ಹೊಸ ಅವತಾರದಲ್ಲಿ ಡ್ರೀಮ್‌ ಗರ್ಲ್‌ ಹೇಮಾ ಮಾಲಿನಿ

ಬಾಲಿವುಡ್‌ನ ಡ್ರೀಮ್‌ ಗರ್ಲ್‌ ಎಂದು ಕರೆಸಿಕೊಳ್ಳುವ ಹೇಮಾ ಮಾಲಿನಿ ಒಬ್ಬ ನಟಿಯಾಗಿ ಮಾತ್ರವಲ್ಲದೆ ರಾಜಕಾರಣಿ, ನೃತ್ಯಗಾರ್ತಿ ಹಾಗೂ ಚಿತ್ರದ ನಿರ್ಮಾಪಕಿಯಾಗಿ ಮಿಂಚಿದವರು. ಇದೀಗ ಹೇಮಾ ಗಾಯಕಿಯಾಗಿ ಮಿಂಚಲು ಸಿದ್ಧರಾಗಿದ್ದಾರೆ.

ಹೌದು, ಡ್ರೀಮ್‌ ಗರ್ಲ್‌ ಕಂಠಸಿರಿಯಲ್ಲಿ ಆಲ್ಬಂವೊಂದು ಹೊರಬರುತ್ತಿದೆ. ಒಟ್ಟು 8 ಭಜನೆ ಗೀತೆಗಳನ್ನು ಹೊಂದಿರುವ ಈ ಆಲ್ಬಂಗೆ 'ಗೋಪಾಲಾ ಕೋ ಸಮರ್ಪಣ್‌' ಎಂದು ಹೆಸರಿಡಲಾಗಿದೆ. ಆಗಸ್ಟ್‌ 13 ಅಂದರೆ ಶ್ರೀಕೃಷ್ಣ ಜನ್ಮಾಷ್ಟಮಿಯಂದು ಈ ಆಲ್ಬಂ ಬಿಡುಗಡೆಯಾಗಲಿದೆ. ಮುಂಬಯಿನ ಜುಹುದಲ್ಲಿರುವ ಇಸ್ಕಾನ್‌ ಮಂದಿರದಲ್ಲಿ ಬಿಡುಗಡೆಯಾಗುತ್ತಿರುವುದು ಮತ್ತೊಂದು ವಿಶೇಷ.


ಹೇಮಾ ಮಾಲಿನಿ ಹಾಡಿರುವ ಭಕ್ತಿ ಪ್ರಧಾನ ಆಲ್ಬಂಗೆ ಪಂಡಿತ್ ಜಸ್ರಾಜ್, ಪಂಡಿತ್ ಹರಿಪ್ರಸಾದ್ ಚೌರಾಸಿಯಾ, ರಾಜನ್-ಸಾಜನ್ ಮಿಶ್ರಾ ಮತ್ತು ಪಂಡಿತ್ ಶಿವಕುಮಾರ್ ಶರ್ಮಾ ಸಂಗೀತ ಸಂಯೋಜನೆ ಮಾಡಿದ್ದಾರೆ. ಈ ಗೀತೆಗಳಿಗೆ ನಾರಾಯಣ್‌ ಅಗರವಾಲ್‌ ಎಂಬುವರು ಸಾಹಿತ್ಯ ರಚಿಸಿದ್ದಾರೆ.

ಈ ಆಲ್ಬಂ ಒಪ್ಪಿಕೊಳ್ಳಲು ಹೇಮಾ ಮಾಲಿನಿ ಹಿಂದೇಟು ಹಾಕಿದರಂತೆ. ' ನಾರಾಯಣ್‌ ಅವರು ಈ ಆಲ್ಬಂನ್ನು ನಾನೇ ಹಾಡಬೇಕು ಎಂದು ಕೇಳಿಕೊಂಡಾಗ ನಾನು ಸ್ವಲ್ಪ ಹಿಂಜರಿದೆ. ಏಕೆಂದರೆ ನಾನು ವೃತ್ತಿಪರ ಗಾಯಕಿ ಅಲ್ಲ. ಅಪೂರ್ಣ ಮನಸ್ಸಿನಿಂದ ನಾನು ಯಾವ ಕೆಲಸವನ್ನೂ ಮಾಡುವುದಿಲ್ಲ. ನಂತರ ಈ ಆಲ್ಬಂನ ಸಂಗೀತವನ್ನು ಆಲಿಸಿದ ನಂತರ ನನ್ನಲ್ಲಿ ಭರವಸೆ ಮೂಡಿತು. ಇಂಥ ಒಂದು ಅವಕಾಶ ಪ್ರತಿದಿನ ಬರುವುದಿಲ್ಲವೆಂದು ಅನಿಸಿ ಹಾಡಲು ಒಪ್ಪಿಕೊಂಡೆ' ಎನ್ನುತ್ತಾರೆ ಹೇಮಾ. ಅಷ್ಟೇ ಅಲ್ಲದೆ ಈ ಆಲ್ಬಂಗಾಗಿ ಅಗತ್ಯ ಸಂಗೀತಾಭ್ಯಾಸವನ್ನೂ ಮಾಡಿದರಂತೆ ಡ್ರೀಮ್‌ ಗರ್ಲ್‌.

Dream Girl Hema Malini turns a bhajan singer

We've seen her donning several hats — as an actress, a dance exponent, politician, filmmaker and what not! Now, Dream Girl Hema Malini is all set to launch her debut bhajan album, Gopala Ko Samarpan.