ಶಾರೂಖ್‌ ಪುತ್ರಿಯ ಈ ಡ್ರೆಸ್‌ ಬೆಲೆ ಕೇಳಿದ್ರೆ ಶಾಕ್‌ ಆಗ್ತಿರಾ!

ಬಾಲಿವುಡ್‌ನ ಕಿಂಗ್‌ ಖಾನ್‌ ಶಾರೂಖ್‌ ಪುತ್ರಿ ಸುಹಾನಾ ಇತ್ತೀಚೆಗೆ ನಡೆದ ಒಂದು ರೆಸ್ಟೋರೆಂಟ್‌ ಉದ್ಘಾಟನಾ ಕಾರ್ಯಕ್ರಮದಲ್ಲಿ ಸಖತ್‌ ಹಾಟ್‌ ಆಗಿ ಕಾಣಿಸಿಕೊಂಡು, ಸಿಕ್ಕಾಪಟ್ಟೆ ಸುದ್ದಿಯಾದರು. ಶಾರೂಖ್‌ ಪತ್ನಿ ಗೌರಿ ಡಿಸೈನ್‌ ಮಾಡಿರುವ ಈ ರೆಸ್ಟೋರೆಂಟ್ ಉದ್ಘಾಟನೆಗೆ ಸೆಲೆಬ್ರಿಟಿಗಳ ದಂಡೇ ಆಗಮಿಸಿತ್ತು.

ಬಾಲಿವುಡ್‌ನ ಹಾಟ್‌ ನಟಿಯರಾದ ಅಲಿಯಾ ಭಟ್‌, ಜಾಕ್ವೆಲಿನ್‌, ಸೋನಮ್‌ ಕಪೂರ್‌, ಮಲೈಕಾ ಅರೋರಾ ಹಾಗೂ ಕೃತಿ ಸನನ್‌ ಮೆರಗು ನೀಡಿದ್ದರಾದರೂ ಅಲ್ಲಿ ಮಿಂಚಿದ್ದು ಮಾತ್ರ 17ರ ಹರೆಯದ ಶಾರೂಖ್‌ ಪುತ್ರಿ. ಇನ್ನೂ ಬಣ್ಣದ ಲೋಕಕ್ಕೆ ಕಾಲಿಡದ ಸುಹಾನಾ ಈಗಾಗಲೇ ಸೆಲೆಬ್ರಿಟಿ ಪಟ್ಟ ಗಿಟ್ಟಿಸಿಕೊಂಡವರನ್ನೂ ಮರೆಮಾಚಿದ್ದರು.

ಸುಹಾನಾ ಧರಿಸಿದ್ದ ಉಡುಗೆ ಆಕೆಯನ್ನು ಮತ್ತಷ್ಟು ಹಾಟ್‌ ಆಗಿ ಕಾಣುವಂತೆ ಮಾಡಿದ್ದು ಸುಳ್ಳಲ್ಲ. ಗ್ರ್ಯಾಂಡ್‌ ಪಾರ್ಟಿಯಲ್ಲಿ ಸುಹಾನಾ ತೊಟ್ಟಿದ್ದ ದಿರಿಸಿನ ಬೆಲೆ ಕೇಳಿದ್ರೆ ನೀವು ಶಾಕ್‌ ಆಗೋದಂತೂ ಗ್ಯಾರಂಟಿ.

ಈ ಆಕರ್ಷಕ ಟ್ಯಾಂಗರಿನ್ ಬ್ಯಾಂಡೇಜ್ ಉಡುಗೆಯ ಬೆಲೆ ಬರೋಬ್ಬರಿ ರೂ. 60,000 ಅಂತೆ. ಸುಹಾನಾ ಈ ಒಂದು ಬಟ್ಟೆಗೆ ವ್ಯಯಿಸಿದ ದುಡ್ಡಲ್ಲಿ ಯುರೋಪ್‌ ಪ್ರಯಾಣ ಮಾಡಬಹುದಿತ್ತು ಎಂದು ಬಾಲಿವುಡ್‌ ಪಂಡಿತರು ಪಿಸುಗುಟ್ಟುತ್ತಿದ್ದಾರೆ. ಮುಂದಿನ ದಿನಗಳಲ್ಲಿ ಸುಹಾನಾ ಬಾಲಿವುಡ್‌ ಅಂಗಳಕ್ಕೆ ಎಂಟ್ರಿ ಕೊಡುವುದಂತೂ ಗ್ಯಾರಂಟಿ ಎನ್ನುತ್ತಿದೆ ಬಿಟೌನ್‌.