ಧರ್ಮೇಂದ್ರರನ್ನು ಮೊದಲ ಪತ್ನಿಯಿಂದ ದೂರ ಮಾಡಿಲ್ಲ: ಹೇಮಾ ಮಾಲಿನಿ

ಬಾಲಿವುಡ್ ನಟ ಧರ್ಮೇಂದ್ರ ಅವರನ್ನು ಮದುವೆಯಾಗಿದ್ದರೂ ಅವರ ಮೊದಲ ಪತ್ನಿ, ಕುಟುಂಬದಿಂದ ಅವರನ್ನು ದೂರ ಮಾಡಿಲ್ಲ ಎಂದಿದ್ದಾರೆ ಬಾಲಿವುಡ್ ಡ್ರೀಮ್ ಗರ್ಲ್ ಹಾಗೂ ಸಂಸದೆ ಹೇಮಾಮಾಲಿನಿ. ಸಂದರ್ಶನವೊಂದರಲ್ಲಿ ಮಾತನಾಡಿರುವ ಅವರು ತಮ್ಮ ವೈವಾಹಿಕ ಬದುಕಿಗೆ ಸಂಬಂಧಿಸಿದ ಹಲವಾರು ಆಸಕ್ತಿಕರ ಸಂಗತಿಗಳನ್ನು ಹೇಳಿದ್ದಾರೆ.

ಧರ್ಮೇಂದ್ರ ಅವರನ್ನು ನೋಡಿದ ಮೊದಲ ಕ್ಷಣದಲ್ಲೇ ಇವರು ನನ್ನವರು ಅಂತ ಅನ್ನಿಸಿತು. ಈ ಬದುಕನ್ನು ಅವರೊಂದಿಗೆ ಕಳೆಯಬೇಕು ಎಂದು ನಿರ್ಧರಿಸಿಕೊಂಡಿದ್ದಾಗಿ ಹೇಳಿದ್ದಾರೆ. ಅವರನ್ನು ಮದುವೆಯಾದರೆ ಯಾರೂ ಪರಿತಪಿಸುವಂತಾಗಬಾರದು ಎಂಬ ನಿರ್ಧಾರಕ್ಕೆ ಬಂದೆ. ಧರ್ಮೇಂದ್ರ ಮೊದಲ ಪತ್ನಿ, ಮಕ್ಕಳ ಬದುಕಿನಲ್ಲಿ ನಾನು ತಲೆತೂರಿಸಲ್ಲ. ಧರ್ಮೇಂದ್ರರನ್ನು ಮದುವೆಯಾದರೂ, ಮೊದಲ ಪತ್ನಿ, ಮಕ್ಕಳಿಂದ ಅವರನ್ನು ದೂರ ಮಾಡಿಲ್ಲ ಎಂದಿದ್ದಾರೆ. ಮುಂದೆ ನನ್ನ ಕುಟುಂಬದ ಜತೆಗೆ ಸಂತೋಷವಾಗಿ ಕಳೆಯಬೇಕು ಎಂದುಕೊಂಡಿದ್ದೇನೆ. ಹಾಗಾಗಿಯೇ ಶೀಘ್ರದಲ್ಲೇ ರಾಜಕೀಯದಿಂದ ದೂರ ಸರಿಯಲಿದ್ದೇನೆ ಎಂದಿದ್ದಾರೆ.

ಚುನಾವಣಾ ಕಣದ ಧೂಳಿನಲ್ಲಿ ಮುಳುಗೇಳುತ್ತಿರುವ ನಟ ನಟಿಯರು


ಧರ್ಮೇಂದ್ರ-ಹೇಮಾಮಾಲಿನಿ ಜೋಡಿ ಶೋಲೆ, ಸೀತಾ ಔರ್ ಗೀತಾ ಚಿತ್ರಗಳಲ್ಲಿ ಅಭಿನಯಿಸಿದ್ದಾರೆ. 1979ರ ಆಗಸ್ಟ್‌ನಲ್ಲಿ ವಿವಾಹ ಬಂಧನ ಮೂಲಕ ಒಂದಾದರು. ಈ ಜೋಡಿಯ ಪ್ರೀತಿಯ ಫಲವಾಗಿ ಇಷಾ, ಅಹನಾ ಡಿಯೋಲ್ ಎಂಬ ಇಬ್ಬರು ಹೆಣ್ಣುಮಕ್ಕಳಿದ್ದಾರೆ. ಹೇಮಾ ಮಾಲಿನಿಗೆ ಇನ್ನೊಬ್ಬ ಮಗ!

ಧರ್ಮೇಂದ್ರ 19ರ ವಯಸ್ಸಿನಲ್ಲಿದ್ದಾಗ 1954ರಲ್ಲಿ ಗುರುಹಿರಿಯರ ನಿಶ್ಚಯಿಸಿದ ಪರ್‌ಕಾಶ್ ಕೌರ್ ಜೊತೆಗೆ ಮದುವೆಯಾಗಿತ್ತು. ಈ ಜೋಡಿಗೆ ಸನ್ನಿ ಡಿಯೋಲ್, ಬಾಬಿ ಡಿಯೋಲ್ ಎಂಬ ಇಬ್ಬರು ಗಂಡು ಮಕ್ಕಳ ಜತೆಗೆ ವಿಜೇತಾ, ಅಜೇತಾ ಎಂಬ ಹೆಣ್ಣುಮಕ್ಕಳೂ ಇದ್ದಾರೆ. ಮೊಮ್ಮಗಳನ್ನು ಮುದ್ದಾಡಿದ ಕ್ಯೂಟ್ ಅಜ್ಜಿ ಹೇಮಾ ಮಾಲಿನಿ