ಹಾಟ್‌ ವೀಡಿಯೋದಿಂದ ಪಡ್ಡೆಗಳ ನಿದ್ದೆಗೆಡಿಸಿದ ಈಶಾ!

ಇತ್ತೀಚೆಗೆ ಸೆಲೆಬ್ರಿಟಿಗಳು ಒಂದಿಲ್ಲೊಂದು ಕಾರಣದಿಂದ ಸುದ್ದಿ ಮಾಡುತ್ತಲೇ ಇರುತ್ತಾರೆ. ಒಬ್ಬರು ಬ್ಯಾಕ್‌ಲೆಸ್‌ ಫೋಟೋ ಅಪ್ಲೋಡ್‌ ಮಾಡಿ ಪ್ರಚಾರ ಗಿಟ್ಟಿಸಿಕೊಂಡರೆ, ಮತ್ತೊಬ್ಬರು ಟಾಪ್‌ಲೆಸ್‌ ಪೋಟೋದೊಂದಿಗೆ ಮಿಂಚುತ್ತಾರೆ. ಇಷ್ಟು ದಿನ ಸೈಲೆಂಟ್‌ ಆಗಿದ್ದ ಬಾಲಿವುಡ್‌ ಬ್ಯೂಟಿ ಒಬ್ಬರು ಒಮ್ಮೆಲೆ ಎಲ್ಲರ ಚಿತ್ತವನ್ನು ತಮ್ಮತ್ತ ಸೆಳೆದುಕೊಂಡಿದ್ದಾರೆ.

ಹೌದು, ಈಶಾ ಗುಪ್ತಾ ತಮ್ಮ ಇನ್‌ಸ್ಟಾಗ್ರಾಮ್‌ ಅಕೌಂಟ್‌ನಲ್ಲಿ ವೀಡಿಯೋ ಟೀಸರ್‌ವೊಂದನ್ನು ಬಿಡುಗಡೆ ಮಾಡುವ ಮೂಲಕ ಸಿಕ್ಕಾಪಟ್ಟೆ ಸದ್ದು ಮಾಡುತ್ತಿದ್ದಾರೆ. ವೀಡಿಯೋದಲ್ಲಿ ಬಗೆ ಬಗೆಯ ಬಿಕಿನಿ ತೊಟ್ಟಿರುವುದು ಪಡ್ಡೆಗಳ ನಿದ್ದೆ ಕೆಡಿಸಿದೆ. ಈ ವೀಡಿಯೋದ ಮ್ಯೂಸಿಕ್‌ ಸಹ ಅಷ್ಟೇ ಮಾಂತ್ರಿಕವಾಗಿದ್ದು, ನೋಡುಗರನ್ನು ಬೇರೆಯದೇ ಲೋಕಕ್ಕೆ ಕರೆದೊಯ್ಯುತ್ತಿದೆ.

  Coming Soon A post shared by Esha Gupta (@egupta) on Jul 10, 2017 at 7:03am PDT
ಈ ವೀಡಿಯೋ ಟೀಸರ್‌ ಜತೆಗೆ 'ಕಮಿಂಗ್‌ ಸೂನ್‌' ಎಂದು ಬರೆದುಕೊಂಡಿದ್ದಾರೆ ಈಶಾ. ಜತೆಗೆ ಮೈಮೇಲಿನ ಟ್ಯಾಟೂ ಕೂಡ ಪ್ರದರ್ಶಿಸಿದ್ದಾರೆ. ಸದ್ಯಕ್ಕೆ ಮಿಲನ್‌ ಲುತ್ರಿಯಾ ನಿರ್ದೇಶನದ 'ಬಾದ್‌ಶಾಹೋ' ಚಿತ್ರದ ಮೂಲಕ ಬೆಳ್ಳಿ ತೆರೆಗೆ ಬರಲಿದ್ದಾರೆ ಈಶಾ. ಈ ಚಿತ್ರದಲ್ಲಿ ಸೀರಿಯಲ್‌ ಕಿಸ್ಸರ್‌ ಇಮ್ರಾನ್‌ ಹಶ್ಮಿ, ಇಲಿಯಾನಾ ಮತ್ತು ಅಜಯ್‌ ದೇವ್‌ಗನ್‌ ಪ್ರಮುಖ ಪಾತ್ರದಲ್ಲಿ ಕಾಣಿಸಿಕೊಂಡಿದ್ದಾರೆ.