಂದಿ ಗ್ಲಾಮರಸ್ ಆಗಿರುವ ಪಾತ್ರವನ್ನು ಒಪ್ಪಿಕೊಳ್ಳಲು ಇಷ್ಟಪಡುತ್ತಾರೆ. ಆದರೆ ಈ ಪಾತ್ರದಲ್ಲಿ ಯಾವುದೇ ಗ್ಲಾಮರ್ ಇಲ್ಲದಂತೆ ಆ್ಯಸಿಡ್ ದಾಳಿಗೆ ಒಳಗಾದ ಸಂತ್ರಸ್ತೆ ಪಾತ್ರದಲ್ಲಿ ಕಾಣಿಸುತ್ತಿರುವುದು ವಿಶೇಷ. ಜನವರಿ 10, 2020ರಂದು ಪ್ರೇಕ್ಷಕರ ಮುಂದೆ ಬರಲಿದೆ.