ಸಿಂಧಿ ಸಂಪ್ರದಾಯದಂತೆ ನಡೆಯಲಿದೆ ದೀಪ್‌ವೀರ್‌ ಮದುವೆ

ದೀಪಿಕಾ ಪಡುಕೋಣೆ ಮತ್ತು ರಣವೀರ್‌ ಸಿಂಗ್‌ ಮದುವೆ ಸಿಂಧಿ ಸಂಪ್ರದಾಯದಂತೆ ನಡೆಯಲಿದೆ ಎಂದು ತಿಳಿದುಬಂದಿದೆ. ಸಿಂಧಿ ಸಮುದಾಯದವರಾದ ರಣವೀರ್‌ ಸಿಂಗ್‌, ಸಾಂಥ್‌ ಎಂದು ಕರೆಯಲ್ಪಡುವ ಸಿಂಧಿ ಸಂಪ್ರದಾಯದ ಪ್ರಕಾರ ದೀಪಿಕಾರನ್ನು ವರಿಸಲಿದ್ದಾರೆ ಎಂದು ಅವರ ಸ್ನೇಹಿತರು ಹೇಳಿದ್ದಾರೆ.

ಮದುವೆಗೆ ಸಂಬಂಧಿಸಿದ ಎಲ್ಲಾ ಹಳೆ ಸಂಪ್ರದಾಯಗಳನ್ನು ರಣವೀರ್‌ ಸಿಂಗ್‌ ಮಾಡಲಿದ್ದಾರೆ. ಈ ಮೂಲಕ ಮರೆತು ಹೋಗಿರುವ ಕೆಲವು ಮದುವೆ ಸಂಪ್ರದಾಯಗಳನ್ನು ಮುಂದಿನ ಪೀಳಿಗೆಗೆ ಪರಿಚಯ ಮಾಡಿಕೊಡುವ ಪ್ರಯತ್ನವನ್ನು ಅವರು ಮಾಡಲಿದ್ದಾರೆ ಎಂದು ಸ್ನೇಹಿತರು ವಿವರಿಸಿದ್ದಾರೆ.