Cannes 2019: ಭಾರಿ ಚರ್ಚೆಗೆ ಗ್ರಾಸವಾದ ಪ್ರಿಯಾಂಕಾ ಚೋಪ್ರಾ ತೋಳು!

ನಟಿ ಪ್ರಿಯಾಂಕಾ ಚೋಪ್ರಾ ಕಾನ್ ಚಿತ್ರೋತ್ಸವದಲ್ಲಿ ವಿವಿಧ ಉಡುಪುಗಳನ್ನು ಧರಿಸಿ ಮಿಂಚಿದ್ದೇ ಮಿಂಚಿದ್ದು, ಸೋಶಿಯಲ್‌ ಮೀಡಿಯಾದಲ್ಲಿ ಆಕೆಯ ಬಗ್ಗೆ ರಸವತ್ತಾದ ಚರ್ಚೆ ನೆಟ್ಟಿಗರ ಬಳಗದಲ್ಲಿ ಆರಂಭವಾಗಿದೆ.

ಈ ಮಾತುಕತೆ ನಡೆದಿರುವುದು ಆಕೆಯ ತೋಳಿನ ಕುರಿತು. ಪಿಗ್ಗಿ ತನ್ನ ಇನ್‌ಸ್ಟಾಗ್ರಾಮ್‌ನಲ್ಲಿ ತನ್ನ ಬಾಲ್ಕನಿಯಲ್ಲಿ ಬರ್ಗರ್‌ ತಿನ್ನುವ ಸರಣಿ ಫೋಟೋಗಳನ್ನು ಶೇರ್‌ ಮಾಡಿದ್ದು, ಇವುಗಳಲ್ಲಿ ಕೆಲವು ಫೋಟೋಗಳಲ್ಲಿ ಆಕೆಯ ತೋಳು ಸಪೂರವಾಗಿ ಆಕರ್ಷವಾಗಿದೆ. ಇನ್ನು ಕೆಲವು ಚಿತ್ರಗಳಲ್ಲಿ ಹಾಗಿಲ್ಲ. ಇದು ಆಕೆಯ ಅಭಿಮಾನಿಗಳನ್ನು ಸೆಳೆದಿದ್ದು 'ಹೀಗೇಕೆ?' ಎಂಬುದು ಅನೇಕರಿಗೆ ಮಿಲಿಯನ್‌ ಡಾಲರ್‌ ಪ್ರಶ್ನೆಯಾಗಿದೆ.

ಕೆಲವು ಚಿತ್ರಗಳಲ್ಲಿ ಪ್ರಿಯಾಂಕಾ ತಮ್ಮ ತೋಳಿನ ಭಾಗವನ್ನು ಕ್ರಾಪ್‌ ಮಾಡಿದ್ದಾರಾ? ಅಥವಾ ಫೋಟೋಗ್ರಾಫರ್‌ ಕೋನ ಬದಲಿಸಿದಾಗ ಹೀಗಾಗಿದೆಯೇ? ಹೀಗೆ ಅನೇಕ ಸಮರ್ಥನೆಗಳನ್ನು ಇದಕ್ಕೆ ನೀಡಲಾಗುತ್ತಿದೆ.