ಗಂಡು ಮಗುವಿನ ತಾಯಿಯಾದ ಏಕ್ತಾ ಕಪೂರ್‌

ಸಿನಿಮಾ ಮತ್ತು ಕಿರುತೆರೆ ನಿರ್ಮಾಪಕಿ ಏಕ್ತಾ ಕಪೂರ್‌ ಬಾಡಿಗೆ ತಾಯಿಯ ಮೂಲಕ ಗಂಡು ಮಗುವನ್ನು ಹೊಂದಿದ್ದಾರೆ. ಜನವರಿ 27 ರಂದು ಮುದ್ದಾದ ಗಂಡು ಮಗುವಿನ ತಾಯಿಯಾದ ಸಂಭ್ರಮದಲ್ಲಿರುವ ಅವರಿಗೆ ಸೋಷಿಯಲ್‌ ಮೀಡಿಯಾದಲ್ಲಿ ಶುಭಾಶಯಗಳ ಮಹಾಪೂರವೇ ಹರಿದು ಬರುತ್ತಿದೆ.

ಏಕ್ತಾ ಕಪೂರ್‌ ಹಲವಾರು ಸಂದರ್ಭಗಳಲ್ಲಿ ತಮಗೆ ಮದುವೆಯಾಗಲು ಆಸಕ್ತಿಯಿಲ್ಲ ಎಂದು ಬಹಿರಂಗವಾಗಿಯೇ ಹೇಳಿಕೊಂಡಿದ್ದರು. ಆದರೆ ಅವರ ಸಹೋದರ ತುಷಾರ್‌ ಕಪೂರ್‌ ಬಾಡಿಗೆ ತಾಯಿಯ ಮೂಲಕ ಮಗು ಹೊಂದಿದ ಬಳಿಕ ತಮಗೂ ಮಗುವೊಂದರ ತಾಯಿಯಾಗಲು ಆಸಕ್ತಿಯಿದೆ ಎಂದು ಹೇಳಿದ್ದರು. ಮಗುವಿನ ಆರೈಕೆ ಮಾಡಲು ಮತ್ತು ಮಗುವಿನೊಂದಿಗೆ ಬರುವ ಎಲ್ಲಾ ಜವಾಬ್ದಾರಿಗಳನ್ನು ನಿರ್ವಹಣೆ ಮಾಡಲು ನಾನು ರೆಡಿಯಿದ್ದೇನೆ ಎಂದು ನನಗೆ ಅನಿಸಿದ ಮೇಲೆಯೇ ನಾನು ಈ ನಿರ್ಧಾರಕ್ಕೆ ಬಂದಿದ್ದೇನೆ ಎಂದು ಏಕ್ತಾ ಕಪೂರ್‌ ಹೇಳಿದ್ದಾರೆ.