ವಿರಾಟ್‌ ಕೊಹ್ಲಿ ಪಾತ್ರದಲ್ಲಿ ದುಲ್ಕರ್‌ ಸಲ್ಮಾನ್‌

ಬಾಲಿವುಡ್‌ನಲ್ಲೂ ಗಮನ ಸೆಳೆದಿರುವ ಮಾಲಿವುಡ್‌ ನಟ ದುಲ್ಕರ್‌ ಸಲ್ಮಾನ್‌ ಮುಂಬರುವ ದ ಝೋಯಾ ಫ್ಯಾಕ್ಟರ್‌ ಸಿನಿಮಾದಲ್ಲಿ ವಿರಾಟ್‌ ಕೊಹ್ಲಿ ಪಾತ್ರದಲ್ಲಿ ಕಾಣಿಸಿಕೊಳ್ಳಲಿದ್ದಾರೆ. ಇದು ಅವರ ಎರಡನೇ ಬಾಲಿವುಡ್‌ ಸಿನಿಮಾವಾಗಲಿದೆ. ಇದಕ್ಕಿಂತ ಮೊದಲು ಅವರು ಕಾರ್ವಾನ್‌ ಸಿನಿಮಾದಲ್ಲಿ ನಟಿಸಿದ್ದರು. 1983 ರಲ್ಲಿ ಭಾರತ ವರ್ಲ್ಡ್‌ ಕಪ್‌ ಗೆಲ್ಲಲು ಅದೇ ವರ್ಷ ಹುಟ್ಟಿದ ಝೋಯಾ ಸಿಂಗ್‌ ಎಂಬ ಹುಡುಗಿಯೂ ಕಾರಣ ಹಾಗೂ 2011 ರ ಗೆಲುವಿಗಾಗಿಯೂ ಟೀಮ್‌ ಇಂಡಿಯೂ ಇದೇ ಝೋಯಾ ಫ್ಯಾಕ್ಟರ್‌ ಯೋಜನೆ ಹಾಕಿಕೊಂಡಿತ್ತು ಎಂಬ ಕಾದಂಬರಿಯೊಂದನ್ನು ಆಧರಿಸಿ ಈ ಸಿನಿಮಾ ನಿರ್ಮಾಣವಾಗುತ್ತಿದೆ.

2011 ರಲ್ಲಿ ವರ್ಲ್ಡ್‌ ಕಪ್‌ ಗೆದ್ದ ತಂಡದಲ್ಲಿ ವಿರಾಟ್‌ ಕೊಹ್ಲಿ ಕೂಡಾ ಪ್ರಮುಖ ಪಾತ್ರ ವಹಿಸಿದ್ದರು. ಈ ಸಿನಿಮಾದಲ್ಲಿ ಅವರ ಪಾತ್ರವನ್ನು ದುಲ್ಕರ್‌ ನಿಭಾಯಿಸಲಿದ್ದಾರೆ ಎಂದು ಹೇಳಲಾಗುತ್ತಿದೆ. ಈ ಪಾತ್ರಕ್ಕಾಗಿ ಅವರು ಈಗಾಗಲೇ ಕ್ರಿಕೆಟ್‌ ಅಭ್ಯಾಸ ಆರಂಭಿಸಿದ್ದಾರಂತೆ.